Datorren urriaren 23an hasi eta azaroaren 3a bitarte egingo da Bilbao Antzerki Dantza garaikidearen jaialdia (BAD). XV. edizioa dugu aurtengoa, eta zenbaki honek erakusten du antzerki eta dantza garaikidea ez dela gutxiengoen kontua; hasi zenetik, 1998an, publikoaren erantzun ezinhobea jasotzen duelako jaialdiak, eta urtez urte egonkortzen joan da. Euskal Herriko eta nazioarteko 21 konpainia ikusiko ditugu aurtengo egitarauan, horietatik 12 erabateko estreinaldiak izango dira. Gainera, 3 ekoizpen propio bultzatu ditu jaialdiak.
Erakusketa espazioari dagokionez, Bilboko zenbait aretotan barreiatuko dira antzezlanak, batzuk jada ohikoak, beste batzuk berriak: La Fundicion, La Merced Ikastetxea, Bilbo Arte, Consonni arte garaikidearen ekoiztetxea, Arteria antzokiko Kupula aretoa, Arriaga antzokia, Barrainkua kultur etxea, Guggenheim museoa.
Baina badira bi antzezlan ohiko espazio eszenikotik harago doazenak. Kataluniako El Conde de Torrefiel antzerki taldeak “Observen como el cansancio derrota al pensamiento” lana aurkeztuko du Deustuko polikiroldegian, azaroaren 2an, arratsaldeko 19.00etan. Espazio eszenikoa saskibaloi kantxa izango da, eta saskibaloi jokalari berezi batzuk izango ditu protagonista.
Beste espazio berezi bat, Blanco Roto antzerki konpainiak erabiliko duena. Izan ere, Euskal Herriko eta Kataluniako antzezleak biltzen dituen antzerki taldeak Renault Dacia Gaursa autoaren barruan eskainiko du La Ruta antzezlana. Lan honen emanaldiak urriaren 25ean eta 26an izango dira, 18.00etatik aurrera, baina aldiko hiru ikusle besterik ezingo dira sartu autoan, Laia Ricarte eta Oskar Garcia antzezleekin batera, hirian barrena ibilbide berezia egiteko.
Antolatzaileek aurtengo eklektikotasuna eta diziplina aniztasuna nabarmendu dituzte. Arte eszenikoetan azkenotan ematen ari diren joera berritzaileen ondorioz, zaila da askotan hitza (antzerkia) eta mugimedua (dantza) bereiztea. Askotan dantza taldeek hitza erabiltzen dutelako euren lanetan, eta antzerki taldeek beregatzen dituztelako dantza garaikidean ematen diren kontzeptuak eta joerak. Dena nahastea da arte eszenikoetako joera, azken finean espazio berean, taula beltzean gertatzen baitira biak. Performantzak ere izango du tokirik jaialdian.
Euskarazko antzerkiak presentzia eskasa du jaialdian, aurreko urteetan bezala. Halere, ez dira faltako bertako dantzariak eta antzezleak: Idoia Zabaleta, La Ortiga antzerki taldea, Khea Ziater, Gaitzerdi antzerki taldea –aurten 25. urteurrena du–, Pablo Marte, Nuria Perez dantzaria edota Sleepwalk Kolektiboa.
Euskara hutsez izango diren antzezlanen artean Moon Produkzioen Giza ahotsa dugu aipagarri, urriaren 28an La Merced Ikastetxean, 21.30etan. Bestalde, Macarena Recuerda antzerki taldeak Norenak dira begi horiek? antzezlan elebiduna aurkeztuko du, ingelesez eta euskaraz. Mauma taldeak Elkarrekin Bakarrik taularatuko du euskaraz, working progress moduan. La Fundicion aretoan izango da, azaroaren 1ean, arratsaldeko 19.00etan.
Azkenik, Artedrama, Dejabu Panpin Laborategia eta Le Petit Theatre du Pain antzerki taldeek elkarlanaren azken fruitua erakutsiko dute, Hamlet obra klasikoaren euskarazko egokitzapena, Arriagan, azaroaren 3an, 19.00etan.
Espainiako Sare Elektrikoak jakinarazi berri du ekaineko elektrizitate kontsumoa zein izan zen Espainiako Estatuan: 19.422 gigawat orduko. Hau da, 2004ko datuaren oso antzekoa: orduan 19.384 gigawat izan ziren.
Emakumeen Aurkako Indarkeriaren Bilboko bi Epaitegiek neurri hori onartu dute. Bilboko epaile dekano Aner Uriartek neurria emakumeak babesteko eta ez birbiktimizatzeko helburuarekin hartu dela esan du, baina Bilboko Abokatuen Elkargoak salatu du kolokan jartzen dituela ikertuen... [+]
XIX. eta XX. mendeetan ohikoa zen hiri nagusietako kaleetan ikustea janzkera tradizional ikusgarria zuten emakume batzuk, sendabelarrak saltzen. Ansotarrak ziren, Aragoiko Ansó ibarrekoak. Erakusketa batek haien historia kontatu digu, eta bide batez azalerazi du atzean... [+]
"Migrazio zirkularra" sustatu nahi du PSOEren gobernuak, langile batzuek behin-behineko hainbat lan egiteko migra dezaten Espainiako Estatura, eta gero euren jatorrizko herrialdeetara itzul daitezen.
Ganz MaVag-ek adierazi du ez diola uko egiten etorkizunean tren-enpresa erosteko beste eskaintza bat egiteari. Talde hungariarraren ekintzari esker, Talgok eskaintza berriak entzun ditzake.
Igandean hasiko dira polio txertaketa egiteko su-etenak, goizeko 6:00etan hasi eta 15:00ak arte. Osasunaren Mundu Erakundeak (OME) eman du operazioaren berri eta bederatzi egunetan hiru esparrutan emango da: iparraldean, zentroan eta hegoaldean.
30 urteko behargina hil da Amezketako (Gipuzkoa) paper fabrikan. Ibarra Argi Lanak enpresak azpikontratatuta zegoen. Elkarretaratzea egin dute ostiralean, 11:00etan, gertatutakoa salatzeko. 2024an hil den 38. langilea dela adierazi du LABek.
Karibeko bi irletan kolonialismoaren loriarako dauden monumentu, iker eta izendapenak ezbaian jartzen hasi dira herritarrak eta gobernua. Lehen pausua eman dute agintariek eta erabaki dute herrialdearen armarritik Cristobal Colonen lehen espedizioaren hiru karabelak kentzea.
ARGIAko erredakzioak aurtengo zortzi hilabeteotan kaleratu diren diskoen artean hiru hautatu ditu, gomendatzeko.
Neska gazteak agertzen dira irudietan eta Telegram bidez zabaltzen dituzte. Irailaren 1ean kanpaina bat abiatuko dute sare sozialen bidez, gobernuak neurriak hartu ditzan.
Iruñeak bat egiten du irailaren 16tik 22ra egingo den Mugikortasunaren Europako Astearekin, mugikortasun iraunkorra eta espazio publiko partekatuari buruzko hausnarketa sustatzeko diseinatutako jardueraz betetako programa batekin. "Konbinatu eta mugitu"... [+]
Duela aste batzuk Suitzak lege federal aitzindaria onartu du (Europako legedietan aitzindaria), LMETA delakoa, Loi fédérale sur l’utilisation de moyens électroniques pour l’exécution des tâches des autorités frantsesez,... [+]
2022an, urteko aurrekontuan onartutakoa baino %20 handiagoa izan zen inbertsio militarra; 2023an, %30 handiagoa. Europako herrialdeen gastu militarra Gerra Hotzaren amaierakoa baino handiagoa da une honetan.