Emakumeak, joko-eremutik kanporatuak
Garai zailak bizi ditu emakumezkoen kirolak gurean: Osasuna futbol taldearen murrizketa-politikaren ondorioz klubak ez du datorren denboraldian nesken futbol talderik izango, eta Iruñeko San Juan ere desagertu egingo da. Halaber, Donostiako Bera Bera eskubaloi taldeak uko egin behar izan dio Txapeldunen Ligan jokatzeari, ez duelako diru-iturri berririk aurkitu.
Osasunaren erregional mailako taldea desagerrarazi zuten aurreko denboraldian, eta Bigarren Mailan aritu beharko litzatekeena kendu dute orain. Iruñea bertako San Juan taldeak ere bide bera jarraitu du, eta Barañaingo Lagunak Erregional Mailara jaitsi da.
Osasunako entrenatzaile Iosu Dominguezen hitzetan, zuzendaritzak jakinarazi die taldea gaur gaurkoz ez dela bideragarria: “Azaldu digute harremanetan jarri direla Nafarroako Kirolaren Institutuarekin eta Iruñeko Udalarekin, Osasunak ezin duelako proiektua %100ean bere egin. Entzungor egin dute denek, eta ondorioz ez dugu nesken talderik izango”.
Hainbat eragilek Nafarroako Gobernua dute jo-puntuan: “Gehiago interesatzen zaie emakumezkoen kirolari min handia egin dioten fikziozko proiektuak babestea, iaz desagertutako Itxako eskubaloi taldearekin gertatu bezala; edo errendimendurik apenas eman duen Navarra Arena moduko azpiegitura faraonikoetan inbertitzea”, kexu dira Navarra Deportiva agerkariko kideak.
Ardoi, Bigarren Mailan
Emakumezkoen Bigarren Mailan arituko den taldea Zizur Nagusiko Ardoi izango da. Nesken futbolak bizi duen egoera iluna argitzen duen albistea da, baina kontuan hartu behar da arrazoi ekonomikoengatik Bigarren Mailan jokatzeari uko egin dion Castejón taldearen lekua hartuko duela Ardoik.
Mulier, emakumezkoen futbolaren aldeko apustu berria
Osasuna desagertu ostean Eva Blanco buru duen lan-taldea proiektu berria hasi zen mamitzen, zenbait gurasoren babesarekin: Mulier. Epe luzera begirako ekimena da, denboraldi-aurrea Osasunarekin egin zuten 30 jokalari gazteak oinarri dituena, eta helburu duena futbol eskola sortzea, besteren artean.
Bera Berak uko Txapeldunen Ligari
Donostiako Bera Bera eskubaloi taldeak bigarrenez jarraian irabazi du aurten Espainiako Liga. Hala zegokion arren, ordea, uko egin dio Txapeldunen Liga jokatzeari, ez duelako aurkitu behar ekonomikoak aseko lituzkeen babesle edo bestelako diru-iturri berririk. “Kluba ekonomikoki arriskuan ez jartzeko eta gainerako kirol erronkak ez hipotekatzeko pauso bat atzera ematea erabaki dugu”, azaldu du taldeak.
600.000 euro inguruko aurrekontuarekin, Europako txapelketarik garrantzitsuenean aritzeak kopuru horren %10 hartuko luke. Kirol gehienetan ez bezala, emakumezkoen eskubaloi taldeek eurek ordaindu behar dituzte telebista eskubideak, 20.000 euro inguru taldekako fasea jokatzeagatik. Datorren denboraldian estreinakoz, Bera Berak lehen fase hori jokatu beharra izango zuen, Europako Eskubaloi Federazioaren (EHF) araudi berria medio, eta gastuak nabarmen handituko lituzke horrek.
Botere sindikalaren inguruko bigarren azterlana argitaratu du Ipar Hegoa fundazioak. 2016an argitaratu zuen lehena eta, beraz, orain 2016 eta 2023 arteko eboluzioa ikus daiteke. Ondorio nagusien berri emateko prentsa agerraldia egin dute ostiral honetan LABeko koordinatzaile... [+]
Burlatan, Nafarroan, bi familia euren etxeetatik kaleratuak izateko arriskuan daude. Iruñerriko Etxebizitza Sindikatu Sozialistak azaldu duenez, familia bat putre-funts batek bota nahi du, alokairu kontratua berritzea ukatu diolako; beste familia, berriz, etxejabeak bota... [+]
WordPress-en formularioak sortzeko Ninja Forms pluginaren euskaratzea utzita zegoela ikusita, Iametzak bere gain hartu du itzulpena eguneratzeko lana.
