Javi P3z disc-jockey, musikari, konpositore eta ekitaldi antolatzaileak, eta Alberto Bosch eta Oriol Flores musikariek jotzen dute Triz3ps taldean. Lan berri honetan, Paul San Martin (teklatua) eta Luis Camino (perkusioa) aritu dira haiekin.
Argitalpen mugatuko lana da EP, 10 hazbeteko binilozko disko batez eta CD batez osatua. Triz3pseko kideek sei kantu grabatu dituzte lan honetarako.
Diskoa ipini, eta lehen nota entzuten denetik jadanik ezin zara geldirik egon. Kantu gehienak biziak dira, energia handikoak. Funky eta soul doinu indartsuak dira –diskoari hasiera ematen dion Eüterpe kantua, esaterako–, lasaiagoak diren hainbat pasarte hunkigarriz tartekatuak –Bizitza maite kantua oso polita da–.
Doinuak ederrak dira, eta musikari guztien lana bikaina izan da. Kantuak oso ondo joak, kantatuak eta jantziak daude. Halaber, Kaki Arkarazok oso ekoizpen ona egin du Garate estudioan, oso soinu ona lortu baitu, ozena, berehala mugiarazten zaituena.
Aurkezpena ere azpimarratzeko modukoa da. Dotorea. Digipack gisakoa, 10 hazbeteko binilo batez eta CD batez osatua. Lierni Aldaberea arduratu da diseinuaz. Argazkiak, berriz, Flor Azketak egin ditu.
Kantuetako mezuak ganoradunak eta zentzudunak dira. Gogoeta egitera bultzatzen zaituzte. Denboraren iragaiteaz eta geroaz hitz egiten dute, izateaz, maitasunaz, gizateriaz, gizon-emakumeen gainean. Askatasuna eskatzen du Triz3psek, baina, azken batean, sentimenduen iraultza aldarrikatzen du eta bihotzaren taupadak nabarmentzen ditu.
Bizimodu aspergarri, petral eta zikin honetan, hobea baita alaitasunez, maitasunez eta itxaropenez aurrera egitea, jadanik pasatu diren garai onak etengabe oroitzen, edo bikotearekin izandako sufrimenduak eta minak gogoratzen, eta malkoetan itotzen egon baino gehiago.
Javi P3zek (ahotsa eta gitarra; En el Jardin, 23 Ojos de Pez, Parafünk, Novophonic, Instrümental, Camping Gaz, Javi P3z Orquesta eta beste hainbat egitasmotan aritua), Alberto Boschek (baxua eta ahotsak; Lau Behi, Parafünk, Hotel eta beste hainbat taldetan aritua) eta Oriol Floresek (bateria; Miqui Puig, Los Chets, Delicatessen eta beste zenbait taldetan aritua) 2011n osatu zuten Triz3ps power soul taldea, eta lehenengo diskoa (Triz3ps) aipatu urtean kaleratu zuten. Triz3ps izenak indarra iradokitzen du, baina haien lagun bloglari batek esaten duen bezala, «ez da gihar baten izena, sentimenduarena baizik». Sentimenduen indarra, alegia.
Lehen disko horrek aurrera begiratzen du, garai bateko aireetan oinarrituta (besteak beste, Curtis Mayfileld, Al Green eta Temptations), groove-funk-soul bidetik. Lehenengo diskoaren segida eta Triz3psek aurrera egindako beste urrats bat da EP lan berria.
Haize fresko pixka bat ekarri digu bere kantuekin, alaitasuna, emozioa, grina eta adorea, eguneroko bizimoduari irribarre batekin aurre egin ahal izateko.
ARGIAko erredakzioak aurtengo zortzi hilabeteotan kaleratu diren diskoen artean hiru hautatu ditu, gomendatzeko.
Harritu nau –zentzu onean– proiektu berri honek. Adiera edo zentzu asko ditu hitzak eta Bergaran Aitor Aldanondok harri baten inguruan sortutako honek baditu hainbat. Urteetan hartutakoa –bizitakoa– nolabait atera nahi izan du lan honetan.
