Egungo taldeen artean ere gutxi dira entzulearen lepora haginka egitera salto egin eta egiak aurpegira botatzen ausartzen direnak. Ez, ez dira jada 1980ko hamarkadako garai gris haiek, baina gaur egun koloreak gehitu badira ere, horien azpian bidegabekeriak eta miseriak are eta latzagoak dira.
Rat-Zinger taldea 2011n sortu zen Anarko, Sucio Sistema, Pilt, Zer Bizio! eta beste talde batzuetan ibilitako jendilajeak osatuta, guztiak kalean asko ikasiak. Luzaroan pilatutako amorru eta ezintasuna bota nahi zuten, oka egin; horretarako, ‘Cartas al Vaticano’ (Mauka, 2011) lana kaleratu zuten. Boltaje handiko punk-rock-and-roll kantuak idatzi zituzten, azkarrak, oldarkorrak eta gitarreroak, Motörheadetik hurbil. Eta eskola zaharreko punk-hardcorea eta hardcore metaleroa ere landu zituzten. 14 kantu gordin atera zituzten, amorru eta sarkasmoz josiak, jugularrera zuzen-zuzen doazenak. Oso argi zuten Ratzinger akatu nahi zutela, “gurutzadetako sarraskiengatik, elizetako kanpaien soinuagatik”; eta Podriren ahots erasokorrak azaldu zigun “Izua erein nahi dut, amodiozko kantuak desagerrarazi”, rockaren idolo guztiei eraso egiteaz gain.
Rat-Zingerreko kideek badakite ez dutela luze iraungo, eta ez dute ezer galtzeko; hala, herritar zanpatuen ahotsaz gain, junkie, puta eta sasilapurrena ere jaso nahi dute. Musika taldeak eta oro har jendea politikoki zuzena den honetan, 2012ko abenduan bigarren okaka luzea heldu zen, Crónicas de la destrucción (Mauka, 2012). Bilbotarren eskaintza ez da batere findu, alderantziz. Egia da taldeak ez duela bolbora asmatu, baina ziur behin baino gehiagotan erabili duela eta sarri munizio eskasian egongo zela.
Honako diskoa are eta gordinagoa da eta, zalantzarik balego, Ander Sarabia artistak diskoaren azalerako egindako marrazkiak hala erakusten du; Jesukristo bera heroina gaindosia hartzen, alajaina. Musikari dagokionez, Motörhead-en pareko punk-rock gitarrero eta bortitza egiten jarraitzen dute, nahiz eta abesti kaletarrenetan Quemando Ruedas eta Señor No inspiratuenak oroitarazi, eta erritmo biziko hardcoreari heltzen diotenean –bonbo bikoitz eta guzti– hastapenetako Soziedad Alkoholika gogora ekarri eta gainditzen dute.
ARGIAko erredakzioak aurtengo zortzi hilabeteotan kaleratu diren diskoen artean hiru hautatu ditu, gomendatzeko.
Harritu nau –zentzu onean– proiektu berri honek. Adiera edo zentzu asko ditu hitzak eta Bergaran Aitor Aldanondok harri baten inguruan sortutako honek baditu hainbat. Urteetan hartutakoa –bizitakoa– nolabait atera nahi izan du lan honetan.
Ibilbide... [+]
Eñaut Elorrietaren inguruko dokumental bat egin zutela-eta, Tabakalerara gonbidatu ninduten orain bizpahiru aste. Gustuz hartu nuen lagunarteko estreinaldirako gonbita, baina zinema aretora hurbiltzean jende asko hasi nintzen topatzen; hor Paul eta Itziar, hor Sarri, hor... [+]
Batzuetan elementu asko elkartu behar dira aurreikusi ez duzun emaitza bat ateratzeko. Hori gertatu da nolabait Gernika eta Bermeo artean sortutako Feline taldearekin. Primeros Auxilios punk taldeko Iñaki Baini-k etxean elektronikarekin jolasteari ekin eta maketa batzuk... [+]
"Hemen, errebelazio bat bezala, espazioa eta denbora argiago ikusten dira". Miren Narbaiza bueltan da berriz, eta eskerrak. Eszenak eman duen kantugilerik berezienetako bat da Narbaiza. Kanta berriak nola gobernatzen dituen ikustea besterik ez dago.
