Genero indarkeriaren arazoa ikusgarri egiteko, horretan diharduten taldeei babesa emateko eta gizarteko sektore ahalik eta zabalenak horren ardura har dezan, Itsaso Gutierrez Retolaza musikariak Eten proiektua sortu du. Horren bidez eta musika gailu nagusi duela, disko-bilduma eta kontzertu erraldoia antolatu ditu.
Itsaso Gutierrez Retolaza tematia da oso, batik bat bere senak agintzen dion norabidean nabigatzea erabaki zuenetik, inori men egin gabe. Hala egin zuen musikari moduan, luzaroan beste hainbat proiektutako partaide izan ostean, bere kabuz ON taldea martxan jarrita: prozesu eta proiektuaren kontrol osoa eta burujabetza bereganatu batetik; eta gehien kezkatzen duten gaiei –emakumeek jasaten dituzten jazarpen, zailtasun eta oztopoak– diskurtso sendoa landu eta eraiki.
Izan ere, musikaren eta bere bizitzaren lema hartzearekin bat, are eta kontzienteagoa da emakumea dela eta horren alde egin nahi duela borroka. Hala, bere familian eta bere azalean bizi izandako jazarpen esperientziek garra piztuta eta genero indarkeriak gizartean iraunkortzearekin amorratuta, pauso bat harago eman nahi izan du. “Tratu txarren kontra lan egiten duten taldeei diru-laguntzak nabarmen jaitsi zaizkiela jakin nuenean, talde horiek finantzatzen laguntzeko eta kontzientziak pizteko nire esparruan zerbait egin behar nuela erabaki nuen, alegia musikaren bidez”, argitu du Donostiako musikariak.
Euskal kantuak tratu txarren kontra
Pentsatu eta egin. Hala sortu zen Eten proiektua. Azken urteetan euskaraz genero indarkeriari buruz idatzitako kantuak batzeari ekin zion eta disko-bilduma osatu du, azaroaren 25ean, Tratu Txarren Nazioarteko Egunean, aurkezteko. Diskoak 22 kantu batzen ditu eta sei eurotan dago salgai. “Salmentaren etekinak ekoizpen gastuak ordaintzeko dira, eta hortik aurrerakoak genero indarkeriaren kontra lan egiten duten taldeen artean banatzeko”.
Ekimen honen bidez, hiru helburu erdietsi nahi izan ditu Itsaso Gutierrezek: gure gizartean barneratuta daukagun arazo larri horri aurre egitea; gaiaren gaineko hausnarketa bultzatzea; eta kulturako zenbait artista borroka horretan inplikatzea, modu horretan, lehenbailehen ekidin beharreko arazoa hobeto gizarteratzeko.
Eten proiektuaren baitan, azaroaren 30ean kontzertua eskainiko da Durangoko Plateruena Kafe Antzokian. Bilduman parte hartu duten taldeetako batzuek eta orain arte gaiarekin lotutako kanturik ez duten arren ekimenarekin bat egin nahi duten beste talde askok hartuko dute parte emanaldian. Guztira hamazortzi talde izango dira agertokian, gustu eta estilo guztietakoak. Izan ere, gaiaren zabalkunderen eta kezkaren isla da ekimen bietan parte hartu duten taldeen aniztasuna.
Noiz: Azaroaren 30ean, 22:00etan.
Non: Durangon, Plateruena Kafe Antzokian.
Taldeak: Itxaro Borda + Ekhi Vegas / Amaia Zubiria / Anje Duhalde / Xabi Solano / Rafa Rueda / Soka! / Soharro / NX / Humus / Izate / Ero / Nekez / Niketz / Herri Oihua / Petti / Mursego / Ain_1 / ON.
