Mondragon Korporazioa ez da Bankia
Bankiaren “lehentasunezko” akzioen aurrean, txoko honetan duela hilabete batzuk esaten genuen Mondragon Korporazioak argitu behar zuela hainbat bankuk komertzializatutako Eroski eta Fagorren “menpeko ekarpenen” egoera. Oraingoz, Korporazioak erabateko isiltasuna mantentzen du. 2002 eta 2007 urte artean 40.000 lagunek egindako ekarpen horiekin 800 milioi euro ingresatu zituen bere kutxan. Urte hauetan guztietan interes gozoak izan dituzte milaka pertsonek (%5 eta %7 artekoak) ekarpen horien bidez. Hilabete batzuetatik hona, ordea, ekarpen horiek egin zituztenek beren balio nominala %60 murriztu dela ikusi dute, Balore Merkatuaren Batzorde Nazionalaren aginduz. Bankiak eta beste hainbatek komertzializatutako “lehentasunezko” akzioen kasua ikusita, badago bere aurrezkiak pixkanaka galduko dituela uste duenik. Halakorik ez zuten aurreikusi ekarpenak egin zituztenek, Eroski eta Fagorrek kiebra jo ezean behintzat, eta hori pentsaezina zen Korporazioak duen indarra jakinda.
Kontua auzitegietan eta Eusko Legebiltzarrean dago. Mondragon Korporazioak irtenbide bat lortzeko apustua egin beharko luke serioski. Bere onerako, eta baita Eroski, Fagor, eta Korporazioarengan sinetsi eta aurrezkien bidez hura finantzatu zuten guztien hobe beharrez ere. Ekarpen milioidun horiek gabe Eroskik eta Fagorrek ezin izango lukete biziraun. Ez dirudi auzitara jotzea soluzio onena denik aurreztaileen arazoa konpontzeko. Mondragon Korporazioak, Eroskik, Fagorrek, ekarpenak merkaturatu zituzten erakundeek eta aurreztaileek beraiek, adostasuna bilatu behar lukete. Hasierako balio nominala bermatuko lukeen adostasuna, esaterako, bi eta bost urte arteko arrazoizko epe batean aurrezkiak itzultzea.
Mondragon Korporazioa ez da Bankia. Bere barruan ez da izan eta ez dago lapurrik edo iruzurgilerik. Orain aukera dauka hori erakusteko, bera bezala, badaudelako kapitalista ez den “negozioa egiteko beste modu baten” alde egiten dutenak.
.jpg)
Espainiako Estatistika Institutuak erreferentziazko indize berria argitaratu du urtarrilaren 2an. Horren arabera, alokairuen prezioak gehienez %2,2 garestitu ahalko dira urtean. Indize hau 2023ko maiatzaren 25ean indarrean sartu zen Etxebizitza Legearen ondorio da, eta data... [+]
Urte berriaren hasierarekin, hainbat zerbitzu eta produkturen prezioetan igoerak izango dira. Elikagaietan, energia fakturetan, udal-zergetan eta etxebizitza gastuetan garestitze nabariak atzemango dira.
Iazko Gabonetan, hamabi ordurainoko itxaronaldiak izan ziren. Urtean 180 egunetan ezartzen ditu nolabaiteko murrizketak Osakidetzak.
Garraio publikoaren prezioa handitzea eta deskontuak kentzea “onartezina” dela kritikatu dute dozenaka pertsonak, Jauzi Ekosozialak eta Euskal Herriko Eskubide Sozialen Kartak deituta. Langile klasearentzako “zama gehigarri bat” izango litzatekeela eta... [+]
Duin bizi ahal izateko prestazio ekonomikoa jasotzen dutenak lupapean ditu, berriro ere, Eusko Jaurlaritzak: postontzia jarri du martxan, herritarrek modu anonimoan “jardun irregularren edozein susmo” jakinarazi dezaten, eta Lanbideko Kontrol Unitatea indartu du,... [+]
Alfonso Setiey Anitzak elkarteko lehendakariak esan du langile eta informazio falta dagoela, itxaron zerrenda “luzea” dela eta estigmatizazio “handia” dagoela.
Valentziako Generalitateko presidentearen aurka salaketa jarri du CGT sindikatuak, heriotzak saihesteko neurriak hartu ez izana leporatuta. Hogei bat eragile sozial eta sindikalek berriz, haren dimisioa eskatzeko manifestazioa antolatu dute hiriburuan, datorren larunbaterako.
Amurrioko anbulatorioko Etengabeko Arreta Gunean ez zen medikurik egon joan den igandean, Aiaraldeak informatu duenez. Hain justu, hainbat bizilagunek sinadura bilketa abiatu dute eskualdean: “Erabat normalizatu da Laudioko zein Amurrioko Etengabeko Arreta Guneetan mediku... [+]
Iberdrolak 5.472 milioi euroko etekinak izan ditu aurten irailera arte, eta bere aurreikuspenen arabera 2024an errekor berria jarriko du irabazietan: iaz baino %14 gehiago. Repsolek uztailerako 1.626 milioi euro zeuzkan poltsikoan, eta 2023an irabazitako 3.168 milioiak aurten... [+]
Gazteei PFEZa murriztea edota zenbait kasutan deuseztatzea proposatu du Portugalgo Gobernuak, baina momentuz hizpidea baino ez du ipini, ez baitago argi aurrekontuak onartu ahalko dituen, gobernua osatzen duten alderdiek ez baitute-eta gehiengo parlamentariorik. Espainiako... [+]
2023ko urtarriletik indarrean da oinarrizko elikagaiei –duela hiru hilabetetik, oliba olioa talde horretan dago– BEZik ez aplikatzeko neurria.
Europar Batasuneko Justizia Auzitegiak Apple eta Irlanda kasua ebatzi, eta Googleren aurkako zigorra berretsi du, nagusitasunezko posizioaz abusatzeagatik.
Aparteko ordu boluntarioekin betetzen ari dira medikurik gabeko zerbitzuak Elizondon. Xabi Zarandona medikuak salatu du ezinezkoa dela gaixoen jarraikortasuna bermatzea.
Kalera atera dira salatzeko Bortziri eta Baztanen mediku eta pediatren falta, itxaron zerrenda amaigabeak eta hitzorduen atzeratzea jasaten ari direla, besteak beste. “Landa eremuan bizi garenok ere merezi dugu behar dugun bezala artatuak izatea”.
Etxebizitzen eta alokairuen prezioek mugarik gabe jarraitzen dute gorantz eta milioika lagun egoera oso prekarioan utzi ditu horrek: gazteek ezin dute emantzipatu, herritar asko euren auzotik ostikoka bota dituzte, eta beste askorentzat infraetxeak partekatzea da irtenbide... [+]