Sinesgarritasuna da neurria
Politikaren kontuak funtsean hedabideetan segitzen dituen baten gogoeta da hau, lantzean behin aparteko iturrietatik edanda ere. Politika alderdietatik haratago eta erakundeetatik honatago izan badela sinetsita dagoen baten gogoeta. Beste batzuen osagarri.
Bi urte joan dira mugarri izan zen aste hartatik. Beroaldi hark gorabeherak izan ditu gerora, hotzaldiak barne, bihotzak eta buruak tenperatura berekoak zertan izan ez duten seinale. Hortaz, apustu estrategiko berrian sartzean ona da onartzea bidea ibilian egiten dela, trantsizioz, abiadura aldakorrean, norabidea etengabe elikatuz, mugarri berriak jarriz, bidaian ikasiz, baldintzak sendotuz, eta unean uneko pozak gozatuz. Baina guztia, dagoena eta ez dagoena ere, prozesu baten barruan ulertuta, ezinbestean.
Prozesua da giltza, dimentsio bakarreko politika baino askoz gehiago. Editorial batean irakurri bezala, hiru dimentsiotako politika, bultzada sozialez, arriskuak hartuz, tabuak behingoz baztertuz, benetan zeharrekoa... aldaketarako politika, finean. Nik beste elementu bat gehituko nioke: eskala, espazioan eta denboran, bietan neurtzen delako apustu baten sinesgarritasuna, eta sinesgarria ez denak ez du gerorik oraina izan arren. Ezuste batzuk horrekin lotuak izan daitezke.
Izan ere, epe luzerako helburuak epe motzean ditu helbideak, derrigorrez. Perspektiba sinesgarria epe guztietan. Ez dezagun bide-orria gatazkaren eremura mugatu, apustu guztiek bide-orria behar dute eta!, are gehiago krisian. Etzi baino lehenago bihar delako. Hortaz, eskala beti ere, ezker subiranisten esparru desberdinak sentitzen ditut. Gasteizko Legebiltzarra, Iruñekoa, Gipuzkoako Gobernua, Ipar Euskal Herria, Udalbiltza... Eta egia esan, kosta egiten zait eragin-esparruotako hariak bide-orri argi eta oso batera biltzea. Matazatu egiten zaizkit. Jauzi handiegia, nire ustez, gaurko ezinbesteko kudeaketa pragmatiko jatorretik etzidamuko balizko Euskal Estatura. Epe guztietan bete beharreko jauzia. Hortaz, EH Bilduri dagokio bide-orri oso eta propioa lantzea, propioa.
Euskal Bidea esaten dugu orain. Euskal bide sarea esango nuke nik, jarduera politikoaren uztarrian espazioa eta denbora kateatzen dituena. Biharkoari etzikoari besteko garrantzia ematen diona, pragmatismoan jausteko beldurra uxatuz. Marra nagusietan etenik ez, eta mamia etengabe elikatuz. Hiru dimentsiotako sarea, abiadura neurrikoa. Eta, batez ere, gehiengo sozialarentzat sinesgarria. Horixe neurria.
Berakah fundazioa “baliabiderik ez duten pertsonei laguntzeko” sortua bada ere, aurten familia bat baino gehiago kalean utzi du. Urriaren 31n izan da azken etxegabetzea, Gasteizko familia bat kaleratu dute parrokoak etxegabetze demanda firmatu ostean.
Etxea uzteko agindua zuen gaurko emakume batek Artikaberrin eta momentuz bertan behera gelditzen dela jakinarazi du Iruñerriko Etxebizitza Sindikatu Sozialistak. "Emakumearen abokatuak atzo jaso zuen deia epaitegitik eta ebazpenaren berri eman zioten", azaldu du... [+]
Alfaro kontseilariak “aurreko hamarkadetako politika espekulatiboak” kritikatu ditu eta kolaborazio publiko-pribatuaren aldeko apustua egin du Foru Legebiltzarrean. Helburu gisa jarri du Europa erdialde eta iparraldeko datuetara heltzea. Etxebizitzaren esparruan lan... [+]
Poliziak hiru pertsona etxegabetu ditu asteartean Alde Zaharrean, eta protesta egiten ari zirenen kontra jo du.
Zaurgarritasun ekonomikoaren baldintzak betetzen dituzten arren, Santander bankuak ordainketak epe batez etetea ukatu die bi familiei.
Alokabidek gutxienez sei etxegabetze prozesu ireki dituela salatu du Gasteizko Etxebizitza Sindikatuak. Horietako bat uztailaren 18an izanen da.
Alokabideri, Gasteizeko Udalari eta Gizarte Zerbitzuei konponbide bat bilatzeko exijitu die Auzoan Bizi Etxebizitza Sareak. Eusko Jaurlaritzarena da etxebizitza.
Fuera Okupas desokupazio-enpresa gutxienez bi aldiz joan da haiek jazartzera. Gaur Bilboko Udaltzaingoa eta Ertzaintza bertaratu dira, eta eraikinetako batean sartu dira: pertsona bat kanporatu eta atxilotu dute.
SAREBek egin nahi zuen etxegabetzea geldiarazteko eta alokairu soziala lortzeko hilabetetan borrokan aritu ondoren, Haritu Elkarlaguntza Sareak iragarri du “mobilizazioari, presio sozialari eta antolakuntzari esker” familiar honentzat alokairu soziala lortu dela.
Auzoan Bizi Etxebizitza Sareak salatu du Berakah programa beste bi familia etxegabetzen saiatzen ari dela, iaz beste familia batekin egin zuen bezala. Dagoeneko salatutako hauetaz gain, Berakahko kasu gehiago ari dira heltzen etxebizitza sarera. Berakah programa Santa... [+]
Babes Ofizialeko Etxebizitzetan bizi dira familiak, eta La Caixak ez dizkie alokairu-kontratuak berritu nahi. Bilboko Etxebizitza Sindikatuak salatu duenez, bizilagunak kaleratuz, "alokairu sozialetatik aberasten da" banketxea. "Etxegabetzeak berehala eta... [+]
EAJren asmoa da legezko aldaketa azkar bati ekitea, 48 orduko epean etxegabetzeak egin ahal izateko etxebizitzak okupatzen diren kasuetan.
Bilatu dituzten beste etxeetako jabeek ez diete etxerik alokatu nahi izan familia ugaria, soldata bakarra eta atzerritar jatorrikoak izateagatik.
Pasaiako portuko langileen familiak bizi diren Trintxerpeko etxebizitza bloke bat bota nahi dute Pasaiako Portu Agintaritzak eta Euskal Trenbide Sareak, 400 metro inguruko trenbide zati bat egiteko. Lau hilabetetan etxea utzi behar dutela ohartarazi diete.
