Dekadentziaren lilura
Izugarrizko plazera izan da Kubako Ballet Nazionalaren saio bat ikustea. Ez da bakarrik dantza ona disfrutatzeagatik, baizik eta mila sentsaziok inguratzen zaituztelako haien emanaldi bakoitzean. Perfekzio teknikoa ez da gauza bakarra, edo garrantzitsuena; are gehiago, ez nintzateke perfekzioaren bila joango Alicia Alonsok zuzentzen dituen ikuskizun eder horietako batera hurbiltzen naizenean. Perfekzioa bigarren plano batean geratzen da edertasuna lehen mailan eskaintzeko.
Bai, espektakulu ederra eman zen Kursaal Auditorioan, akats edo doitasun-ezez betea, baina xarmagarria, ondo egina, alaia eta beste garai batera eramaten zaituena.
Coppélia ballet tradizionaleko titulu ezagunenetako bat da, Léon Delibesen musika duena. E.T.A Hoffmann-en ipuin batean oinarritzen da, eta, labur-labur esanda, Coppélius izeneko jostailu-egile zoro baten burutazio eroaren istorioa kontatzen du: berak egindako panpina batekin maitemintzen da eta bizitza eman nahi dio panpinari, hau da, Frankensteinen alde gozoa, eta komikoa.
Oso erraz jarraitzen da kontakizuna Alicia Alonsok egindako koreografian, Marius Petiten bertsioari jarraituz. Bestalde, nabaritzen da zuzendariaren ukitua, numero birtuosistiko ugari eskaintzen baitira, eta, orokorrean, koreografia distiratsua eta alaia egiten zaigu saio osoan.
Ezin da ukatu talde legendario honek eta Alonsoren bertsioek kutsu nolabait dekadentea dutela, bai. Eszenografia ezin sinpleagoa, margotua, baina oso eraginkorra; jantzi koloretsuak, nahiz eta soilak… Kubako Balletaren saioek badute sinplizitatearen edertasun ulergarri eta gertukoa. Askotan behar duguna, hain zuzen ere.
Interpretazio aldetik, azpimarratu behar da protagonisten lan aparta. Yanela Piñerak, Swanilda-ren rolean, dotorezia ematen dio pertsonaiari. Dantza elegantea du, fina, leuna. Camilo Ramosek, berriz, lan akrobatikoa egiten du Franz-en rolean, dantza sendo eta doia du, ikusgarria. Eta Diazek Coppélius jeniala egin zuen, oso komikoa, primeran interpretatua. Saioaren izarra suertatu zen, benetan. Agian puntu negatiboa taldeko numeroena izan zen. Doitasuna ez zen izan ezaugarri nabarmenena. Alaitasunez eta modu biziz interpretatua, baina sinkronizazio suitzarrik ez.
Musika: Léon Delibes.
Zuzendaria: Alicia Alonso.
Bakarlariak: Yanela Piñera, Camilo Ramos eta Enrique Díaz.
Lekua: Kursaal Auditorioa.
Data: Azaroaren 23a.
Bilbotik abiatu eta Barakaldoko ITP Aero eta Getxoko Sener enpresen paretik pasako da bizikleta martxa, bi enpresa horiek "ekoizpen militarraz arduratzen direlako", antolatzaileen aburuz. Azken aldian ematen ari den armamentu gastuen hazkundea salatzeko protesta izango... [+]
Aurten 1.500 ardi inguruk zeharkatu dute Kale Nagusia, bost artaldetan banatuta. Idiazabal Gaztaren denboraldi berriaren aurkezpen ofiziala egin da, udaletxean. Garena Jatetxeko Julen Bazek eta Peli Perez de Anuzitak moztu dute gazta.
1997an plazaratu zuen Maddi Oihenartek (Barkoxe, 1956) lehen diska, Lurralde zilarra, Mixel Arotze eta Mixel Etxekoparrekin batera. Txiki-txikia zenetik barrenean dituen paisaiak, isiltasunak eta soinuak partekatzen dizkigu kantuan ari denean. Kantatzean aurreko ahotsen... [+]
Asteartetik asteazkenerako gauean familiaren etxearen aurka bi bengala bota dituztela jakinarazi du Fagor kooperatibako jasangarritasun arduradunak.
2023ko urritik armamentua erosteko 40 kontratu sinatu ditu Espainiako Estatuak Israelekin eta hango enpresekin, horien erdia azken urte erdian. Horietako kontratu batekin ika-mika piztu da Espainiako Gobernua osatzen duten PSOE eta Sumarren artean, bereziki azken horren barnean,... [+]
Asteazkenetik aitzina Ipar Euskal Herrian, eta ostiraletik Hego Euskal Herrian; film oso gutxi estreinatzen dira horrela zinema aretoetan. Halaxe egingo du asteon Faisaien Irla-k. Fikzioa baitira mugak, horrela dio Asier Urbieta (Errenteria, 1979) zuzendariak: ez dira... [+]
Ikaslea zenbat eta adinez txikiagoa izan, orduan eta feminizatuagoa da irakasle lana: Haur Hezkuntzan, 10 irakasletik 9 baino gehiago emakumeak dira munduan, Lehen Hezkuntzan %67a eta DBHn %54a. “Kuriosoa da, zaintza oinarri duten beste lan batzuetan (erizainak, erizain... [+]
Espainiako Estatu mailan, behera egin dute bai ezarritako babes-neurriek bai aurkeztutako eskaerek.
Ekintza sorta ugariko bi eguneko egitaraua eduki dute bertaratu diren irakurleek: besteak beste, liburu azoka, ikuskizunak, tailerrak eta mahai-inguruak izan dituzte. Maider Elcano koordinatzailearen ustez, Biltzarraren indarra idazleei eta sortzaileei lekua ematen dien... [+]
Kondenatutako atzerritarren nazionalitateari buruzko datuak argitaratuko dituela adierazi du Erresuma Batuko Barne ministroak. Bide beretik, pasa den astean ezagutarazi zen Aste Nagusian atxilotutako 79 pertsonaren argazkiak filtratu zituela Ertzaintzak.
2002az geroztik Espainiako Estatuko hainbat kolektibotan infiltratutako hamabi poliziaren berri eman dute La Directa eta El Salto agerkariek. Nieves López izen faltsua baliatzen zuen Espainiako poliziaren kasua da publiko egin duten azkena. El Salto-k argitaratu duenez,... [+]
Militante eta ikerlari antiarrazistak abiapuntu argia adierazten du: arrazakeriaren aurka borrokatzea ez da zeregin psikologiko edo diskurtsibo bat, baizik eta egiturak desegiteko premia.
Espainiako Gobernuak urte amaierarako Defentsara bideratuko duen gastua Barne Produktu Gordinaren %2 izango da: 33.123 milioi euro. Sánchezek adierazi du erabaki horrek "Espainiaren segurtasuna bermatzea" eta armadaren baliabideak "modernizatzea" dutela xede.
"Bakearen" bidean, Errusiak proposatu du kontrolpean ez dituen lurraldeei uko egitea. Trukean AEBk hainbat onura emango dizkio, Financial Timesen arabera. Hala ere, Kremlineko bozeramaile Dmitry Peskov-ek abisu egin du: "Ez fidatu hedabideez, ezta errespetagarriak... [+]