Naval: Europar Batasunetik Euskal Herrira, Madrildik igarota
Europako Batzordeak Espainiako Estatuari eskatu dio ontzigintza enpresei 2007 eta 2011 artean tax lease hobariaren bidez emandako diru laguntza publikoak itzultzeko. Laguntza horiek ontziak egiteko finantzaketa eskaini zuten inbertitzaileek itzuli beharko dituzte (bankuek eta inbertsio funtsek), eta ez ontzigintza enpresek. Kopurua zehaztu ez den arren, 2.000 milioi euro izan daitezke. Diru hori Espainiako Ogasunean sartu behar da. Hain justu, Espainiako erakunde hori izango da zifra zehatza zein den erabakiko duena, baita dirua zein inbertitzailek itzuli behar duen eta nola egin behar duen erabakiko duena ere. Ondorioz, garai horretan ontzigintza finantzatu zuten inbertitzaileek dagokien kuota ordainduko diote Ogasunari. Euskal ontzigintzako langileek mobilizazioekin segitzen dute; euren etorkizuna arriskuan dela diote, ontziak finantzatzen dituztenek dirua itzuli behar badute, finantzazio berririk ez delako izango.
Egoera honek berriz ere agerian utzi du subiranotasun nazional, politiko, ekonomiko eta laborala aldarrikatzeko beharra; gure sektore ekonomiko eta industria estrategikoen inguruan erabakiak hartzeko eskubidea, alegia. Laguntza publikoen kasuan, beste hainbat arlotan bezala, bistakoa da muga: EBk erabaki eta Espainiako eta Frantziako Estatuek betearazi egiten dute, euskal herritarren iritzia bazterrean utziaz. Espainiako eta Frantziako Estatuek defendatzen dituzten interesak, jakina, ez dira euskal herritarrenak. Ontzigintzan, Euskal Herriak sektore estrategiko hori indartu behar du, garapena eta berrikuntza behar dira mundu mailan lehiatu ahal izateko. Euskal inbertitzaileak engaiatu beharko lirateke milaka familia mantentzen dituen ontzigintza sektore lehiakorrari eusteko bidean irtenbideak aurkitzeko.
ELAk salatu du La Navalek jasan duen desegite eta likidazioa, eta berentzat, amaiera ez da ezustekoa. "Gasteizko Gobernuaren industria-politika ez da existitzen, eta Ezkerraldea desindustrializatzen ari da", adierazi dute.
Abenduaren 1ean, duela 35 urte, Euskaldunako langileen emazteek 24 orduko itxialdia egin zuten. Itzaleko borroka horren lekuko da Nosotras las mujeres de Euskalduna dokumentala. Euskaldunako beharginek egunak zeramatzaten poliziari ahal zuten guztiarekin aurre egiten... [+]
Sestaoko (Bizkaia) ontziolako enpresa zuzendaritzak jakinarazi duenez epaitegiak igorri du ebazpena, zeinaren arabera langileak La Navaleko behargin izateari utzi dioten otsailaren 28az geroztik.
Espainiako Estatuko lau lantegitan eragingo du; tartean, Etxebarrin eta Lesakan. Datorren urtarrilean, otsailean eta martxoan izango da.
Inoizko hondamendi ekologiko handiena eragin zuen gertakariaren auzia erabat amaitu dela adierazi du Gorenak. Espero baino hiru aldiz gehiago da kalte ordainen zenbatekoa.
Astelehena iritsi zain zeuden langileak, enpresak erabakia jakitera emango baitzuen. Eta esperotakoa izan zen; goizean goiz jaso zuten albistea: lan-talde osoa egozteari ekingo zaio. Hots, erabakiak 177 langileri eragin die gaur-gaurkoz. Horregatik, langileek itxialdia burutu... [+]
3.000 lagun inguru bildu ditu asteazken arratsaldean Naval ez itxi lelopean Sestaon egindako manifestazioak. Zuzendaritzak jakinarazi du hilabetea amaitu baino lehen etengo dituela 177 langileen kontratuak.
LAB sindikatuak eskuratu ahal izan du La Navalen hartzekodun konkurtsoko administradorearen behin betiko txostena. Agerian uzten du Sestaoko ontziolak superabit handia duela: 129 milioi euro.
Langileek hiru hilabeteko erregulazio espedientea onartu dute, kable-ontzia amaitzeko “bermeak” edukitzearen ordainetan. Gaur aurkeztuko du konkurtsoa ontziolaren zuzendaritzak.
Langileek hiru hilabeteko erregulazio espedientea onartu dute, kable-ontzia amaitzeko “bermeak” edukitzearen ordainetan. Gaur aurkeztuko du konkurtsoa ontziolaren zuzendaritzak.
Armadorearen hainbat marinel gauez azaldu dira Sestaoko ontziolara eta amarrak askatzen saiatu dira azalpenik eman gabe. Langileek Ertzaintzari abisua jo ostean alde egin dute.