Ikus-entzunezkoen gako komunikatibo eta teknologikoak jomuga
Urtebete pasa da azken biltzarretik eta hizkuntza eta teknologia berrien garapenean dihardutenek jomugan dute hurrengo hitzordua: urriaren 11n Donostiako Koldo Mitxelena Kulturunean. Euskarabildua jardunaldiak egingo dituzte, aurten ikus-entzunezkoak ardatz hartuta. Argiak, Iametzak (Argiaren taldeko komunikazio enpresa teknologikoa) eta Ametzagaiñak antolatu dute jardunaldia.
Itzela izan da azken hamarkadetan ikus-entzunezkoek izandako garapena, are gehiago azken urteetan merkaturatu diren Interneterako konexiodun gailu teknologikoen agerpenarekin. Eta ez du gelditzeko itxurarik: VisualNetworkingIndex (Cisco, 2012) txostenaren arabera, 2015erako Interneten ia 3.000 milioi erabiltzaile egongo dira –ordurako aurreikusitako munduko populazioaren %40 baino gehiago–, pertsona bakoitzak Interneterako konexioa duten hiru gailu izango ditu batez beste eta segundoko milioi bat minutukoa izango da bideo kontsumoa.
Kontsumoarekin batera produkzioa ere goraka doa eta horretan dabiltzanek erne egon beharra dute. Komunikazio helburuak eta teknologiak eskaintzen dituen aukerak argi izatea ezinbestekoa da, eta bi ikuspegi horietan oinarrituko dira aurtengo Euskarabildua jardunaldiak. Ikusi eta entzun. Multimedia produkzioaren gako komunikatibo eta teknologikoak izenburupean, ikus-entzunezkoei buruzko esperientziak trukatu eta euskararen hedapenerako nola erabili daitezkeen aztertuko dute.
Bertako eta kanpoko esperientziak
Garapen teknologikoa komunitate guztien ezaugarria izaki, ez da derrigorra kanpora begiratzea ikus-entzunezkoek sarean duten lekua ezagutzeko. Arantza del Pozo eta Igor Garcia Donostiako Vicomtech-IK4 ikerketa aplikatuko zentroko kideak dira. Lehenak euskarazko ikus-entzunezkoen azpititulazio automatikoaz hitz egingo du jardunaldietan eta bigarrenak, berriz, ikus-entzunezkoen teknologiek profesionalen eskuetatik erabiltzaile arruntenetara egindako bideaz.
Nora Barroso EHUko irakasleak eta Axier Lopez Argiako kazetariak irratia eta telebista izango dituzte hizpide, hurrenez hurren. Barrosok AdiUP Info7 irratirako sortutako audio-bilatzailearen nondik norakoak azalduko ditu eta Lopezek, XX. mendeko kultura porrotik handienekotzat duen telebista atzean utzi eta sarera jauzi egiteko gonbita egingo die entzuleei.
Gure eremu geografikotik haragoko esperientziak jasotzea ere aberasgarria da eta Pablo Iglesias eta Carles Solá kazetariak horretan izango dira Donostian. La Tuerka solasaldi politikoko gidaria lehena eta Plataforma per la Llengua erakundeko kidea bigarrena, ikus-entzunezkoek sarean duten hedapenaz eta sare sozialek duten eraginaz mintzatuko dira, besteak beste.
Zabala beraz, Argiak, Iametzak eta Ametzagaiña Taldeak antolatutako eskaintza. Gainerako solasaldiak eta esperientzia partekatzeak bertaratzen direnen esku geratuko dira. Gonbita egina dago.
78 urterekin hil da ibilbide oparoa izan duen euskaltzalea. Euskal Filologian doktore izateaz gain, hamarnaka lan argitaratu zituen, poesian, nobelan zein saiakeran, baita biografiak eta bertso bildumak ere. Lan handia egin zuen antzerkigintza ikertzen.
