Andoaingo udalak Eusko Jaurlaritzaren laguntzarekin ematen dituen sariek 25 urte bete dituzte eta antolatzaileek poza adierazi zuten euskal kazetaritzaren erreferente bihurtu direlako, “batez ere saritutakoen kalitateagatik”. Rikardo Arregiren lanaren gaurkotasuna ere erakutsi zuten.
Ekitaldi berezian eman ziren hogeitabost garrenez Rikardo Arregi kazetaritza sariak, ekainaren 29an. Kike Amonarrizek umorez eta goxotasunez gidaturik, Rikardo Arregiren lana presente izan da, sarien ibilbidea erakutsi duen bideoan eta Zeruko Argian idatzi zituen artikuluen pasarte irakurrietan. Familiaren izenean Joseba Arregik anaiaren alde ideologikoa ekarri du gogora, “bai baitira hiltzeko beste hainbat bide. Ahazturik geratzea, adibidez”. Duela 25 urte sari hau abiarazi zuten andoaindarrak eskertu ditu Ana Karrere Andoaingo alkateak, “aitortu zutelako euskarazko hedabideak estrategikoak direla”. Cristina Uriarte Eusko Jaurlaritzako Hezkuntza, Hizkuntz Politika eta Kultura sailburuak nabarmendu du euskarazko hedabideek “euskararen mundura gizatalde berriak erakartzen” egiten duten lana. “Ez gaitezen autokonplazentzian eror”, ohartarazi ondoren “ziur helburuak lortzen lan egingo duzuela. Ondoan izango gaituzue etorkizunean” esanaz itxi zuen ekitaldia.
Ohorezko Aipamen Bereziak: Euskalerria Irratia eta Berria
Ainara Rodriguez Andoaingo alkate ordeak eta Arantza Aguado euskara teknikariak eman zituzten sariok, eta bi hedabideen bikaintasuna azpimarratu zuten. Euskalerria Irratiko zuzendari Mikel Bujandak eta Amaia Lasak jaso zuten saria eta Bujandak oroitarazi zuen 25 urte daramatela “aproba fasean, modu probisionalean, emititzeko baimena noizbait iritsiko delakoan”. Martxelo Otamendi Berriako zuzendariak saria jasotakoan ETAk Andoainen Lopez Lacalle hil zuenekoa izan zuen gogoan, “igual profesionalegi jokatu nuen eta ez nintzen gehiegi hurbildu tragedia sufritu zutenengana”. Memoria osatzeko garaiotan medio bakoitzak ere bere iragana aztertzeko lana egin beharra azaldu zuen. “Nire ustez erabat auzi injustuagatik kartzelan dauden” Egin egunkariko zuzendaritzako kideak ere ekarri zituen gogora, eta hauek askatzeaz gain Euskaldunon Egunkariaren auzi ekonomikoa itxi dadila desiratu zuen. Cristina Uriarte sailburuari elkarrizketa bat eskatzeko ere baliatu zuen aukera.
Aipamen Berezia: Lander Arbelaitz
Idurre Eskisabel epaimahai kideak hizpide hartu zuen Rikardo Arregi zenaren izaera errebeldea, eta Aipamen Bereziak ezaugarri hori bilduko zuela iragarri zuen. Sari hori jasotzeko merituen artean, Lander Arbelaitzek Donostiako Herri Harresian izan zuen jarrera nabarmendu zuen: “informatzeko konpromisoa erakutsi zuen, bere burua arriskuan jartzeraino” eta agentzien menpeko den bulego kazetaritzaren aurrean bertatik zorroztasunez eta minutuz minutu berri ematen egindako lana azpimarratu zuen. Arbelaitzek Herri Harresitik jasotako irakaspen hau partekatu zuen publikoarekin: “Hedabide txikiok argi izan behar dugu handiek hainbat gairekin beste aldera begiratzen dutenean, aukera zabaltzen zaigula, jendearen jakin mina ase eta gure lana ezagutarazteko”. Ertzaintzarekin izandako aurrez aurrekoa ez errepikatzea eskatu zuen “kazetariok erabaki behar dugu non noiz kokatu eta zergatik, beti ere euren lana oztopatzen ez dugun bitartean”. Argiako lantalde osoari eskaini zion saria eta aipamen berezia egin zion Xabier Letona zuzendariari, kazetari gazteekin izandako konfiantzagatik.
Kazetari Berria: Alex Gurrutxaga
Joxe Rojas epaimahai kideak eman zion saria Alex Gurrutxagari, Berria egunkarian egindako literatur kritikengatik. Lan hauetan egilearen kokapena estimatu zuen “errespetuzkoa da irakurleekiko, ez da hauen gainetik jartzen. Idazleekiko enpatia erakusten du eta iritzi mailan dabilela argi utziz beti”. Gurrutxagak saria eskutan gogoeta bat pausatu zuen: “Politikariek diote herria babesten dutela. Herria lehenbizi buruan eraiki behar da, kontzientziatik. Eta hori kulturatik egiten da, adibidez, kazetaritzatik”.
