Euskal gabon kantak:
abesbatzaren eta jazz laukotearen fusioa
Eguberri Umama.
Basque Christmas Songs
Juantxo Zeberio Etxetxipia
Elkar, 2013
Neguko solstizioko gau luzeenek Eguberriaren etorrera iragartzen digute. Kaleko argiek eta apaingarriek bazterrak alaitzen dituzte eta txiki-txikitatik abestu ditugun eguberri kantak nonahi entzutean, haurtzaroko ilusioa berpizteko keinuak indarra hartzen du.
Eguberri Umama, Basque Christmas Songs diskoan gure artean ezagunak diren hainbat Gabon kanta biltzen dira: Ator-ator, Oi Betleem, Orbelak airez-aire, etab. Tartean badira beste herrialdeetako kantu zoragarriak ere, hala nola Elurra mara-mara (Serge Jaroff), Noel-Noel (Frantzia, XVI. mendea).
Juantxo Zeberio Etxetxipia (Tolosa, 1968) pianista eta konpositoreak, abesbatza eta jazz laukotea uztartuz sorturiko hirugarren diskoa da, eta aurreko lanetan bezala –Umama!! (2003) eta Umama 2 (2007)–, oraingoan ere pianoa eta zuzendaritza musikala eraman eta abesbatza eta jazz laukoterakoko preseski egindako moldaketak beregain hartu ditu.
Proiektu honetarako aurreko lanetan kolaboratu zuten musikariengana jo du berriro ere. Eskarmentu handiko musikariak dira Hasier Oleaga (bateria), Mikel Andueza (saxoa) eta Gonzalo Tejada (kontrabaxua). Beste hainbat proiektutan elkarrekin lan egitea balio erantsia izan da, grabazio prozesua errazteaz gain musikari bakoitzak dakarrena aintzat hartzen baita.
Migel Zeberio anaia izan du alboan oraingoan ere, eta hirugarren disko honetan, aurreko edizioetan bezala, 2001ean sortutako Sustraien Ahotsa abesbatzaren zuzendaritza eraman du.
Eguberri Umaman hainbat abeslari eta musikarik hartu dute parte, besteak beste Elene Arandia, Ainara Ortega, Arantxa Irazusta, Jesus Mari Jauregi, Xabier Ormazabal, Xabier Zeberio, Iraide Ansorena eta Et incarnatus orkestra.
Zeberiotarrek, Martxoan zendu zen Iñaki Epelde lagun eta artista handiak egindako irudia aukeratu dute, beste behin ere, azken lanaren azala ilustratzeko.
Grabazioa urriaren amaieran egin zen Elkar estudioetan eta nahasketa eta ekoizpen lanetan Aurelio Martinez eta Victor Sanchez aritu ziren. Grabaketa hau egin eta CDa kaleratu ahal izateko, Juantxo Zeberiok crowdfunding ekimena jarri zuen martxan. Helburua, jarraitzaile eta zale askoren babesa eta laguntzari esker, hau da, norbanakoen ekarpenen bidez, proiektua finantzatzeko modu zuzena lortzea zen. Ordainetan, proiektua sustatzen dutenei sariak eskaintzen zaizkie: produktu esklusiboak, esperientzia bakanak, argitalpen mugatuak, merchandisinga, deskargak, etab.
Anbizio handiko lana izan da, ausarta eta berritzailea. Musikaren errealitate desberdinak arakatzea izan da Juantxo Zeberioren nahia, abesbatzaren eta jazz laukotearen arteko elkarrizketa modu natural batean ematea. Horretarako, herrikoiak diren abestiak modu pertsonal batean eta egungo ikuspuntutik landu ditu, jazzaren hizkuntzan oinarritutako bat-bateko soinuak abesbatzetako partitura zehatzekin bateratuz.
Zuzeneko emanaldiak honako egunetan eskainiko dituzte: abenduaren 13an, Tolosako Leidorren; abenduaren 15ean, Hondarribiko Itxas-etxean; eta urtarrilaren 2an Donostiako Antzoki Zaharrean.
Gabon giroan sartzeko. Senide edo lagun arteko epeltasunean zaudela goxo entzungo den diskoa. Asmatuko duzu.
ARGIAko erredakzioak aurtengo zortzi hilabeteotan kaleratu diren diskoen artean hiru hautatu ditu, gomendatzeko.
Harritu nau –zentzu onean– proiektu berri honek. Adiera edo zentzu asko ditu hitzak eta Bergaran Aitor Aldanondok harri baten inguruan sortutako honek baditu hainbat. Urteetan hartutakoa –bizitakoa– nolabait atera nahi izan du lan honetan.
