Festarako grina suspertzeko asmoz
Mandoilek:: Mandoilek
Elkar, 2013
Mandoilek taldeak proposatzen dizkigun doinuek eta hitzek indarra, festa, kolorea eta sentimendua aireratzen dute lau haizetara, eta mezu hori Euskal Herriko gazteen artean zabaltzen aritu dira zuzeneko emanaldietan. Musikaren alde argitsua erakusten saiatu dira, azken batean erritmo dantzagarrietan oinarritzen baitira, reggae, cumbia, rumba eta horrelako doinuak joz.
Amurrioko taldeak euren kantuetan euskara eta gaztelania tartekatzen dute eta abesti berean bi hizkuntzak jorratzearen aukera hori Mandoilek taldearen ezaugarrietako bat dela esan genezake. Abesti berean erritmo aldaketak ere ematen dira hainbat kantuetan.
Oholtza gainean pare bat urte daraman taldeak. Beste proiektu musikaletan ibiliak diren Igon Olaguenaga trikitilaria eta Asier Linares perkusio-jotzailea errepertorioa biribiltzen hasi ziren, eta geroago David Ferreño baxularia eta Andoni Vera gitarra-jotzailea sartu ziren, sortzen ari ziren kantuak sendotzeko asmoz. Arlo musikala finkaturik zutela, Unai Mendibil bertsolaria gonbidatu zuten kantuen hitzak sortzera eta melodiak kantatzera.
Oihuka diskoetxearen zigilupean kaleratu du Mandoilek taldeak izenburu bera daraman diskoa eta David Nanclares musikariaren ekoizpen artistikoaren laguntzaz grabatu dute.
Diskoak dituen 9 kantuetan zenbait gai jorratzen dira, hala nola, egungo egoera edota noizbait gertatutako egoera bat. Azken honen adibide dugu Corazón abestia. Euskal Herrian oihartzun handia izan zuen pasadizo bat ekartzen du gogora: emazteari ehizatzera Soria aldera zihoala esan, eta etxean eskopeta ahaztuta Kubara joan zen senarraren gertaeran edo hiri-legendan oinarritzen da, hain zuzen.
Abestirik ederrenetakoa Urrutitik kantu dugu. Naroa Gaintzaren ahotsaren tinbre goxoak kolorea eman dio eta bere ahotsa gizonezkoenekin ondo uztartua dago. Kantuaren erritmo eranskorrak eta zabaltzen den mezu baikorrak borobildu dute abestia.
Espuela amaierako kantuarekin –bukaera emateko apropos utzia ote?– azkeneko tragoarekin beti liatzen den parrandazaleari omenalditxoa egin diote.
Denbora-pasa moduan sortu zen taldeak lehenengo zuzenekoa 2012ko maiatzean eman zuen eta Euskal Herrian eta Katalunia aldean emandako 40 bat kontzerturekin amaitu zuten urtea.
Uda honetan, plazak gainezka egoten zireneko garaiak joanak direla jakinda ere, festarako grina suspertzeko asmoz arituko dira zuzeneko emanaldietan, betiko erritmo dantzagarrietan oinarritutako nahaste erakargarriari eutsiz.
Aurten, ekainaren 16an Amurrion ospatuko den Araba Euskaraz-eko kanta egiteko enkargua jaso du taldeak. Hala, beraien estiloari leialki jarraituz, Mihian kili-kili, euskaraz ibili sortu dute Igon Olaguenagak eta Unai Mendibilek. Abestia eta bideo klipa ikusgai ditugu www.arabaeuskaraz.net helbidean.
Ardatzean haur filosofia izango duen Galdera Basatiak podcastak, ez alferrik, haur filosofia tailerretan barneratzeko asmoa du. Horixe hitzeman digu Iñigo Martinezek lehen atal honetan. Podcastaren zimenduak ezarri dizkigu, markoa marraztu, eta, batik bat, haurtzaroaz... [+]
Guardian Llodio fabrikako behargin gehienek epaitegira jotzeko bidea bertan behera utzi ondoren, multinazionalak lortu du nahi zuena: enpresa errentagarri bat ixtea erabateko inpunitatearekin. Ez da egun batetik bestera sortutako estrategia, eta bide luzea izan arren, erabat... [+]
Testu hau balorazio bilera baten ondorio dela esan genezakeen agian. Ordea, balorazio bilerek sarritan uzten dute aho zapore lehor eta gazi-gozoa. Astearte arratsalde eguzkitsu bat da. 16:53. Balorazio bilerara konektatu, eta erabaki dugu limoizko karamelu bana sartzea... [+]
Aurtengo Lokizaldeako Euskararen Eguna Murieta herrian ospatu dute, larunbatean, goizean hasi eta ordu txikiak handitu arte. Zita garrantzitsua eta gozagarria da Nafarroako Lizarra ondoko eskualdeko euskaltzaleentzako.
Komunitateari buruzko artikulu segida honekin hasi nintzenean, Antoine eta Antoine zeuden etxean, gazta-ganbara hutsik zegoen, hiltegirako bueltak asterokoak ziren eta hiru egunetik behin egiten genuen gazta. Hau idazten hasi naizenerako, Picardieko lagunak jaioterrira joan... [+]
Sugea entzun eta leku lehor bat etorriko zaio burura askori, narrastiek beroa behar dutela ondo barneratua baitu gizakiak. Suge guztiak ez dira berdinak, ordea; denek ez dituzte baldintza berak gustuko, eta horri esker dago, besteak beste, dagoen dibertsitatea. Bakoitzak bere... [+]
Nekazariarentzat baratzea eragozpena besterik ez da. Egungo makina bat nekazari “aurreratuk” horrela pentsatzen du. Bere lanean ez dute baratzerik behar, ezta oilategirik, ezta sagarrondorik, ezta erlauntzarik ere.
Gasteizko Basaldea etxaldean dago kokatuta Soilik nekazaritza birsortzaileko proiektua, Abetxuko auzoan, eta Jaime Garcia, Joseba Vigalondo eta Javier Chaves dira bultzatzaileak. “Lehen sektorean, eredu agroekologikoan inkorporazio berriak bultzatzea da gure helburua,... [+]
Argentinako Abokatuen Gremioa erakundean egiten du lan Laura Taffetanik (Buenos Aires, Argentina, 1963). Gobernuaren errepresioa pairatu duten maputxe ugarirekin lan egin du azken urteetan, eta Askapena antolakundeak antolatutako topaketa antiinperialisten barnean izan da Euskal... [+]
Iragarrita zegoen moduan, Bilboko Errekalde auzoko Etxarri II gaztetxea hustu du Ertzaintzak 9.00etan abiarazi duen operazioarekin. Arratsaldean protesta manifestazioa egingo dute auzoan, 19:00etan Amezolako tren geltokitik abiatuta.
Ezbeharra ostegunean gertatu da eta SOS Nafarroak 16:00 orduak jotzear zirela jaso du haren berri. Medikua, anbulantzia et Foruzaingoa bertarako dira, baina ezin izan dute gizona suspertu eta bertan hil da.
Aurtengo berritasuna da. Ahobizi eta belarriprest rolen artean aukeratzeaz gain, herritarrek Euskaraldia Hikan parte hartzeko aukera izango dute. Hitanoa erabiltzen ez den herrietan, toka eta noka, bien erabilera bultzatuko da, eta hitanoa bizirik dagoen herrietan nokaren... [+]