Euskal blogari onenen bila
Azkue Fundazioak antolatu du Blogetan! Euskal blogariak lehian egitasmoaeta Argia du laguntzaile. Martxoaren 6an, bost sari banatuko dira euskarazko blogik onenen artean. Urtarrilaren 26a arte dago aurkezteko aukera.
Azkue Fundazioaren eta Argiaren helburua lehiaketa honen bidez sarean euskarazko edukiak areagotzea da. Bestalde, dagoeneko jo eta su blogetan dabiltzanei eta hasiberriei kuraia eman nahi diete. Gorka Bereziartua Argiako kazetariak egitasmoaren aurkezpenean esan zuenez, “bestelako dimentsioa eman nahi zaio bakoitzak bere blogarekin euskarari egiten dion ekarpenari, eta gainera, oraindik bloga idaztera animatu ez diren euskaldunentzat akuilu izango da”.
Bost sari banatuko dituzte. Lehenengoan kulturari lotutako blogik onena sarituko dute: zinemaz, literaturaz, modaz, sukaldaritzaz, enologiaz, musikaz... idatzitakoak. Bigarrenean gizarte eta politika arlokoek izango dute tokia: kazetaritza, historia, humanitateak, ekonomia, hezkuntza, zuzenbidea. Hirugarren sariak aisialdiko gaiak izango ditu kontuan: kirola, bidaiak... Laugarrenean berriz, zientzia eta teknologia: osasuna, informatika, arkitektura, natura... Bosgarren saria berezia izango da, 2013an sortutako euskarazko blog onenarentzat izango da.
Bost saridunek Bernat Vidal artistak Azkue Fundazioarentzat bereziki diseinatutako garaikur artelana jasoko dute, eta gaikako saridunek 200 euroko diru txekea eskuratuko dute Fnac dendan gastatzeko. Bosgarren saria, euskal blogari berriarena, Argiak emango du eta saridunak sari bikoitza jasoko du: batetik, Argia aldizkarirako urtebeteko harpidetza eskuratuko du, eta bestetik, Argiako hainbat esparrutan kolaboratzeko aukera izango du, hala nola, paperean, interneten eta multimedia alorrean.
Nola bozkatu
Gustukoen duzun bloga bozkatzeko bi modu egongo dira: batetik, www.blogetan.com webgunean erregistratuta egunero blog baten aldeko botoa eman ahalko da. Bestetik, twitter sare sozialean #blogetan etiketa erabilita eta jarraian bozkatu nahi duzun blogaren URL helbidea idatzita, botoak kontatuko dira. Twitterrez, webgunean bezala, egunean blog bati eman ahalko zaio bozka. Publikoaren bozkek %50 balioko dute eta adituek osatutako epaimahaiarenek beste erdia. Azken fasean, hiru finalisten artean epaimahaiak aukeratuko ditu bost irabazleak.
Sari banaketa eta jardunaldiak
Sari banaketa martxoaren 6an izango da, blogei buruzko jardunaldietan, Bilbon, Euskararen Etxean. Jardunaldi horietan blogak komunikazio teoriko-praktiko batetik landuko dituzte, ondoren modu ez-profesionalean diharduten blogariak haien bizipenetatik abiatuta arituko dira, eta bukatzeko euskal blogarien artean erreferentzialak direnekin mahai-ingurua egingo da.
Lehiaketako irabazleek jardunaldien bukaeran jasoko dituzte garaikurrak.
Lehiaketan parte hartzeko edo lehiakideak bozkatzeko www.blogetan.com webgunean sartu. Urtarrilaren 26ra arteko epea dago lehiaketan parte hartzeko eta urtarrilaren 27tik otsailaren 16ra bitartean bozkatzeko aukera izango da.
Blogariak.net, 15 urte baino gehiagoko proiektua, betiko desagertu da. Estrasburgon Europako sareen zerbitzariak eskaintzen dituen enpresarik handienaren zerbitzariek su hartu dute eta babeskopiak ere erre egin dira. Galdutako webguneen... [+]
Bilboko Euskararen Etxean egingo diren jardunaldien xedea da blogen munduko azken nobedade eta joeren gaineko hausnarketa egitea. Podcastak, visual-thinking komunikazio baliabidea eta bideoaren zabalkunde masiboa aztertuko dira, besteak beste. Azkue Fundazioa da antolatzaile.
Azkue Fundazioak sustaturiko lehiaketako irabazleen berri eman eta sariak banatu dituzte ostegun arratsaldean Euskararen Etxean egindako ekitaldian. Blog berriaren saria 52 milimetro argazki blogak eraman du.
Blogetan! lehiaketako hamabi finalisten arteko irabazleak ezagutaraziko dituzte 18:30etatik aurrera, Bilboko Euskararen Etxean egingo den ekitaldian, ARGIAk "blog berriaren" saria eskainiko du. Aurretik euskal blogarien topaketa izango da eta streaming bidez ere ikus... [+]
“Trenbidea, autobia, tunela eta zubia. Gehiegi gustatzen zaigu abiadura handia. Abiadura handia tunela eta zubia!”. Honela dio Gu ta Gutarrak taldearen kopla batek. AHTren obretako langileen esplotazioa eta hondeamakinen atzean ezkutatzen direnak kaleratzeko asmoz... [+]
Blogari euskaldunak sarean pizteko lehiaketa antolatu du Azkue Fundazioak ARGIAren laguntzaz bigarren urtez.
Parte hartzeko epea urtarrilaren 16tik otsailaren 13ra bitartean egongo da zabalik. Epaimahaiak martxoaren 30an emango ditu ezagutzera irabazleak, Euskararen Etxean ospatuko den jardunaldi eta sari-banaketan.
Hiru urte izan dira. Gutxi, tarte horretan egin dutenarekin konparatuz: martxan jarri zenetik Elearazi bloga hazten joan da, itzulpengintzatik abiatuta euskal literaturari buruzko erreferentziazko gune bihurtzeraino. Orain, agur esan du Garazi Arrularen (Tafalla, 1987) eta... [+]
Klak… eta (Kultura kategoriakoa), Arma tiro klik (Gizartea), Tropela bloga (Aisia), Euskalnatura (Zientzia eta Teknologia) eta Gaizka Izagirrek (Blogari Berria) jaso dituzte Blogetan! Blog izarren bila euskarazko blogen lehiaketako sariak.
Gaur iluntzean egingo da Blogetan! Blog izarren bila euskarazko blogen lehiaketako sari banaketa, Bilboko Euskararen Etxean. Lehenago blogen inguruko mahai-inguru eta hitzaldiak izango dira.
Martxoaren 6an, bederatzi blogarik euren esperientziak eta hausnarketak elkarbanatuko dituzte Blogetan! Euskal blogarien topaketan, Bilboko Euskararen Etxean. Blog izarren bila lehiaketako irabazleen sari banaketa ere egingo da.
Blogetan, blog izarren bila lehiaketako finalistak internautek hautatu dituzte. Publikoaren iritzia aintzat hartuta, epaimahaikideek bigarren bozketa egin eta irabazleen izenak martxoaren 6an emango dira ezagutzera.
Blogak bozkatzeko unea heldu da! #Blogetan Euskal blogariak lehian txapelketaren hurrengo faseari ekingo diogu eta gaurtik hasita eta otsailak 16ra arte edozeinek gustoko dituen blogen alde botoa emateko aukera izango du.