Ibilbide... [+]
Eñaut Elorrietaren inguruko dokumental bat egin zutela-eta, Tabakalerara gonbidatu ninduten orain bizpahiru aste. Gustuz hartu nuen lagunarteko estreinaldirako gonbita, baina zinema aretora hurbiltzean jende asko hasi nintzen topatzen; hor Paul eta Itziar, hor Sarri, hor... [+]
Batzuetan elementu asko elkartu behar dira aurreikusi ez duzun emaitza bat ateratzeko. Hori gertatu da nolabait Gernika eta Bermeo artean sortutako Feline taldearekin. Primeros Auxilios punk taldeko Iñaki Baini-k etxean elektronikarekin jolasteari ekin eta maketa batzuk... [+]
"Hemen, errebelazio bat bezala, espazioa eta denbora argiago ikusten dira". Miren Narbaiza bueltan da berriz, eta eskerrak. Eszenak eman duen kantugilerik berezienetako bat da Narbaiza. Kanta berriak nola gobernatzen dituen ikustea besterik ez dago.
Zeren, sortzaile... [+]
Asko poztu nintzen Artza anaiek diskoetxe berria abiaraztearekin bat Barrakos-en maketa –non erosiko nuen, Boga tabernan?– berreskuratu eta biniloan ateratzeko asmoa zutela jakitean. Izan ere, aipatutako maketa –1990koa– gure musika historian oharkabean... [+]
Ez dago beste biderik, gustuko ez duzuna aldatu eta beste zerbait sortzeko apurtu egin behar da: apurtu eta zerotik hasi. Hori izan zen punkaren oinarria; eta horixe bera da Leire Led Infiernok (ahotsa) eta Txerra Bolinagak (bateria) erabaki zutena Piztupunk taldea zena nahita... [+]
Interneten musika entzuten duzunetakoa bazara, ia seguru ezagutzen duzula Kokoroko. Agian uste duzu ezetz, baina hartu segundo bat eta bilatu Abusey Junction. Oscar Jeromeren gitarra riff malenkoniatsua ezaguna egin da Spotify eta YouTube gisako plataformetako algoritmoaren... [+]
Neomak taldeak tradizioaren perkusioa dakar, molde elektroniko zainduarekin. Arrasateko Leire Etxezarreta, Amets Ormaetxea eta Irati Gutierrez, Asteasuko Garazi Otaegi, Zarauzko Eneritz Aulesti, Zizurkilgo Maria Lasa eta Debako Alaitz Eskudero dira zazpi kideak. Denak dira... [+]
1988an, Euskal Herrian gazteria punkean eta RRVan buru-belarri murgilduta zegoen garaian, Bilbo eta Santurtzi artean La Secta taldea sortu zuten ozeanoz bestaldeko –antipodak barne– musikari so egiten zioten lau gazte ausartek; haietako bat zen La Herencia de los... [+]
Searching for sugar man bezalako istoriorik ez du emango Euskal Herriak. Gutxitu eta gutxietsiak, zer egingo diogu. Baina herri txiki –eta infernu handi– honek eman ditu hainbat mito, itzaletatik agertu eta itzaletara itzultzen direnak.
1980ko hamarkadan eduki... [+]
Arrasateko Perlata taldea ez da, bada, ia inorekin ezkontzekoa. Haien bide propioa egiten dihardute 2015etik, inguruan zer egiten den begiratuta bai, baina norabide eta erritmo propioan, eta ez lasaian, hain justu. Disko eta kilometro dezente daramate bizkarrean. Harritu nau,... [+]
Krisi pandemikoa ere izan da birsortzeko aukera berri bat, halaxe erakutsi du Usurbilgo Odolaren Mintzoa taldeak. Normaltasunari iseka egiten dion lana, su txikian ondu dute Hauskor Andoaingo Garate estudioetan. Kaki Arkarazoren laguntzarekin findu diren 8 kanta biltzen... [+]
Gutako edozein, gutako bakoitza isla bat gara ezinbestez, mehatxuz, aukeraz eta bestelako bizidun ugariz inguratutako itsaso erraldoian igeri egiten. Lan ederra daukagu gure flotazio-marra propioa kudeatzen, alboetatik etortzen zaizkigun olatu, uhin eta bestelakoen artean zer... [+]
Azkenean egin du. Azkenean, urtetako ibilbidearen ostean, Odei Barroso bertsolariak atera du bere bakarkako lehen lana. Tira, bertsolaria ez. Raplaria baita bertsolari izan aurretik. Baina bertsoaren jakintza ondo baliatuta dator, esatekoak zituenak errimaz esateko eta... [+]