Ume diren helduentzat eta musikazale ororentzat
Askoren artean :: Imanol Urbietaren kantak. Bakarrik eta libre
Elkar, 2013
Orriotan idatzi nuen azken musika erreferentzia bilduma bati zegokion eta oraingoan ere halako beste batek eman dit arreta. Gure (eta ondorengoen) haurtzaroko soinu banda osatzen duten kantuen egileari omenaldia egin nahi izan zioten Zarautzen, Udalak eta hainbat herritarrek. Mikel Kazalis musikari eta soinu teknikari beteranoak koordinatu du bilduma eta parte hartu duten ia talde guztiak bere Fidelenea estudioan grabatu ditu. Prozesuan, Elkar argitaletxea batu zaie eta lan ederra argitaratu dute elkarrekin.
Orain dela urte asko Esan Ozenkik kaleratutako Ikastola berria eraiki dezagun Zuberoan bilduma etorri zait gogora, Sohüta herrian ikastola proiektua babesteko egin zutena. Antzekotasunak hartzen dizkiet bi proiektuei. Lehenik eta behin, diskoan parte hartu duten taldeak oso esanguratsuak direlako; bietan emaitza oso irekia eta aberatsa delako, bestetik; eta, azkenik, umeekin zerikusi zuzena duten kantuak izanik sorkuntza prozesuan zehar musikariak hartzailea zein izango den duda-mudan egon direlako.
Diskoa Eñaut Elorrietak zabaldu du Bakarrik eta libre piezarekin. Teklatu eta programazioez lagunduta, elektronikotik eta orkestraletik duen giro hauskorra gehitu dio. Sofistikazioetatik urrun, Pettik, koblakari gisa, Ran Roberran eguneratu du. Split 77 taldeak –Zea Mayseko– Aiora Renteriarekin Txiki, txiki, txikia kantua koordenada elektroniko eta modernoetara eraman du, goxotasuna galdu gabe, alderantziz, biderkatuta. Joseba Irazoki munstro bat da eta berez ilun samarra den Astoa ikusi nuen abestia destroy puntura eraman du Jon Spencer bailitzan Felix Buff bateria jotzailearen laguntzaz. Pariak Bai taldeak Behin betiko country bizi eta dotorez margotu du. Aitor Gorosabelek beste behin erakutsi digu edozein motatako kantuak sortzen jenioa dela eta Haizen herrira-n marrazki bizidunetarako moduko introa eta metal melodikoa batu ditu Su Ta Garrek. Anari taldea gai izan da, ume batzuekin batera, berezko tempo bereizgarriari helduta, Gitarra bat belarrira xuxurlatzeko. Fermin Muguruza bere hastapenetara itzuli da Kalera, kalera aukeratuta, eta Solano eta DZrekin batera, trikia eta dub-a batu ditu, Goseren tankeran. Mursegok ere aukeraketa aproposa egin du eta one-woman-band honek intriga, abentura eta soinu-efektuekin aurkeztu digu Mac Mikel. Agian Kazalisen Matxurak ez ditu umeak izutuko Kalabera kantuarekin, oraingoan berezko rock industriala pixka bat xuabetu dutelako. Lou Topetek country eta folk haizeaz puztu du Txoria nintzela; eta Audience Serore-ri kubatar eta latino ukitua ematen ausartu da. Makala Jazz Funk Band-ek, ia abestu gabe eta groove askorekin dantzan jarri du Jon Braun. Eta, bukatzeko, Andoni Egañak ‘Manolo’ Urbietari idatzitako pieza hunkigarria abestu dute Egañak berak, Pirritx, Porrotx eta Maritomotsek eta beste zenbait lagunek.
ARGIAko erredakzioak aurtengo zortzi hilabeteotan kaleratu diren diskoen artean hiru hautatu ditu, gomendatzeko.
Harritu nau –zentzu onean– proiektu berri honek. Adiera edo zentzu asko ditu hitzak eta Bergaran Aitor Aldanondok harri baten inguruan sortutako honek baditu hainbat. Urteetan hartutakoa –bizitakoa– nolabait atera nahi izan du lan honetan.
