Geroko gero leloan oinarritu da Barcina Euskalerria Irratiari eginiko lapurretaz galdetu zaionean. Nafarroako Gobernuak, “beti bezala”, Epaitegi Gorenaren erabakia beteko duela esan du. Momentuz, gaia zerbitzu juridikoen esku utzi omen du, haiei dagokielako hemendik aurrerako bidea argitzea.
Bulego batera sartzen ikusi dut presidentea. Abokatu-burua ordenagailuaren aitzinean idazten ari da, atzeko apalategian Aranzadiren bilduma osoa duela. Apaingarri hutsa, noski, legelari zaharrak ere Internetez maitemindu zirenetik ez baita liburukote horiei hautsa kentzen dionik.
Tira, kontua da presidentea ikustean legelari nagusiak idazteari utzi diola, diputazio-buruaren esanetara jartzeko. “Aztertu epaia eta egin edozer Euskalerria Irratiak lizentziarik gabe segi dezan”. Horixe izan da batere sorpresarik eragin ez dion agindua.
Irratien aferan, beraz, nafar agintariak denbora galtzen saiatuko dira, ataka horretatik “beti bezala” (alegia, txapuzaren bat eginez) nola atera asmatu arte. Ezagutzen ditugulako badakigu: epaileek beharturik ere, nekez hartuko dute euskarari arnasarik eman diezaioken erabakirik. Justiziaren epe onartezinak eta guztiok ordainduriko bitartekoak dituzte alde.
Irudikatzen hasita, euskarazko komunikabideen istorioetan pixka bat atzera eginez, eguberri bezperetara joan naiz, Urkullu eta Barcinaren arteko solasaldiaren lekuko izateko. Eusko Jaurlaritzak jende askok espero zuen albistea iragarri berri du: bihartik, ETBren seinale digitala Nafarroa osoan hedatuko da. Behingoz, Parlamentuak berak aunitzetan eskaturikoa bete eginen da. Erabakia ezagututa, Barcina sutan jarri eta lehendakariari deitu dio, Jaurlaritzak atzera egin dezan. Urkulluk baiezkoa eman dio. Orain, nonbait, bi gobernuek batzorde bat sortuko dute gaia aztertzeko. Geroko gero hemen ere, aspaldiko esaerak gogoratzen digunez: zerbait konpondu nahi ez baduzu, sortu batzorde bat.
Axularrek esana badakigu ez duela “deusek ere hainbat kalte egiten arimako, eta ez gorputzeko ere, nola egitekoen geroko uzteak, egunetik egunera, biharretik biharrera luzatzeak”. Barcinarekin zer eginik ez dagoenez, Urkullurengan jarriko dugu esperantza, noizbait urdazubiarraren gomendioa kontuan hartuko duelakoan. Izan ere, euskarazko komunikabideen egoera larriegia da Nafarroan luzamendutan segitzeko. Zirt edo zart egiteko garaia heldu da.
Bidali zure iritzi artikuluak iritzia@argia.eus helbide elektronikora
ARGIAk ez du zertan bat etorri artikuluen edukiarekin. Idatzien gehienezko luzera 4.500 karakterekoa da (espazioak barne). Idazkera aldetik gutxieneko zuzentasun bat beharrezkoa da: batetik, ARGIAk ezin du hartu zuzenketa sakona egiteko lanik; bestetik, egitekotan edukia nahi gabe aldatzeko arriskua dago. ARGIAk azaleko zuzenketak edo moldaketak egingo dizkie artikuluei, behar izanez gero.
Aldarri eta kanpaina, lege, arau, plan eta aurrekontu, babes-mekanismo eta zigor-makinaria oro gorabehera, etenik gabe jarraitzen dute kasu gogorrek eta jokabide zitalek betetzen albistegiak, tantaka zein zaparradan, eta gizon-desmasiak salatzeko protesta-ekintzek,... [+]
Ikasi berri dugu Earl Tupper jaunak Floridako Orlandon, 1947an, sortu zuen mila koloretako ontzi enpresa peko errekara doala, desagertzeko zorian dela, preseski. Badirudi plastikoak konkurrente larriak dituela, adibidez, linean egiten diren salerosketena edo erabilpen bakarreko... [+]
Gisèle Pélicot-en kasuak bortxaketetatik haratago dagoen arazo bat erakusten du: gizonezkoon konplizitatea indarkeria matxistaren aurrean. Kezkagarria ez da soilik erasoa, baizik eta, gertatutakoa jakinda, egoera ez salatzea erabaki zuten gizonen isiltasuna... [+]
Gaur egun, gure munduan eraiki diren hierarkia guztiak mundu mailako kolonizazio prozesu baten emaitza dira. Menderatze-hierarkia global horiek elkarren artean txirikordaturiko beste hierarkia zehatzagoek osatzen dituzte, hau da, klasekoek, etnikoek, estetikoek, eta baita... [+]
Directa-ren ikerketa batetik abiatuta ezagutu dugu iruzurra. Bartzelonan egiten ari den belako Amerika Koparen antolatzaileek argitaratutako audientzia eta bisitari kopuruak faltsuak dira. Gaia garrantzi sozial eta politiko nabarmena izaten ari da, faltsututako datu horiek izan... [+]
Badira gaiak momentuan begiratu ezin ditudanak. Ez dakit gertatzen zaizuen. Eta ezin ditut begiratu iragan izan gabe, susmoa dudalako ezin altxatzeraino itoko nautela, eta gertaeraz gain, gertaerari buruzko letrek ere lehendik ahula zen norbait zapaltzen dutela. Eta uste dut ez... [+]
Ordenagailuaren aurrean orduak ematen zituen gazte horietako bat izan nintzen. Internet bidez munduko beste pertsona eta kultura batzuen pentsamendua, musika eta ikus-entzunezkoak aurkitu zituena. Garai haietan ez zen hain ohikoa Internetera konektaturiko gailu bat izatea,... [+]
Orain dela hogei bat urte izandako mehatxuak datoz Gipuzkoako mendietara berriro ere, eta ez nolanahiko neurrian, gainera; tamaina eta kantitate handiagoan baizik. Proiektuok –bakarren bat jadanik eraikia; Zubietako erraustegia, kasu– landa-eremuan edota mendian dute... [+]