Doinua: Mutil koxkor bat.

Urte askoan gurea izan da
abundantzien bailara
zenbat familia joan ote da
orain langabeziara?
Mahaian dago eztabaidagai
zer ginen eta zer gara
alfer alferrik izango dira
hemen ERE eta Hara!
Mentalitate aldaketa bat
ematen ez baldin bada!


Gallardo jaunak esan zuenez
hemen nahi zuen arriska
baina bidean galdu du nonbait
zeukan duintasun pixka
niki laranjak jada bihurtu
dira langile gorriz ta…
nahiz ta kexatzen garenoi deitu
ohi diguten terrorista
hemen hiltzaile bakarra dago:
Sistema kapitalista!


Eta sistemak beti bezala
bere bidea hartu du
batzuk lepoan duten korbataz
itotzea nahi gaitu gu.
Saia gaitezen antolaketan
eskuz esku buruz buru
eredu berri justuen bila
bizitza duinak helburu
gugatik inork ez du egingo
geuk egiten ez badugu!