Sarrera: 10 euro. Sarrera + CDa
Obducción de la Amenaza / Zirt Zart (Split-ep)
2024
---------------------------------------------------
Musika panorama erraldoia da, helduezina. Horien artean badira foku guztiak bereganatzen dituzten talde handi gutxi batzuk; horren nahian diharduten beste asko,... [+]
Aposapo + Mäte + Daño Dolor
Noiz: apirilaren 5ean.
Non: Markina-Xemeingo Akerbeltz Gaztetxean.
---------------------------------------------------------
Erosketetarako orgatxoa barazkiz beteta egin dut gaztetxerako bidea, eta haiek mozten eman dugu iluntzea... [+]
Poliorkêtês
Kerobia
Autoekoiztua, 2025
--------------------------------------------------------
Azken aldian, lerrootan asko nabil hausnartzen musikak izan beharko lukeen “misio historikoaz” eta abarrez. Eta, nolabait, zer egin beharko lukeen... [+]
Ezagutzen duzue Kneecap filma? Oscar sarietarako hautatu zuten. Belfasteko hirukote baten istorioa da. Kneecap Hip Hop talde ezaguna da gaur egun, eta hizkuntzaren aldeko jarrera (gaelikoa) argia dute, IRAren osteko belaunaldiaren gorabeherak kontatzen ditu filmak; drogak eta... [+]
Joan den martxoaren 7an Maurice Ravel, garai guztietako euskal konpositorerik onena, jaio zela 150 urte bete ziren. Eta ARGIAn omenaldia egin zitzaion konpositore horri, Bolero ospetsuak imajinario kolektiboan izan duen eragina gogoratuz.
Kasualitatez, Deutsche Grammophonek... [+]
'Espetxeak libre' manifestuan adierazi dute Eusko Jaurlaritzak "ataka txarrean" jarri dituela kulturgileak, espetxeetara kultur emanaldiak egitera sartu nahi dutenei dokumentu bat sinatzea eskatzen baitie, eta salatu dute ezin dutela sartu ez sinatuz gero. Kultur... [+]
Olatz Salvador
Noiz: martxoaren 15ean.
Non: Deustuko jaietan.
------------------------------------------------
Martxoak beti du deustuarrontzat kolore berezia; urtero ospatzen ditugu jaiak, San Jose egunaren bueltan. Bi asteburu bete festa, eta urtetik urtera Deustuko... [+]
Antifa hardcore
Lee-Kore + Hoben
Autoekoizpena
---------------------------------------------------------
Tamalez ez da ohikoa Arrasaten hardcore kontzertuak egitea, bestelako musika eszenak nagusitzen direlako. Hala bada, joan den larunbatean herriko gazte batzuen... [+]
Hunkituta eta ilusioz egin dut Iruñetik Oronozerako bidea. Maite dut Olaia entzutea, baita hizketan ere. Herriko farmaziaren ondoan autoa utzi eta balkoitik agurtu naute hark eta bere zakur Arak. Grabagailua martxan jarri aurretik, bueltaxka egin dugu frontoira eta Arak... [+]
Bizitza eztia
Verde Prato
Plan B Records, 2024
--------------------------------------------------------------
Ousmane Sembène zinemagile senegaldar ospetsuari galdetu zioten ea bere pelikulak Europan ulertzen ote ziren. Erantzuna, epikoa: “Izan gaitezen... [+]
Inoren Ero Ni + Lisabö
Noiz: martxoaren 14an.
Non: Gasteizko Jimmy Jazz aretoan.
----------------------------------------------------
Izotz-arriskuaren seinalea autoko pantailatxoan. Urkiola, bere mendilerro eta baso. Kontzertuetara bideko ohiko errituala: Inoren... [+]
FITXA
Zer: OLBEk antolatutako Gaetano Donizettiren ‘La favorite’ opera.
Nork: Euskadiko Orkestra Sinfonikoak (zuzendaria: Riccardo Frizza) eta Bilboko Operaren Abesbatzak (zuzendaria: Boris Dujin).
Noiz: otsailaren 18an.
Non: Bilboko Euskalduna Jauregian.