Ibilbide... [+]
Eñaut Elorrietaren inguruko dokumental bat egin zutela-eta, Tabakalerara gonbidatu ninduten orain bizpahiru aste. Gustuz hartu nuen lagunarteko estreinaldirako gonbita, baina zinema aretora hurbiltzean jende asko hasi nintzen topatzen; hor Paul eta Itziar, hor Sarri, hor... [+]
Batzuetan elementu asko elkartu behar dira aurreikusi ez duzun emaitza bat ateratzeko. Hori gertatu da nolabait Gernika eta Bermeo artean sortutako Feline taldearekin. Primeros Auxilios punk taldeko Iñaki Baini-k etxean elektronikarekin jolasteari ekin eta maketa batzuk... [+]
"Hemen, errebelazio bat bezala, espazioa eta denbora argiago ikusten dira". Miren Narbaiza bueltan da berriz, eta eskerrak. Eszenak eman duen kantugilerik berezienetako bat da Narbaiza. Kanta berriak nola gobernatzen dituen ikustea besterik ez dago.
Zeren, sortzaile... [+]
Asko poztu nintzen Artza anaiek diskoetxe berria abiaraztearekin bat Barrakos-en maketa –non erosiko nuen, Boga tabernan?– berreskuratu eta biniloan ateratzeko asmoa zutela jakitean. Izan ere, aipatutako maketa –1990koa– gure musika historian oharkabean... [+]
Ez dago beste biderik, gustuko ez duzuna aldatu eta beste zerbait sortzeko apurtu egin behar da: apurtu eta zerotik hasi. Hori izan zen punkaren oinarria; eta horixe bera da Leire Led Infiernok (ahotsa) eta Txerra Bolinagak (bateria) erabaki zutena Piztupunk taldea zena nahita... [+]
Interneten musika entzuten duzunetakoa bazara, ia seguru ezagutzen duzula Kokoroko. Agian uste duzu ezetz, baina hartu segundo bat eta bilatu Abusey Junction. Oscar Jeromeren gitarra riff malenkoniatsua ezaguna egin da Spotify eta YouTube gisako plataformetako algoritmoaren... [+]
Neomak taldeak tradizioaren perkusioa dakar, molde elektroniko zainduarekin. Arrasateko Leire Etxezarreta, Amets Ormaetxea eta Irati Gutierrez, Asteasuko Garazi Otaegi, Zarauzko Eneritz Aulesti, Zizurkilgo Maria Lasa eta Debako Alaitz Eskudero dira zazpi kideak. Denak dira... [+]
1988an, Euskal Herrian gazteria punkean eta RRVan buru-belarri murgilduta zegoen garaian, Bilbo eta Santurtzi artean La Secta taldea sortu zuten ozeanoz bestaldeko –antipodak barne– musikari so egiten zioten lau gazte ausartek; haietako bat zen La Herencia de los... [+]
Searching for sugar man bezalako istoriorik ez du emango Euskal Herriak. Gutxitu eta gutxietsiak, zer egingo diogu. Baina herri txiki –eta infernu handi– honek eman ditu hainbat mito, itzaletatik agertu eta itzaletara itzultzen direnak.
1980ko hamarkadan eduki... [+]
Arrasateko Perlata taldea ez da, bada, ia inorekin ezkontzekoa. Haien bide propioa egiten dihardute 2015etik, inguruan zer egiten den begiratuta bai, baina norabide eta erritmo propioan, eta ez lasaian, hain justu. Disko eta kilometro dezente daramate bizkarrean. Harritu nau,... [+]
Krisi pandemikoa ere izan da birsortzeko aukera berri bat, halaxe erakutsi du Usurbilgo Odolaren Mintzoa taldeak. Normaltasunari iseka egiten dion lana, su txikian ondu dute Hauskor Andoaingo Garate estudioetan. Kaki Arkarazoren laguntzarekin findu diren 8 kanta biltzen... [+]
Gutako edozein, gutako bakoitza isla bat gara ezinbestez, mehatxuz, aukeraz eta bestelako bizidun ugariz inguratutako itsaso erraldoian igeri egiten. Lan ederra daukagu gure flotazio-marra propioa kudeatzen, alboetatik etortzen zaizkigun olatu, uhin eta bestelakoen artean zer... [+]
Azkenean egin du. Azkenean, urtetako ibilbidearen ostean, Odei Barroso bertsolariak atera du bere bakarkako lehen lana. Tira, bertsolaria ez. Raplaria baita bertsolari izan aurretik. Baina bertsoaren jakintza ondo baliatuta dator, esatekoak zituenak errimaz esateko eta... [+]