Urte berria hasi dugu, baina etxebizitza arazo oso potoloa bihurtu zaigula aspaldi honetan, hori ez da berria. Hala ere, azkenaldian zabaldu diren datuak ikusita, 2025a mugarri bat markatzekotan dela esan daiteke, eta iragar ezinak diren ondorio sozial eta politikoak antzeman... [+]
Joan den asteartean, hilaren 31n, Boli Kostako presidente Alassane Ouattarak iragarri zuen bertan behera utziko zituela Frantziarekiko harreman militarrak. Horren ondorioz, datozen asteetan 1.000 bat soldadu frantses atera beharko dira herrialdetik.
.jpg)
Espainiako Estatistika Institutuak erreferentziazko indize berria argitaratu du urtarrilaren 2an. Horren arabera, alokairuen prezioak gehienez %2,2 garestitu ahalko dira urtean. Indize hau 2023ko maiatzaren 25ean indarrean sartu zen Etxebizitza Legearen ondorio da, eta data... [+]
Hiru funtzionariok jipoitu zuten Robert Brooks, eskuak bizkarrera lotuta zituela. Hurrengo egunean hil zen, eta autopsiak dio asfixia izan zela heriotzaren kausa.
Gipuzkoako Fiskaltzaren ustez, 40 urteko irakasle hondarribiarrak 9 eta 17 urte arteko hamaika adin txikikori sexu gehiegikeriak egin zizkien 2011 eta 2021 urte artean. 2021ean kartzelatu zuten, bere sei ikaslek salaketa jarri eta gero.
Askok espero zuen moduan, Nazioarteko Pilota Federazioak Euskadikoa onartu ostean eskubide osoko kide gisa, Espainiako kirol-erakunde, alderdi politiko edota hedabideek erabakiaren aurkako oldarraldia hasi dute, nork beretik presioa eginez. Ostegunean, Espainiako Pilota... [+]
Baionako eta Donostiako epaitegiak margotu ostean, ostegun gauean Eibarko epaitegian pintaketa egin dute zenbait ekintzailek. "Oldarraldia gelditu" idatzi dute eta pintura berdea jaurti diote eraikinari. Abenduan, CCOO sindikatuaren egoitza ugari margotu dituzte, baita... [+]
FERMIN MUGURUZA 40. URTEURRENA
Noiz: abenduaren 21ean.
Non: Bilbo Arenan.
-------------------------------------------
Urtero janzten da festa giroz Bilbo abenduaren 21ean. Sagardoa eta taloa protagonista, San Tomas eguneko azoka eguna da. Aurten, gainera,... [+]
Kanboko Marienia eremuan etxebizitzak eraikitzeko proiektua badu Bouygues Immobilier agentziak. "Elkarlanaren bidez" zein "indar harremana" mantenduta, proiektua ezeztatzeko borroka eramateko determinazioa plazaratu dute adierazpen bateratu... [+]
Goldatz talde feministak antolatua, ortziralean, urtarrilaren 3an, Jantzari dokumentala proiektatuko dute Beralandetan (17:30ean) eta biharamunean, urtarrilaren 4an, Berako bestetako tradizioak aztergai izanen dituzte Maggie Bullen antropologoarekin leku berean (10:30).
NASAren Parker zunda 6,1 milioi kilometroko distantziara arte gerturatu da Eguzkiaren azalera, bere misioaren lehen gerturatzean. Hala, Eguzkitik inoizko gertuen egon den objeku artifiziala bilakatu da. 692.000 kilometro orduko abiaduran igaro da, eta jasotako datuak funtsezkoak... [+]
Boroa industrialdean hil zen 41 urteko I.P.C langilea, abenduaren 30ean biltegiko inbentarioa egiten ari zenean. ELA eta LAB sindikatuek, eta Jaurlaritzako Segurtasun Sailak eman dute istripuaren berri.