Buru(zagi)en muntaz eta beharraz
Espainiar agintariak ohartu berri omen dira Kataluniako burujabetasuna ez dela Artur Masen tema bat, ezta Oriol Jonquerasen edo David Fernandezen apeta ere, baizik eta herritar askoren nahi kolektiboa. Eta burujabetasuna ez dela buruzagi batzuen kontua ohartuta, burujabetasunari bultzada eman dion erakunde sozialaren kontra jo nahi omen dute orain, ANCren kontra, noiz eta Signa un vot per la independència kanpainak burujabetasunarekiko herritar katalanen atxikimenduaren neurria agerian uzten ahal duenean. Ez omen doaz buruzagi bat edo batzuen kontra –nahiz Carme Forcadell espetxeratua izateko aukeraz ere mintzo den...–, baizik eta gizarte katalanaren parte handi baten babesa duen elkartearen aurka.
Kataluniako prozesuan buruzagiek eta gizarteak berak dituzten pisu erlatiboak inoiz baino erlatiboagoak direlako susmoa piztu da niregan, buruzagien zereginez pentsatzeko gogoa.
Imajina dezaket nola sortu ziren lehen buruzagiak giza komunitateetan. Irudika dezaket, Suaren bila filma gogoan, gizaki multzo bat muturreko egoera batean, hil ala biziko atakan, eta egoera horretan norbait, banako bat, guztien bizitza kolokan jartzen zuen atakatik irteteko soluzioa asmatzen. Eta irudizta ditzaket gero haren erkideak banako hari botere berezi bat ematen aurrerantzeko estualdietatik ere onik atera zitzan.
Ulertzen ahal dut gizaki haien jokaera. Baina ez dut hain argi ikusten gero, gizaldiz gizaldi, eta buruzagiz buruzagi, gaurdaino iritsi den buruzagitza-sistema hori betikotzeko beharra, horren onura edo egokitasuna.
Ezen, herri primitibo askotan bezala, gaurko gizarte sofistikatuenetan ere buruzagiak ditugu zutabe eta ardatz. Badirudi ezin dugula aurrera egin buruzagirik gabe, buruzagiek bizi gaituztela herritar gisa, baita herritar guztien gobernu jotzen diren demokrazietan ere.
Ongi legoke buruzagien papera berraztertzea. Adibidez, kontua gurera ekarrita, ikustea bakea ekartzeko prozesuan zer munta duten, lan gordeagoan aritzen diren herritar anonimoen aldean. Edo bereiztea zer den inportanteago bozak egiteko orduan: alderdiek hain garrantzitsu jotzen dituzten liderrak hautatzea ala herritarrok alderdien ideiak eta programak eztabaidatu ahal izatea.
Honezkero, denon artean bilatu beharko genituzke guztion ataken irtenbideak, geure buruaren jabe beti. Eta koska bat beheratu buruzagien beharra eta munta.
Palestinatik aberriratu eta urtebetera, Espainiako Gobernuak jakinarazi du familien harrera programa ez duela gehiago finantzatuko eta aterpetxe eta hostaletako egonaldia abenduaren 31n etengo diela. Urtarriletik aurrera Gasteizko Udalak Gazako bost familien ostatuaren gastuak... [+]
Lau hilabeteko eta lau urteko bi ume dituen familia bat etxetik bota dute astelehen goizean Bilbon. AZET Etxebizitza Sindikatua azken egunotan etxegabetzea bide judizialetik geldiarazten saiatu bada ere, astelehen goizean bota ditu poliziak etxetik. Manifestazioa deitu dute... [+]
Polizia etxegabetzea geratu nahi zituzten herritarren aurka oldartu da eta hainbat lagun zauritu ditu. Azkenean, etxegabetzea atzeratu duela jakinarazi du epaitegiak.
Enplegua izanik ere hipoteka ordaindu ezin dutelako Laboral Kutxak etxegabetuko dituela salatu du Auzoan Bizik. Ostegun goizean "erresistentzia” egitera deitu du etxebizitza sareak.
Mailegu enpresa batek emakumeari "iruzur" egin diola salatu du Uribe Kostako Etxebizitza Sindikatu Sozialistak, eta mobilizatzeko deia egin du Astrabuduako etxegabetzea gelditzeko. 10:30ean agertu dira segizio judiziala eta Ertzaintza etxegabetzea gauzatzeko,... [+]
Iruzur baten biktima izan da emakume bat, eta horren ondorioz bota nahi dute bere etxetik. Kaleratzeari aurre egitera deitu du Uribe Kostako Etxebizitza Sindikatu Sozialistak: asteartean, 09:00etan, Astrabuduako Aldaieta Bideko 7. zenbakian elkarretaratuko dira.
Berakah fundazioa “baliabiderik ez duten pertsonei laguntzeko” sortua bada ere, aurten familia bat baino gehiago kalean utzi du. Urriaren 31n izan da azken etxegabetzea, Gasteizko familia bat kaleratu dute parrokoak etxegabetze demanda firmatu ostean.
Etxea uzteko agindua zuen gaurko emakume batek Artikaberrin eta momentuz bertan behera gelditzen dela jakinarazi du Iruñerriko Etxebizitza Sindikatu Sozialistak. "Emakumearen abokatuak atzo jaso zuen deia epaitegitik eta ebazpenaren berri eman zioten", azaldu du... [+]
Alfaro kontseilariak “aurreko hamarkadetako politika espekulatiboak” kritikatu ditu eta kolaborazio publiko-pribatuaren aldeko apustua egin du Foru Legebiltzarrean. Helburu gisa jarri du Europa erdialde eta iparraldeko datuetara heltzea. Etxebizitzaren esparruan lan... [+]
Poliziak hiru pertsona etxegabetu ditu asteartean Alde Zaharrean, eta protesta egiten ari zirenen kontra jo du.
Zaurgarritasun ekonomikoaren baldintzak betetzen dituzten arren, Santander bankuak ordainketak epe batez etetea ukatu die bi familiei.
Alokabidek gutxienez sei etxegabetze prozesu ireki dituela salatu du Gasteizko Etxebizitza Sindikatuak. Horietako bat uztailaren 18an izanen da.
Alokabideri, Gasteizeko Udalari eta Gizarte Zerbitzuei konponbide bat bilatzeko exijitu die Auzoan Bizi Etxebizitza Sareak. Eusko Jaurlaritzarena da etxebizitza.
Fuera Okupas desokupazio-enpresa gutxienez bi aldiz joan da haiek jazartzera. Gaur Bilboko Udaltzaingoa eta Ertzaintza bertaratu dira, eta eraikinetako batean sartu dira: pertsona bat kanporatu eta atxilotu dute.