Euskaltzaleen Topaguneak hasiera berri bat irudikatu du. Hemendik aurrera Taupa, euskaltzaleen mugimendua izena hartuko du. Euskara elkarteen topagunea izatetik, Euskal Herri osoko euskaltzaleak aktibatzea eta saretzea izango du helburu. Topaguneko kideek adierazi dutenez,... [+]
Nafarroako Legebiltzarrean datorren urteko aurrekontuak ixteko negoziazioetan ari dira egunotan alderdiak, eta horietan adostutakoaren arabera, euskararen Euskararen Nafar Institutuak iaz baino 1,3 milioi gehiago izango ditu.
Euskal Herri osoan euskara eta hiztun komunitatea larrialdi egoeran daudela berretsi zuen azaroan Kontseiluak eta, ostegun honetan, egoera hori Nafarroan zertan datzan azaldu du Iruñean. Era berean, herrialdean ataka horretatik ateratzeko egin beharrekoak azpimarratu ditu.
Ikusle euskaldun gehien biltzen dituen katea da ETB2, datuen arabera. Aldatu Gidoia mugimenduak agerraldia egin du Bizkarsororen kontraprogramatzearen harira. Salatu dute askotan ETB1 lehian sartzen dela ETB2rekin, eta "herritar guztiak eta publiko bakarra helburu izango... [+]
Hamabi haur eskola publiko daude Iruñean, eta horretatik bakarrean dago euskarazko eredua. Protesta egin dute dozena bat eragilek, eta euskal hiztunen “egoera berezia” aintzat har dezan galdegin diote udalari.
Benetan nahasia da euskara ikasteko dirulaguntzen kontu hori. Euskara ikasi nahi duen herritarrak leihatila bat baino gehiagotara jo beharko du egin nahi duen ikastaroa zenbat kostatuko zaion eta dirulaguntzak nondik, nola eta noiz lortuko dituen jakiteko. Oraindik ere dirua... [+]
Euskal Herrian sortzen den eduki guztietarako sarbidea eskaintzeko sortu du erreminta Izarkomek. Urtarrilaren 2tik aurrera egongo da erabilgai Begizta, oraingoz Izarkom eta Onaro operadoreetan. Edukia hainbat gailu ezberdinetan ikusteko aukera emango du, baita bost profil... [+]
12 eta 16 urte bitarteko gazteak aisialdian euskaraz aritzea du xede Ametzagaiña eta Iametza enpresek sortutako jolasak. Gazteek egunero euskal erreferente bat asmatu behar dute eta gramatikaren inguruko galderak erantzun behar dituzte horretarako. Egitasmoa martxan jarri... [+]
Irungo Udalak barkamena eskatu eta asteazken honetarako bilerara deitu ditu hiriko elkarte euskaltzaleak, baina beste norabide bat hartu du aferak eta gaia ez du berehalakoan itxiko. Gabonetako ekitaldian euskara baztertzeagatik udala salatu duten elkarteak zeuden deituta... [+]
Euskaraz bizitzeko, Euskararen Errepublika lelopean egin du manifestazioa larunbatean Euskal Herrian Euskarazek, Landako gunetik abiatuta. Euskal Errepublika aldarrikatzera, indarrak batzera eta euskararen aldarria lau haizetara zabaltzera deitu dute Durangoko kaleetan... [+]
Irungo euskaldunen pazientziak gainezka egin du; haserre daude eta oraingoan ez dira "isilik geratuko". Gabonetako argiak pizteko ekitaldia erdara hutsean egin izanak hiriko 35 elkarte eraman ditu udalaren hizkuntza politika salatzera –aurrekari gutxi izango ditu... [+]
1994an EHUko Arte Ederretako ikasleek protestak abiatu zituzten. Bost irakasle euskaldun lortzeko hiru hilabeteko greba egin zuten, eta bitarte horretan Leioako fakultatea okupatu. Euskal jendartearen babes handia izan zuten, baina Poliziaren errepresioa ere jasan zuten; Bilboko... [+]