Musikazaleontzako opari errebeldea
“Krisi ekonomikoa eta hedabide tradizionalena bizitzea egokitu zaigu, eta bi aukera geneuzkan: etxean gelditzea edo errebelatzea. Bigarren bidea hautatu dugu”. Martxelo Otamendiren hitzok ezin hobeto definitzen dute Berria Taldearen apustu ausart bezain beharrezkoa: Berria.info eta Badok.info webguneen berritzea. Ikusmira sortu du nobedadeak, eta gehiago jakin nahian, ia 200 lagunek bete genuen Donostiako San Telmo museoko Abadia.
Euskarri digitalean zein paperean Berriak izan(go) dituen aldaketak zerrendatu zituen Otamendik, ohi bezain mihi eta buru biziaz. Baina hitz errenkada hauek kultura saileko (web-)orrian ari zara irakurtzen, eta ondorengo lerroak Badok.info-ren aurkezpenari eta gaua borobildu zuten musikariei eskaini nahi nizkieke; musikari eta musikazaleontzat egun seinalatua izango baita iragan maiatzaren 27a.
Jon Eskisabel da “euskal musikaren atari” berritua konposatu duen orkestraren zuzendaria, eta hark izan zuen erreminta berria aurkezteko ardura. Bere hitzetan, “Badok zaharra garai analogikorako egina zegoen, eta oraingoa aldiz, garai digitalera egokitua dago”. Jarraituko du euskal musikagintzaren datu-base osoa izaten, baina izango da hori baino gehiago ere.
Berrikuntza nagusia sarean dagoen euskarazko musika guztia webgunean bertan entzuteko aukera da: garatu duten teknologiari esker, Soundcloud, Bandcamp, Spotify eta beste hainbat plataforma digitaletan dagoen musika guztia atarira eraman dute. 11.000 kantutik gora daude jada entzungai. Badira berrikuntza gehiago ere, baina horiek ezagutzeko ataria bera miatzea duzu onena.
Aurkezpenen osagarri, azken urteotan Euskal Herriko eszenatokietan ikusi ditugun aurpegi eta proiektu (jada ez horren) berriak gonbidatu zituzten, webgunearen ekarpen handietako bat halako taldeak ezagutaraztea izango baita.
Jon Basaguren, Izaki Gardenak taldeko ahots eta burua, izan zen gauari doinua jartzen lehena. Fin aritu zen, baina hotz xamar, hiru abesti soilik kantatu zituenez ez baitzuen berotzeko astirik izan. Ruper Ordorikaren Ene Begiak kantaren bertsio ederrarekin agurtu eta lekua utzi zien hurrengo gonbidatuei: Tania de Sousa eta Fermin Bouzari.
Zuloak proiektuan ezagutu genituen Tania de Sousa eta bere ahots indartsua, eta bertan ikasitakoarekin bakarkako proiektuari heldu dio orain. San Telmokoa izan bere abestiak zuzenean entzuteko lehenengo aukera, eta duo akustikoan eskaini zituen abesti bakanek gehiago jakiteko gogoz utzi gintuzten. Uztailaren 8rako Donostiako Piratek antolatu duten jaialdian talde osoarekin –laukotea dira– ikusi ahal izango dugu, Manu Chaoren kontzertu sonatuaren aurretik. Orduan ezagutuko dugu Tania de Sousaren lanaren potentziala eta maila.
Hirugarren eta azken emanaldia izan zen ikusleak oholtzara gerturatzea lortu zuen bakarra. Neighbor osatzen duten Maite Larburu hernaniarrak eta Josh Cheatham estatubatuarrak arratsalde-gaua borobildu zuten. Bizibide duten musika barrokotik urrundu eta pop-folk kutsuko diskoa kaleratu zuten pasa den urtean: Ura patrikan. Azken boladan euskal eszenatokietan izan den agerpen interesgarrienetakoa dira. Oraindik ezagutzen ez badituzu, Badok erabiltzen hastea duzu onena.
Olatz Salvador
Noiz: martxoaren 15ean.
