Marranta ote da, edo urte sasoiko alergia?
Doministikuak, eztul lehorra, buruko mina... Marranta da ustez, baina sintomak ez badira desagertzen, agian beste zerbait pentsatu beharko da: alergia ote da?
Alergiak udaberriarekin lotu ohi dira, udazkenarekin baino gehiago. Hala ere, alergia kasuak berdin-berdin agertzen dira urte sasoi honetan eta uda aurretik, bi garaietan polena edo lore-hautsa libre baitabil inguruko airean. Udazkenean anbrosiatik dator batez ere polena, landare bakar batek milioika ale aireratzen dituelako. Horri arboletatik eroritako hostoak gehitu behar zaizkie: hezetasunak lizuna sortzen du, eta giro horretan alergia kasuak ikaragarri ugaritzen dira.
Nola babestu
Medikuak agindutako botikez aparte –ez ahaztu txertoak, horrelakorik dagoen kasuetan–, badira sintomak arintzen lagunduko dizuten zenbait aholku eta har ditzakezun neurri batzuk:
- Ateak eta leihoak itxita eduki, lore-hautsa etxe barruraino sar ez dadin.
- Dutxatu zaitez etxera iristean, edo ohera sartu aurretik, ilean edo azalean lore-hautsik gabe oheratzeko.
- Zaindu dieta. Badira sintoma alergikoak larriagotzen dituzten elikagaiak (arrautzak, txokolatea, alkohola, gazta onduak, txarkuteria...), baita sintoma horiek arintzen dituzten janari-edariak ere: karotenoideak edo laranja koloreko pigmentuak dituztenak (kalabaza edo azenarioak, esaterako), eta kertzitina dutenak (tipulak, mahats beltzak, tea eta abar).
Hotzeria modu naturalean arintzeko
Urte sasoi honetan katarroak oso erraz harrapatzen dira eta ez da ezinbestean botikara jo behar erremedio bila. Atseden hartzea oso garrantzitsua da, gure gorputzak bere indar guztia sendatzean jar dezan. Hona jarraian botikek adina balio duten aholku sinple batzuk:
- Jan beharra daukazu. Katarroak irauten duen bitartean ez baduzu behar adina kaloria ahoratzen, gorputzari gehiago kostako zaio birusen kontra borrokatzea.
- Oilasko-salda egunero... Anti-inflamatorio bikaina da, eta gorputz barruan pilatutako mukia modu naturalean desegin eta kanporatzen du.
- ... baina ez beroegia. Elikagai beroegiek lehendik ere minberatua dagoen eztarria mintzen dute.
- A eta C bitamina gehiago. C bitaminak (piper gorria, kiwia...) prozesua laburtzen du; A bitaminak (berdela, gibela, esnea), berriz, konplikazioak uxatzen ditu.
- Hidratazio handia. Ura, zukuak eta infusioak –jengibre, menda eta antzekoekin eginak– hartzea komeni zaizu kongestioa arintzeko, baita muskuluetako minen kontra ere.
- Serum fisiologikoa sudur-hobiak garbitzeko. Horrela ez dira lehortuko, eta mukia diluituz eta arinduz joango da.
- Egin lurrunak arnasbideak irekitzeko. Horretarako, onena ur beroari eukaliptoaren esentzia-olio pixka bat gehitzea izaten da.
- Zapi bustiek, kopeta gainean edo eskumuturren barrualdetik jarrita sukarra zertxobait jaisten laguntzen dute.
- Tipula gaueko eztula lasaitzeko. Jar ezazu mesanotxean, zuregandik gertu.
Washington (AEB), 1807. AEBetako Konstituzioak esklaboen trafiko transatlantikoa debekatu zuen. Horrek ez du esan nahi esklabotza abolitu zenik, esklaboen iturri nagusia eten zela baizik. Hala, emakumezko esklaboak bihurtu ziren esklabo berriak “ekoizteko” bide... [+]
EHUn Medikuntza euskaraz ikasteko plaza gehiago behar al diren galdetuta, hori EHUk erabaki behar duela erantzun zuen berriki Jaurlaritzak. Orain, ordea, datorren ikasturterako Medikuntzan 40 plaza gehiago eskaintzeko akordioa egin du Jaurlaritzak unibertsitate publikoarekin,... [+]
Biziki ernegatzen nauen kontua da nola mintzo ohi zaion sendagile zenbait pazienteari. Minaz mintzo zaizkigu umeak bagina bezala. Dagoneko giltzurrun bi transplante egin dizkidatenez gero, badakit zertaz ari naizen: besteak beste, tutu bat zakilaren barnean jarri didate bietan... [+]
EAEk du elektroshockaren praktika tasarik altuena Espainiako Estatuan; Nafarroan berriz, pazienteen euste mekanikoa ohikoa da ospitale psikiatrikoko unitateetan. Psikiatrikoetako indarkeria eta gehiegizko medikazioa salatzeko, Estatuko Harro Zoro Erradikalen manifestazioa Bilbon... [+]
Bizkaiko Foru Aldundiko Emakumeak Babesteko eta Familiei Laguntzeko zerbitzuan, lau psikologotik hiru kendu dituzte. Are gehiago, langileek salatu dute indarkeria matxistaren biktimak artatzeko plan berriak emakume ugari uzten dituela kanpoan.
Martxoaren 8aren atarian, menopausiari buruzko artikulu-sorta bat argitaratu du The Lancet medikuntzan espezializatutako aldizkariak. Laburpenean gogorarazi duenez, menopausia munduko populazioaren erdiaren bizitzaren etapa saihestezina da, baina esperientziak asko aldatzen dira... [+]
Gurutzetako ospitaleko Genero Identitatearen Unitatearen “arreta txarra” eta “tratamendu bortitza” salatu du Izei Etxeberriak.
Azken mende erdi luze honetan Vicente Madoz psikiatra oso presente egon da Nafarroan osasun mentalaz, sexu-hezkuntzaz, bikote harremanez, adikzioez edo heriotzaz hitz egitean. 1960ko hamarkadan Ingalaterran ikusi eta ikasi zuena hona ekarri zuen, psikiatria berriaren oinarriak... [+]
“Hego Euskal Herria da elektroshock gehien praktikatzen den Espainiako Estatuko lurraldea; Basurtuko ospitalean sei elektroshock makina daude”, azaldu dio ARGIAri Heiko Elbira Zoroa GAM taldeko kideak. Hori eta beste hainbat praktika psikiatriko salatzeko Harro Zoroa... [+]
Min batzuk kokatzen eta garenarekin askeago bizitzen lagundu digu askori terapiara joateak. Baina, jende politizatua izanda, zalantzak ere piztu dizkigu maiz, kontraesanak. Kezka horiek beste askorenak ere bazirela ohartu nintzen Ismael Cerónen Psicoterapia queer... [+]
Gehiago hitz egiten dugu orain buruko osasunaz, ongizate psikologikoaz, eta horrek gure bizitza-kalitatean duen eraginaz. Poztekoa da, gaia armairutik ateratzeko lagungarria delako, mina denok (eta ez bakar batzuek) dugula erakutsita ondoeza normalizatu egiten delako, eta buruko... [+]
Haur eta gazteen egoera emozional eta psikologiko txarra dela-eta, irakasleak gaindituta daudela eta ikastetxe bakoitzean psikologo bat ezarri beharko litzatekeela aldarrikatzen du mugimendu batek. Hari horri tiraka, jakin nahi izan dugu zein den pandemiak eskoletan utzi duen... [+]