Nafarroako eltzea
Jakin-minarekin batera itxaropena ere piztu du CAN auziari buruz Guardia Zibilak emandako azken txostenak. Izan ere, bertzela iduri duen arren, auzia ez dago itxia eta Nafarroan zabalik dirau, hiru lagun baitaude oraindik ere inputaziopean: Miguel Sanz lehendakari ohia, Alvaro Miranda ekonomia kontseilari ohia eta Enrique Maya Iruñeko alkatea. Auziak, egia erran, joan den udaberrian jo zuen goia, bai behinik behin herritar aunitzen esperantzari dagokionez. Hilabete haietan, gainera, Nafarroako eltzeak bor-bor zirakien eta gainezka egin hurran zegoen, edo halaxe ematen zuen, behintzat. UPNko ordezkariak Iruñeko Auzitegira bana-bana epailearen aitzinera deklaratzera agertu ahala berotu zen hura. Eta berotu ere, jakina, Yolanda Barcinaren gobernuak murrizketak ezarri arau. Manifestazioak, elkarretaratzeak, protesta-ekintzak... eguneroko ogia bezala egin ziren, bai murrizketen eta ustelkeriaren aurka, bai langileen eskubideen alde, bai lantegiak ixtearen eta etxegabetzeen aurka, bai hauteskundeak egitearen alde. Barcinari berari aurpegiko irribarrea itzali zitzaion. Horrekin batera, alderdien artean zerabiltzan inkesta batzuen arabera, Nafarroan alimaleko aldaketa gerta zitekeen, hauteskundeak orduantxe egitera, sozialistak erroiztearen ondorioz. Gero, ordea, inkesta baten emaitzek erakutsi zuten sozialistek, indarra galduta ere, ez zutela hainbeste jarleku galduko, eta Izquierda-Ezkerra ez zela igoko. Erran nahi baita, Bilduk, Geroa Baik eta Izquierda-Ezkerrak ez zutela 26 eginen, eta, hori, jakina, guztiz funtsezkoa da Nafarrora zinezko aldaketa ekartzeko. Bertzela erranik, UPN eta PSN artean 26ra irits zitezkeela. Aukera hori izanik, sozialistek, zer erranik ez, betikoari eutsiko diote; gauzak bere horretan iraunarazteari, alegia.
Gero, behin uda hasita, parlamentua itxita, jai giroan, opor usainean, nekeza da nekeza denez plazara ateratzea eta, hori gutxi delakoan, Tuterako txupinazoa lehertzearekin batera, Barcinaren irribarre zabala eta algarak ikusi genituen, Auzitegi Gorenaren erabakiaren karira. Akabo eltzeko uraren borborra. Egun hartan luze eta zabal mintzatu ondoren, kukutua ibili da udako egun sargoritsuetan, ez da plazaz plaza ibili. Uda, ordea, akitzera doa, eta laster sasitik atera beharko du. Bitartean, Guardia Zibilaren txostena azaleratu da. Ikusteko dago behar adinako indarra ote duen eltzea berriz ere borborka hasteko.
Bidali zure iritzi artikuluak iritzia@argia.eus helbide elektronikora
ARGIAk ez du zertan bat etorri artikuluen edukiarekin. Idatzien gehienezko luzera 4.500 karakterekoa da (espazioak barne). Idazkera aldetik gutxieneko zuzentasun bat beharrezkoa da: batetik, ARGIAk ezin du hartu zuzenketa sakona egiteko lanik; bestetik, egitekotan edukia nahi gabe aldatzeko arriskua dago. ARGIAk azaleko zuzenketak edo moldaketak egingo dizkie artikuluei, behar izanez gero.