Ibilbide... [+]
Eñaut Elorrietaren inguruko dokumental bat egin zutela-eta, Tabakalerara gonbidatu ninduten orain bizpahiru aste. Gustuz hartu nuen lagunarteko estreinaldirako gonbita, baina zinema aretora hurbiltzean jende asko hasi nintzen topatzen; hor Paul eta Itziar, hor Sarri, hor... [+]
Batzuetan elementu asko elkartu behar dira aurreikusi ez duzun emaitza bat ateratzeko. Hori gertatu da nolabait Gernika eta Bermeo artean sortutako Feline taldearekin. Primeros Auxilios punk taldeko Iñaki Baini-k etxean elektronikarekin jolasteari ekin eta maketa batzuk... [+]
"Hemen, errebelazio bat bezala, espazioa eta denbora argiago ikusten dira". Miren Narbaiza bueltan da berriz, eta eskerrak. Eszenak eman duen kantugilerik berezienetako bat da Narbaiza. Kanta berriak nola gobernatzen dituen ikustea besterik ez dago.
Zeren, sortzaile... [+]
Asko poztu nintzen Artza anaiek diskoetxe berria abiaraztearekin bat Barrakos-en maketa –non erosiko nuen, Boga tabernan?– berreskuratu eta biniloan ateratzeko asmoa zutela jakitean. Izan ere, aipatutako maketa –1990koa– gure musika historian oharkabean... [+]
Ez dago beste biderik, gustuko ez duzuna aldatu eta beste zerbait sortzeko apurtu egin behar da: apurtu eta zerotik hasi. Hori izan zen punkaren oinarria; eta horixe bera da Leire Led Infiernok (ahotsa) eta Txerra Bolinagak (bateria) erabaki zutena Piztupunk taldea zena nahita... [+]
Interneten musika entzuten duzunetakoa bazara, ia seguru ezagutzen duzula Kokoroko. Agian uste duzu ezetz, baina hartu segundo bat eta bilatu Abusey Junction. Oscar Jeromeren gitarra riff malenkoniatsua ezaguna egin da Spotify eta YouTube gisako plataformetako algoritmoaren... [+]
Neomak taldeak tradizioaren perkusioa dakar, molde elektroniko zainduarekin. Arrasateko Leire Etxezarreta, Amets Ormaetxea eta Irati Gutierrez, Asteasuko Garazi Otaegi, Zarauzko Eneritz Aulesti, Zizurkilgo Maria Lasa eta Debako Alaitz Eskudero dira zazpi kideak. Denak dira... [+]
1988an, Euskal Herrian gazteria punkean eta RRVan buru-belarri murgilduta zegoen garaian, Bilbo eta Santurtzi artean La Secta taldea sortu zuten ozeanoz bestaldeko –antipodak barne– musikari so egiten zioten lau gazte ausartek; haietako bat zen La Herencia de los... [+]
Searching for sugar man bezalako istoriorik ez du emango Euskal Herriak. Gutxitu eta gutxietsiak, zer egingo diogu. Baina herri txiki –eta infernu handi– honek eman ditu hainbat mito, itzaletatik agertu eta itzaletara itzultzen direnak.
1980ko hamarkadan eduki... [+]
Arrasateko Perlata taldea ez da, bada, ia inorekin ezkontzekoa. Haien bide propioa egiten dihardute 2015etik, inguruan zer egiten den begiratuta bai, baina norabide eta erritmo propioan, eta ez lasaian, hain justu. Disko eta kilometro dezente daramate bizkarrean. Harritu nau,... [+]
Krisi pandemikoa ere izan da birsortzeko aukera berri bat, halaxe erakutsi du Usurbilgo Odolaren Mintzoa taldeak. Normaltasunari iseka egiten dion lana, su txikian ondu dute Hauskor Andoaingo Garate estudioetan. Kaki Arkarazoren laguntzarekin findu diren 8 kanta biltzen... [+]
Gutako edozein, gutako bakoitza isla bat gara ezinbestez, mehatxuz, aukeraz eta bestelako bizidun ugariz inguratutako itsaso erraldoian igeri egiten. Lan ederra daukagu gure flotazio-marra propioa kudeatzen, alboetatik etortzen zaizkigun olatu, uhin eta bestelakoen artean zer... [+]
Azkenean egin du. Azkenean, urtetako ibilbidearen ostean, Odei Barroso bertsolariak atera du bere bakarkako lehen lana. Tira, bertsolaria ez. Raplaria baita bertsolari izan aurretik. Baina bertsoaren jakintza ondo baliatuta dator, esatekoak zituenak errimaz esateko eta... [+]