Hizkuntza Politikarako Sailburuordetzak iazko kopuru bereko diru-laguntzak aurkeztu ditu
Berandu bada ere Eusko Jaurlaritzako Hizkuntza Politikarako Sailburuordetzak aurkeztu ditu 2014ko diru-laguntzak. Iazko kopuru bera izango da: 43.358.630 euro. Bi zatitan banatzen da kopurua: 41.068.000 euro diru-laguntzetan eta 2.290.630 euro hitzarmenetan. Aurten, deialdi berria sortu du HPSk eta nagusiki gaztelaniaz aritzen diren hedabide idatzien edizio digitaletan euskara gehiago erabiltzeko 180.000 euroko diru-laguntza emango du. Diru-laguntzak banatzerakoan printzipio nagusi bat aplikatuko du aurten HPSk: eraginkortasun printzipioa. Euskara bultzatzeko proiektuek kontsumitzaileentzat eraginkorrak beharko dute izan.
Hamar deialditan banatzen dira diru-laguntzak:
- HABE (helduen euskalduntzea): 30.896.000 euro. Diru-laguntza guztien %71 da.
- Euskalgintza: 979.200 euro. 131 proiektu lagunduko dira.
- Euskarazko hedabideak: 4.875.000 euro. HPSk adierazi duenez, laguntzak emateko irizpidea aldatuko dute. Iaz arte hedabideen zabalkundeari eta produktuen kalitateari begiratzen zioten. Aurten aldiz, hedabide bakoitzak duen eremua kontuan hartuko da eta eremu horretan duten irismen maila neurtuko da. Alberto Barandiaran Hekimeneko zuzendariak diru-laguntzei buruzko balorazioa egin du eta hala esan du: “HPSk adierazi du 2015etik aurrera urte anitzeko diru-laguntzen deialdietako irizpideak sektorearekin eztabaidatzeko konpromisoa, eta sektoreak ontzat eman du. Hekimenen ustez, eztabaida hori funtsezkoa izango da egoera larriari buelta eman eta sektoreak eskatzen duen apustuan aurrera egiteko”. Barandiaranek azpimarratu du bi urtez jarraian hedabideentzako diru-laguntza kopuruak ez duela igoerarik izan.
-Nagusiki gaztelaniaz ari diren hedabide idatzien edizio digitaletarako: 180.000 euro.
-IKT: 807.500 euro
-LanHitz: 1.944.800 euro
-EBPN/ESEP: 1.385.500 euro
AMAK
Konpainia: Txalo teatroa.
Sortzailea: Elena Diaz.
Zuzendaritza: Begoña Bilbao.
Aktoreak: Intza Alkain, Tania Fornieles, Oihana Maritorena eta Iraitz Lizarraga.
Noiz: urtarrilaren 10ean.
Non: Itsas Etxea auditoriumean... [+]
Ostegun arratsaldean egin dute bozketa eta, aurreikusitako moduan, François Bayrou lehen ministroaren aurkako zentsura mozioak ez du aurrera egin. Izan ere, eskuin muturreko Batasun Nazionalaren sostengurik gabe, ez zuen aurrera egiteko aukerarik.
Asteazkenean egin zuten ekitaldia Astigarragako Alorrenean, Sagardoaren Lurraldeak hala erabakita. Ostegunean egin du txotx hasierako festa propioa Usurbilgo Saizarrek.
Talde memorialistek deitutako manifestazioa Erorien monumentuan hasiko da 18:00etan eta Gazteluko plazan bukatuko da. Amaierako ekitaldian El Drogas, Gran Ritxarson, Ilargigorri eta La Chula Potrak esku hartuko dute, besteak beste. Gaia orokorrean nola dagoen azaldu dugu... [+]
Gaur egun, emakumeen eta haurren ahotsei zilegitasuna kentzen dien kulturaren arrastoak diraute, haien esperientziak isilaraziz, haien oinarrizko eskubide eta beharrak minimizatu edo alde batera uzteko joera duen sistema baten barruan. Arazo horren adibide mediatiko bat Juana... [+]
2024ko bigarren seihilekoaren lanaren emaitzak jaso ditu Euskaltzaindiak. Forma berriak eta aurretik zeudenen osatzeak aurkeztu ditu. Forma berrietan, oraingoan, batez ere, sukaldaritzako hiztegia landu dute. EITB eta Berria-ko edukiak hartu dituzte iturritzat.
Jesus Carreraren erailketaren 80 urteurrenean udal adierazpena plazaratu dute Hondarribiko udalbatza osatzen duten alderdi politiko guztiek.
Lursailaren jabeak hitzarmena sinatu du Lurgaia Fundazioarekin eta Sagarrak talde ekologistak deialdia zabaldu du landaketara batzeko. Zaraobe Institutuko ikasleak asteartean aritu ziren zuhaitzak landatzen.
Irunen autoinkulpazio sinadurak biltzeko deia luzatu dute San Juan plazan urtarrilaren 18an, larunbatarekin, 10:00etatik 13:00era. Urtarrilaren 26an «modu masiboan» Irunen hasiko den manifestazioan parte hartzera deitu dute eragileek, «migrazio politika... [+]
Ekainaren 5ean bota zituzten Desokupacyl enpresako bi matoi Sorazuletik, eta bi pertsona identifikatu zituen Poliziak. Urtarrilaren 29an deklaratu beharko du haietako batek.
Espainiako Gobernuko Trantsizio Ekologikorako eta Erronka Demokratikorako Ministerioak atzera bota du Statkraf multinazionalak Araba eta Gipuzkoa artean eraiki nahi zuen Itsaraz parke eolikoa.
Euskalgintzaren Kontseiluak eta Bizkaiko Foru Aldundiko langileak elkarretaratzea egin dute langileen egonkortzearen eta euskalduntzearen alde.
Departamenduko Laborantza Ganbarako hauteskundeen kanpaina abiatu da. Urtarrilaren 14an bozetara aurkezten diren hiru sindikatuen ordezkariekin bi oreneko eztabaida sakona antolatu zuten Euskal Hedabideek, osoki euskaraz.