Cum grano salis
Zenbat emazte zerrendetako buru? Ez gaituzte sekulan utziko gizon horiek!”. Kafe hartzen, dena hitz eta putz, orain arte deklaratu herri hautes-zerrendak solasgai, feminismoaren gailurtzat har zitekeen oharra. Ez nion erantzunik atzeman, ez eta deus onik iragarri.
Gogoratu zitzaidan haur janari marka baten telebista spot samurra, zeinetan haur mukizu ipurterreen irudi zirraragarrien eta ama gainditu baina zoriontsuen hasperenen artetik iragartzen baitzaigu: “Blédina, du côté des mamans” (Bledina, amen alde). Ez edozein kategoriaren aldekoa, ez! Iradoki eta uzten zaigun berezko funtzio natural ohoragarri horren betetzera dedikatzen diren emazteena: amak. Blédinari esker, gustu zipitzik ez duen janariz ase haurrak despediturik, etxeko beste lanei lotzen ahalko gara, eta denborak ahalegintzen badigu gure buruak doia entretenitzen ahalko ditugu, etxeratuko den senarrari aho-beteka kliskatuko duen afaria prestatzen akitu aitzin. Ororen buru hori baitugu, edo bestela Amélie Poulain-en irribarre gozoaren janztea, deus errekeritu gabe, zorion erromantikoaren bilaketan temati eta inguruko miserable guzien artatzaile.
Ez dut besterik ikusten, “uzten” digutenik diot. Harago, emazte gerlariaren itxura genuke, haur eta senarrak apartatuz, bestelako denbora pasan galtzen denarena, betetze eta garapen pertsonal nahiz sozialez ezin ase figura kanibala, kasurik onenean; okerrenean, ez aipa.
Hauteskunde zerrendetan, abertzaleetan barne, oraindik emazterik ez buru. Harritu behar genuke? Parekotasunaren legeak behartzen ez bagintu diskriminazio pseudo positibora, agian bakarra ezarri zitekeen, 15. postuan edo. Loreontzi bat beti on baita, konpainia oneko mahaien edergailu eta, oroz gainetik, hala gertatzeko gizon batek lekua hustu beharko bailuke. Paraleloan, errealitate honek, duda sor liezaiguke: gomitatuko ote gintuzkete egin genezakeen ekarpen interesgarrien menturan ala kuota betetzeko? Hau beste gai dela? Ez, naski.
Hots, horra inspiratu zidana. Zeren, azken finean, “gizonek ez gaituzte uzten” errateak horren guztiaren onartzea adierazten baitu, bidean galarazten baikaitu. Afera honetan, besteetan bezala, ahaleginetan etsitu eta utzi gaitzaten goaitatuko bagenu, Eguberriak eta berdin Bazkoak iraganen litzaizkiguke, tipulak lagun. Blédinarik ez!, besteen zerbitzari isil, neholako esker onik gabe, hainbeste izerdi eta negar isuri zuten gure aitzinekoei laidoa.
Bidali zure iritzi artikuluak iritzia@argia.eus helbide elektronikora
ARGIAk ez du zertan bat etorri artikuluen edukiarekin. Idatzien gehienezko luzera 4.500 karakterekoa da (espazioak barne). Idazkera aldetik gutxieneko zuzentasun bat beharrezkoa da: batetik, ARGIAk ezin du hartu zuzenketa sakona egiteko lanik; bestetik, egitekotan edukia nahi gabe aldatzeko arriskua dago. ARGIAk azaleko zuzenketak edo moldaketak egingo dizkie artikuluei, behar izanez gero.
