Euskalgintza sustatzeko saskiak Erriberan
Errigora ekimenak, aurreko udazkeneko kanpainan, Nafarroa hegoaldeko produktuz betetako 8.000 saski baino gehiago banatu zituen Euskal Herri osoan. 112.000 euro bildu zituzten, Foru Legeak eremu ez euskalduntzat dituen lurrotako euskalgintzan inbertitzeko. Espero gabeko arrakasta lortu ostean, hurrengo kanpaina prestatzen ari dira orain.
Euskalgintzari eta bertako produktuen salerosketari bultzada ematea helburu duen ekimena Euskal Herriko bazter askotara iritsi zen joan den udazkenean. Xabier Gojenola eta Peru Aranburu Errigorako partaideen hitzetan, “jendeak ilusioz hartu duen ekimena izan da, eta alde horretatik oso jarrera aktiboa aurkitu dugu leku ezberdinetan: ikastoletan, euskaltegietan, enpresetan…”.
Nafarroa hegoaldeko egoera kaxkarrari buelta emateko sortu zen Errigora. Batetik, legeak eremu ez euskaldun izendatua duen gune honetan euskara ez da hizkuntza ofiziala, eta beraz, oso gutxi dira euskara sustatzeko dauden azpiegiturak. Bestetik, Erriberako nekazaritza globalizazioarekin asko ahuldu da azken urteotan. Egoerari erantzuteko, Zazpiak Bat eta Ikastolen elkarteak ekimena antolatu zuten 2012an: Erriberako produktuz betetako saskiak saldu zituzten Euskal Herrian, eta irabazi ekonomikoak Tuterako Argia ikastolara bideratu zituzten. “Ekimenak lortutako arrakasta izan zen Errigoraren sorburua: denboran luzatuko zen proiektua behar zela ikusi genuen, lantalde finko baten laguntzaz puntualki horrelako kanpainak antolatuko zituena”, dio Gojenolak. Horretarako, harremanetan jarri ziren euskalgintzan diharduten elkarteekin, AEK eta Sortzen Ikasbatuaz-ekin.
Kanpaina izan da gakoa
“Ekimenak jarraipena izan zezan, urtean bi kanpaina antolatzea komeni zela pentsatu genuen, udazkenean eta udaberrian”, azaldu du Aranburuk. Erriberako nekazariekin hartu-emanean jarri eta aurretiko komunikazio lanen ostean (dena auzolanean), joan den udazkenean hiru asteko epea zabaldu zuten saskien eskaerak egiteko. Azken kanpainan, Lodosako ikastola, Tuterako euskaltegia eta Euskaraz Bizi eta Ikasi herri ekimenak izan ziren onuradunak.
“Banaketa orokorra egin aurretik, 450 saskiko erakusgaia atera genuen. Kasu horretan eta hurrengo 8.000 saskiak prestatu eta banatzerakoan ere, jendearen inplikazioa eta laguntzeko gogoa handia izan zen: ez dugu inongo enpresarik kontratatu, dena auzolanean egin da” gogoratu du Gojenolak.
Eskaintza berriak udaberrirako
Udaberriko kanpainarekin jo eta ke ari dira orain. Aurreko kanpainaren arrakastaren ostean, xede berria dute Errigorakoek: Nafarroa hegoaldeko produktuak modu iraunkorrago eta egunerokoagoan kontsumitu ahal izateko bideak zabaltzea. Horretarako, martxo bukaera eta apirila hasiera artean Nafarroako olioa eskuratzeko aukera antolatuko dute zenbait herritan, eta ekainean, kontserbak kutxatan eskatzeko aukera. Epe luzerako beharrak asetzea (olioa 5 litroko bidoietan eta kontserbak latetan joango dira) eta salneurria arrazoizkoa izatea dute helburu.