Non: Deustuko jaietan.
------------------------------------------------
Martxoak beti du deustuarrontzat kolore berezia; urtero ospatzen ditugu jaiak, San Jose egunaren bueltan. Bi asteburu bete festa, eta urtetik urtera Deustuko... [+]
Antifa hardcore
Lee-Kore + Hoben
Autoekoizpena
---------------------------------------------------------
Tamalez ez da ohikoa Arrasaten hardcore kontzertuak egitea, bestelako musika eszenak nagusitzen direlako. Hala bada, joan den larunbatean herriko gazte batzuen... [+]
Hunkituta eta ilusioz egin dut Iruñetik Oronozerako bidea. Maite dut Olaia entzutea, baita hizketan ere. Herriko farmaziaren ondoan autoa utzi eta balkoitik agurtu naute hark eta bere zakur Arak. Grabagailua martxan jarri aurretik, bueltaxka egin dugu frontoira eta Arak... [+]
Bizitza eztia
Verde Prato
Plan B Records, 2024
--------------------------------------------------------------
Ousmane Sembène zinemagile senegaldar ospetsuari galdetu zioten ea bere pelikulak Europan ulertzen ote ziren. Erantzuna, epikoa: “Izan gaitezen... [+]
Inoren Ero Ni + Lisabö
Noiz: martxoaren 14an.
Non: Gasteizko Jimmy Jazz aretoan.
----------------------------------------------------
Izotz-arriskuaren seinalea autoko pantailatxoan. Urkiola, bere mendilerro eta baso. Kontzertuetara bideko ohiko errituala: Inoren... [+]
FITXA
Zer: OLBEk antolatutako Gaetano Donizettiren ‘La favorite’ opera.
Nork: Euskadiko Orkestra Sinfonikoak (zuzendaria: Riccardo Frizza) eta Bilboko Operaren Abesbatzak (zuzendaria: Boris Dujin).
Noiz: otsailaren 18an.
Non: Bilboko Euskalduna Jauregian.
Olor
Noiz: martxoaren 9an.
Non: Bilboko Sarean espazioan.
---------------------------------------------------------
Esperantza. iz. Nahi edo desiratzen dena gertatuko delako edo lortuko delako uste ona.
Izen horixe jarri zion Jokin Azpiazu Carballo Olor ermuarrak bere... [+]
22 talde gehiago iragarri dituzte Lakuntzan uztailean izanen den HatortxuRockerako: Bad Sound, Dupla, Su Ta Gar, Chuleria Joder!, Brigade Loco, Leihotikan, Burutik, Tribade, Maskak, Les Testarudes, Non Servium, Añube, Dj Plan B, Gatibu, DJ Trapella, La Jodedera, Süne,... [+]
Bidea da helmuga
Kokein
Balaunka, 2024
--------------------------------------------------
Eibarko rock talde beterano hau familia oso desberdinetako lagunek osatu zuten aspaldi eta ia fisurarik gabe hamarkadatan eutsi dio. Izan ditu atsedenak, gorputzak hala eskatu... [+]
Elgarrekin izena du Duplak egin duen aurtengo abestiak eta Senpereko lakuan grabatu zuten bideoklipa. Dantzari, guraso zein umeen artean azaldu ziren Pantxoa eta Peio ere. Bideoklipa laugarrengo saiakeran egin zen.
Duela 150 urte, 1875eko martxoaren 7an jaio zen Maurice Ravel musikagile eta konpositorea, Ziburun. Mundu mailan ospetsu dira haren lanak, bereziki Boleroa. Sarri aipatzen da Parisen bizi izan zela, kontserbatorioan ikasi zuela aro berri bateko irakasleekin, munduko txoko... [+]
Zuloa
Merina gris
Sonido Muchacho, 2025
-------------------------------------------------------
Euskal Herrian ez da orain arte horrelako musika elektronikorik egin. Esango nuke Merina Grisek historian euskaraz egin den elektronika eta hyperpop diskorik landuena egin... [+]