Zeren, sortzaile... [+]
Asko poztu nintzen Artza anaiek diskoetxe berria abiaraztearekin bat Barrakos-en maketa –non erosiko nuen, Boga tabernan?– berreskuratu eta biniloan ateratzeko asmoa zutela jakitean. Izan ere, aipatutako maketa –1990koa– gure musika historian oharkabean... [+]
Ez dago beste biderik, gustuko ez duzuna aldatu eta beste zerbait sortzeko apurtu egin behar da: apurtu eta zerotik hasi. Hori izan zen punkaren oinarria; eta horixe bera da Leire Led Infiernok (ahotsa) eta Txerra Bolinagak (bateria) erabaki zutena Piztupunk taldea zena nahita... [+]
Interneten musika entzuten duzunetakoa bazara, ia seguru ezagutzen duzula Kokoroko. Agian uste duzu ezetz, baina hartu segundo bat eta bilatu Abusey Junction. Oscar Jeromeren gitarra riff malenkoniatsua ezaguna egin da Spotify eta YouTube gisako plataformetako algoritmoaren... [+]
Neomak taldeak tradizioaren perkusioa dakar, molde elektroniko zainduarekin. Arrasateko Leire Etxezarreta, Amets Ormaetxea eta Irati Gutierrez, Asteasuko Garazi Otaegi, Zarauzko Eneritz Aulesti, Zizurkilgo Maria Lasa eta Debako Alaitz Eskudero dira zazpi kideak. Denak dira... [+]
1988an, Euskal Herrian gazteria punkean eta RRVan buru-belarri murgilduta zegoen garaian, Bilbo eta Santurtzi artean La Secta taldea sortu zuten ozeanoz bestaldeko –antipodak barne– musikari so egiten zioten lau gazte ausartek; haietako bat zen La Herencia de los... [+]
Searching for sugar man bezalako istoriorik ez du emango Euskal Herriak. Gutxitu eta gutxietsiak, zer egingo diogu. Baina herri txiki –eta infernu handi– honek eman ditu hainbat mito, itzaletatik agertu eta itzaletara itzultzen direnak.
1980ko hamarkadan eduki... [+]
Arrasateko Perlata taldea ez da, bada, ia inorekin ezkontzekoa. Haien bide propioa egiten dihardute 2015etik, inguruan zer egiten den begiratuta bai, baina norabide eta erritmo propioan, eta ez lasaian, hain justu. Disko eta kilometro dezente daramate bizkarrean. Harritu nau,... [+]
Krisi pandemikoa ere izan da birsortzeko aukera berri bat, halaxe erakutsi du Usurbilgo Odolaren Mintzoa taldeak. Normaltasunari iseka egiten dion lana, su txikian ondu dute Hauskor Andoaingo Garate estudioetan. Kaki Arkarazoren laguntzarekin findu diren 8 kanta biltzen... [+]
Gutako edozein, gutako bakoitza isla bat gara ezinbestez, mehatxuz, aukeraz eta bestelako bizidun ugariz inguratutako itsaso erraldoian igeri egiten. Lan ederra daukagu gure flotazio-marra propioa kudeatzen, alboetatik etortzen zaizkigun olatu, uhin eta bestelakoen artean zer... [+]
Azkenean egin du. Azkenean, urtetako ibilbidearen ostean, Odei Barroso bertsolariak atera du bere bakarkako lehen lana. Tira, bertsolaria ez. Raplaria baita bertsolari izan aurretik. Baina bertsoaren jakintza ondo baliatuta dator, esatekoak zituenak errimaz esateko eta... [+]