Herritarren segurtasunik ezaren kezka gero eta handiagoa da gure auzo eta hirietako elkarrizketetan, batez ere kalean bizirik dirauten Magrebeko gazteek eragindako lapurreten eta gatazken inguruan. Badirudi egoera horiek areagotu egin direla azken hilabeteetan, eta alarma eta... [+]
“18 urte pasatu dira indusketan 400 bat grafito agertu zirenetik, 16 urte froga zientifikorik gabe Lurmen indusketa eremutik kaleratu zutenetik eta 4 urte gaia argitu barik epaiketa egin zenetik eta berdintsu jarraitzen dugula esan genezake: gaia argitu nahi genuenok... [+]
Bizi garen mundu frenetiko zein zorabiagarri honetan, pixkanaka gertatzen diren gizarte-aldaketak batzuetan antzemanezinak, garrantzirik gabekoak edo hutsalak direla iruditzen zaigu. Hala ere, ez da horrela, eta jakitun izan behar dugu tentuz jokatzeko. Horren adibide, azken... [+]
Iraileko igandeetan ohitura da gure inguruetan Erniora igotzea, Zelatunen dantzan aritzea eta txorizo muturra, edo, jatea. Eguraldi txarrenaz ere ez da jenderik falta izaten. Aurten lagunak goizago abiatu eta ni berandututa, bakarrik nindoan estratan gora, beherantz zetozen... [+]
Sandra Cisnerosek idatzitako The House on Mango Street mugaldeko liburuan pertsonaia baten txakurrak bi izen ditu: bat, espainolez; bat, ingelesez. Beharbada kontu harrigarria gerta liteke lehen begiratuan, baita liburu baterako ere, baina lasaiago pentsatuz gero ohartuko gara... [+]
Goiburu hori soilik irakurri eta ezinezkoa nor den edo nor zen asmatzea, baina bazen nor!
Ángel González Olvera, Mexikon ezagutu genuen duela 11 urte bertsolariok hango inprobisatzaileekin jardunaldi batzuetara gonbidatu gintuztenean. Mendi gain batean bizi zen,... [+]
Tomas Mororen Utopia liburuko utopiarrek leitzea maite omen zuten. Hizkien bueltako hezkuntza onaren ondorioz, haurtzaroan hasi eta helduaroan ere aritzen ei ziren, inork manatu beharrik gabe, leitzen eta ikasten eta gehiago leitzen. Pentsa, aisialdia horretara emanak bizi zuten... [+]
Erdi Aroan Jaungoikoa jaun eta jabe zen bezala, garai modernotan merkatuaren eta bere lege zurrunen menpe bizi gara. Goi mailako soldata erraldoiak merkatuak zehazten omen ditu; izan ere, Iberdrola edo BBVAko CEO-en sariak beraien arloko merkatuek finkatzen omen dituzte, nahiz... [+]
La linterna de diógenes podkastean Miguel Benasayag-egeri egindako elkarrizketan pentsatzen jarraitzeko ideia anitz aurkitu ditut. Tartean, gizakiok teknologiarekin ditugun harremanen inguruan egiten dituen hausnarketak.
Elkarrizketan, alderatzen da gizakion historian... [+]
Ikasle beraren datu berberak hirugarren aldiz jasotzen nituela, esaldi hain erabili horiek baino ez zitzaizkidan etortzen gogora, adimena ere ezerezak apalduta: “Ez gara ezer”, “bizitzak ez dauka zentzurik”, “jainkoak, esaten duten bezain txintxoa... [+]
Erantzukizuna Israelgo Estatu Sionistarena da, bera baita, biztanleriaren zati handi baten, soldadu, kolono eta abarren laguntzarekin, garbiketa etnikoa eta genozidioa egiten ari dena inguruko herrialde eta herrien aurka.
Mendebaldeko estatuek ere laguntzen diete, armak... [+]
Hori esan zidan ikasle ohiak, asko kostata jarri zuen salaketa hilabeteak pasata ez aurrera ez atzera zegoela epaitegian eta, psikologoak aholkatuta, bortxaketa salaketa kendu egin zuela. Eta ni isilik, ezin asmatu zer esan oraindik ere antsietate zantzuak zituen gazteari... [+]
Ez da akaso harrotasun seinale nire aurrean dauden pertsonak pertsona izango ez balira bezala begiratzea? Bai, noski baietz. Baina nola espero dugu bestela besteak ulertzea? Ulertu, behatu, begiratu. Besteak ulertu nahi izateak, ez du jarrera harro hau eskatzen? Ni pertsona... [+]
Urtebete igaro da, diotenez. Ez dut sekula ulertu mendebaldarrok daukagun ohitura harroputz hau: nahiz eta gatazkak ia mende bateko iraunaldia izan, datak nahierara moldatzen ditugu, garrantzia nolanahi oparituz. Azkeneko sasoia ezberdina izan al da beren lurraldean preso... [+]