Sari Berezia: Ainara Argoitia
Beatriz Zabalondo epaimahai kideak saria ematerakoan Argoitiak Barren aldizkarian argitaratutako 36ko gerra elgoibartarren ahotan artikulua nabarmendu zuen, “memoria eta bakea eraikitzeko garaiotan kontuan hartzeko lana” delakoan, “azpimarratzen baitu gertakari historikoen atzean pertsonak daudela beti”. Argoitiak Barrengo kideak eta Berriakoak eskertu zituen, bertan egindako urteak oroituz.
Sari Nagusia: Berriak Olinpiar Jokoei egindako jarraipena
Allande Boutin epaimahai kideak azpimarratu zuen kirolaren ikuspegi oso eta zabala eman zuela Berriak, nola paperean hala Interneten: Testuinguru soziala, herrialdeetako egoerak eta ezkutuko errealitateak agerraraziz, Hego eta Ipar Euskal Herriko jokalariak orekatuz eta emakumeen kirolari eta nagusi ez diren kirolei dagokien lekua emanaz. Lara Madinabeitiak, Allande Arnaiz eta Imanol Magrok jaso zuten saria kirol sailaren izenean eta Magrok Berria eskertu zuen “krisi garaiotan handira jo zuelako hordago”. Sari ekonomikoa Berria Lagunei emango dietela jakinarazi zuen.
Kazetarien Babeserako Batzordeak adierazi du 103 kazetari hil dituztela sionistek urriaren 7tik eta 150etik gora zenbatu ditu Gazako Osasun ministerioak. Txosten batek ohartarazi du kasu batzuetan nahita hil zituztela, kazetariak zirela jakinda.
Erruduntzat joko du bere burua Euskal Herrian gauerdia denean egingo den epaiketan. Erresuma Batuan espetxean egon den denborako –bost urte eta bi hilabete– espetxe zigorra ezarriko diote. Horrela, aske geratuko da.
Palestinar errefuxiatuei laguntzeko UNRW agentziako kideak dira hildakoak. NBEko langileen heriotza tasa altuena dela jakinarazi du agentziak. Israelek momentu oro jakin du non zeuden laguntzaile humanitarioak, eta “berariaz” egin die eraso, salatu duenez. 122... [+]
Errusiako epaileek leporatzen diote, besteak beste, Armata errusiar tanke modernoenaren ekoizlea den Uralvagonzavod enpresako dokumentu klasifikatuak gainean zeramatzala harrapatu zutela. 20 urteko zigorra jaso dezake. Baina benetako espioia ote zen? Zoritxarrez, ezetz esango... [+]
Tren geltoki bateko nasa, bi lagun eta besarkada bat. Besarkada hori izoztuta geratuko da hurrengoan elkartu arte. Ni etxera itzuliko naiz, bera hor geratuko da. Han geratuko da aske izanda ere injustiziak harrapatu nahi gaituelako sentimendu mingarria ere. Jesús... [+]
Sare sozial horretako hainbat erabiltzaileri zozketa bat irabazi dutela dioen mezua bidali diete kontu faltsutik, euskara txukunean idatzita. Mezua jasoz gero, ez klikatu esteka eta ez eman datu korronteari buruzko daturik, iruzur bat da eta. Euskalerria Irratiak kontu hori... [+]
Hemen eman ahal zaio atxikimendua manifestuari. Agerraldi herritarra egingo da ekainaren 21ean, 19:30ean Amurrioko Udaletxearen aurrean.
Ekainaren 19an, 20an eta 21ean greba dago deituta El Diario Vasco-ko langileen artean, hitzarmen kolektiboa eguneratzeko aurrerapausorik ez delako eman. Gainera, maiatzaren 30az geroztik sinadura greba egiten ari dira kazetariak: “Hori ezkutatzeko enpresak lehentasuna... [+]
Aiara eskualdeko euskarazko komunikabide bakarra da Aiaraldea, eta Amurrioko Udalarekin 2012. urtetik izenpetua eta indarrean zuten euskara sustatzeko hitzarmena "alde bakarrez" eta "inolako jakinarazpenik eman gabe" eten du udalak. Erabakia "oso... [+]
Ehunka herritarrek hartu dute parte Aldatu Gidoiak deitutako manifestazioarekin, larunbat arratsaldean. Kulturan eta ikus-entzunezkoetan euskararen aldeko politikak eta bitartekoak exijitu dituzte. Kulturako eta euskalgintza hainbat kidek hartu dute hitza amaierako ekitaldian.