Nafarroako erdialde eta erriberako nekazariei eta euskalgintzari babesa adierazteko produktu loteen eskaerak egin daitezke Errigora. eus webgunearen bitartez. 'Eutsi geureari' izeneko kanpaina abiarazi zuten atzo eta martxoaren 13ra arte aukera dago saski horietako... [+]
Hamar urte dira saskiekin hasi zirela eta bi milioi euro bildu dituzte guztira.
50 euroko saski bakar eta "biribila" eta komunitatea batuko duen argazki erraldoia atera nahi dituzte urteurrena ospatzeko kanpainan. Azaroaren 9ra bitartean egin daiteke saskien eskaera.
Baserritar bat abereak gobernatzen edo traktorea gidatzen irudikatu beharko bagenu, ziurrenik gizon heldu bat imajinatuko genuke. Erreportaje honetarako elkarrizketatu ditugun baserritarrek, ordea, erakutsi digute iruditeria folkloriko horren atzean badaudela landa eremutik... [+]
Nafarroa erdi eta hegoaldean euskaraz ikasi bai baina erabiltzeko aukera gutxi du haur askok. Herri horietan aisialdia euskaraz gozatu ahal izateko asmoz jaio ziren Jolasteka ludoteka euskaldunak. Ikasturte honetan gutxienez 16 herri, 22 jolasteka eta 3 eta 12 urte arteko 211... [+]
Iazko udan suteek panorama iluna utzi zuten Nafarroan, argazkiko San Martin Unxen lurren %95 kiskali zuten. Asko hitz egin zen hedabideetan suteek eragindako kalteez, baina nola aurre egin gero eta sute gehiago eman daitezken testuinguruari? Nafarroako Gobernuaren interes falta... [+]
Errigoraren baitan dauden ekoizleetatik zazpik parte hartzen dute jantokietarako formatu eta eskaintzan egokitzapenak eginez. Ager eremuko baratzeetan dauden produktuak prestatzen dituzte. Produktu horiek jantokietan sartuz gero, euskal lurraldeen artean "harreman iraunkor... [+]
Osotara, 9.000 eskaera jaso ditu euskara eta elikadura burujabetzaren aldeko ekimenak 'Eskutik eskura' udaberriko kanpainan. Laster Euskal Herriko txoko guztietara iritsiko dira eskaerak.
Euskara, elikadura burujabetza eta auzolana bultzatzea dira Errigoraren helburu garrantzitsuenak. Bost ekoizlerekin hasi ziren 2013an, baina gaur egun dagoeneko 23 dira, eta beraz, urrats bat gehiago eman beharra sentitu dute: Errigora identifikatzailea.
Ekainean Nafarroak inoiz jasan gabeko kalteak izan zituen suteen ondorioz. Errigora ekimenak diru bilketa abiatu zuen uztailean, ondorioak bideratu ahal izateko eta "lurrarekiko begirunez jardungo duten ereduak" sustatzeko. 85.000 euro bildu dituzte Euskal... [+]
“Bat egiteko garaia da” lelopean burututako kanpainari esker 13.000 saski banatuko dira hurrengo egunetan eta 200.000 euroko ekarpen ekonomikoa bideratuko du Ager zonaldeko euskalgintzaren egitasmoetara. Euskaraldia azaroaren 18an hasiko da, eta ariketa sozial masibo... [+]
Euskararen Foru Legeak nafarrak diskriminatzen ditu, eta hizkuntza eskubideak esleitzen zaizkie bizi diren eremuaren arabera. Bada, duela urte batzuk ereiten hasi ziren hamaika ekimen zonifikazioari aurre egiteko, eta udazken honetan inoiz baino indartsuago hasi dira euskarari... [+]
Urriaren 22an egun osoko egitaraua antolatu dute Errigora, Agerraldia eta Hordago herri ekimenek, euskara ardatz hartuta, baina ostegunean jakinarazi dute udalaren traben erruz ezingo dutela aurreikusitako Deskontrolen kontzertua egin. Halere, 17:30ean Tuterako kaleak hartuko... [+]