Irakurlea dagoeneko jakitun dateke Euskal Herrian askatasunaren alde egon den eta dagoen gatazka politikoaren ondorioz urte luzetan kartzelan, erbestean edota deportazioan bizi behar izan duten euskaldunak, etxerako bidean, beren bizitza berregiten hasteko izaten dituzten... [+]
Epistemologia, edo ezagutzaren teoria, filosofiaren arlo nagusietako bat da, eta historian zehar garrantzizko eztabaidak izan dira gure ezagutzaren mugen eta oinarrien inguruan. Honen baitan bi korriente indartsu topatzen dira, ezagutzara iristeko bide ezberdinak proposatzen... [+]
Getxoko Epaitegiak Europa ikastetxeko 4 urteko haurren kasua artxibatu izanaren berri izan dugu aste honetan. Horrek zera galdetzera garamatza: instantzia judizialak, polizialak… prest al daude haurren eskaerei erantzuteko? Benetan babesten al dira gure adingabeak... [+]
Gure lurraldeetan eta bizitzetan sortzen diren behar, desio eta ekimenen inguruan gero eta gehiago entzuten dugu harreman eta proiektu publiko-komunitarioak landu beharraz, eta pozgarria da benetan, merkaturik gabeko gizarte antolaketarako ezinbesteko eredua baita. Baina... [+]
Elkarrizketa berritu dugu fakultateko idazkaritzan, auskalogarrenez: urruti daude, euren matrikula egiteko, ikasleak bakarrik etortzen ziren garaiak. Aspaldixko aldatu zen joera, eta gurasoek –nabarmenago amek– gero eta paper aktiboagoa hartzen dute seme-alaben... [+]
Silogismo baten argumentuak hiru proposizio ditu, eta horietatik azkena nahitaez ondorioztatzen da beste bietatik. Logika deduktibo horrekin aztertu daiteke, nire aburuz, Nafarroan gertatzen ari den Aroztegiako gatazka sozioekologiko luze eta traumatikoa.
Tesia: Baztango... [+]
Berriki landu ditut klasean Etxahun Barkoxeren kobla eder eta hunkigarriak. Gaizo gizona! “Edertasunez praube” sortu zelako hasi zitzaizkion etxeko nahigabeak, baina hamazazpi urtetan zen pulunpaka sartu zorigaitzaren itsasoan, maite zuen Marie Rospide doterik gabeko... [+]
Azken egunak garrantzi handikoak izan dira Bartzelonan, etxebizitzaren aldeko mugimenduarentzat eta espekulatzaileen aurkako borrokarentzat. Urtarrilaren 28an, polizia-armada batek Raval auzoko Massana Zaharrari [zentro sozial okupatua] eraso egin zion goizaldean, aurrez abisatu... [+]
Zer jakin behar dut? Norekin erlazionatu behar dut? Non bizi behar dut? Ardura horiekin gabiltza gizakiok gure gizarteen baitan bizitza on baten ideia bizitzeko bidean. Ondo erantzuten ez badakigu, bazterretan geratuko garen beldurrez.
Joan den astean, kanpoan geratzearen... [+]
Idatzi honen bidez, EITBko Euskara Batzordeak eta azpian sinatzen duten EITBko organoek euren kezka eta gaitzespena agertu nahi dituzte azken hilabeteetan EITBko zuzendaritza-postuetarako abian ipini diren hautatze-prozesuak direla eta, gutxietsi egin baita euskararen... [+]
Ni ez dut nahi nire alaba ijitoz mozorrotzea kaldereroetan. Nik ez dut nahi nire alabaren eskolako haur ijitoak ijitoz mozorrotzea kaldereroetan. Ijito izatea ez delako mozorro bat. Ijito izatea ez delako urtean behin egiten den festa bat, arropa exotikoekin eta aurpegia ikatzez... [+]
Bidea pausoka egiten da, eta hasiak egina dirudiela ikasi nuen aspaldi xamar. Baina jendeak esaldi hori edukiz betetzen ere ikasi nahi du. Bakarrik ezer gutxi lor genezake, hasi orduko etsi, akaso. Sekulako jendetza biltzeak ere antolaketa zaildu eta ikusi beharrekoa gandutu... [+]
Ez zuen egoki jokatu, neurriak hartu behar ziren, bestela, ez dugu ikasten. Itxuraz, ez zen ohartzen egindakoaren inpaktuaz, normal jarraitzen zuen, batzuetan, ingurukoek baino itxura zoriontsuagoz. Gainera, altuegi hitz egiten du, hori ez zaio inori gustatzen. Darabiltzan... [+]
Hezkuntza Sailak ez ei du ulertzen publikoko langileak zergatik joan garen grebara. LAB sindikatuari galdetzea dauka. Sindikatu horrek akordioa sinatu zuen sailarekin, 2023ko apirilean. Urte bi geroago grebara deitu dute haiek ere, aurrekoetan ez bezala, Hezkuntza Sailak... [+]