Grabazio argigarri bat eta Amedoren interesak
José Amedok Santi Brouarden heriotza argituko lukeen grabazioa aurkeztu du epaitegietan. Senideek ez diote sinesgarritasunik eman, interes ekonomikoak, eta ez justiziak, mugitzen dutelakoan.
Luis Morcillo enpresariak hil zuen 1984an Santi Brouard HBko mahaikidea. Hala onartzen du José Amedok aurkeztutako grabazio batzuetan. El Correo Español egunkariak aurreratu du albistea, eta bertan dioenez, Bilboko epaitegiak salaketa tramitera eraman du egunotan.
Vocento taldeak paperean plazaratutakoaren arabera, José Amedo polizia ohi eta GALeko kideak hiru grabazio aurkeztu dizkio epaileari. 2011koak dira, eta lehenengoan Morcillok zuzenean azaltzen du berak tirokatu zuela Brouard. Enpresariari hilketaz galdetzean, bularrean lau tiro eman zizkiola erantzuten du. Halaber, Julián Sancristóbal orduko Estatuko Segurtasun zuzendari orokorrari egotzi dio errua. Hasieratik hark antolatutako atentatua zela azpimarratzen du, eta hala dio: “Esan dezaket Brouard nik hil nuela eta Sancristobalek agindu zidala”.
Luis Morcillok publikoki ez du sekula onartu bera izan zenik hilketa burutu zuena. Aldiz, bera eta Rafael López Ocaña izan zirela ebatzi zuen epaileak 1990ean, eta 33 urteko kartzela zigorra ezarri zien. Hala ere, horietatik 12 egin zituen espetxean eta libre atera ziren. Amedo bera, oraingoan salaketa jarri duena, absolbitu egin zuten froga faltagatik.
López Ocañak 2005ean Espainiako Telecinco kateari egindako adierazpenetan bere burua eta Morcillorena seinalatzeaz gain, Sancristobalek ordaindu ziela esan zuen. Beraz, epaitegia aztertzen ari den grabazio berri hauek, ustez, haren testigantzarekin koherenteak dira.
Senideak minduta
Amedok ez du justizia bilatzen, eta bere onurarako soilik ari da, Edurne Brouardek Berriari eta EiTBri azaldu dienez. Familia minduta azaldu da 28 urtean aukera asko egon delako auzia argitzeko, eta ez du ulertzen orain halako aitorpenekin etorri izana. Edurne Brouardek Amedo aspaldi ezagutzen dutela azpimarratu du eta, haien ustez, beti bere interesen arabera aritu da. Grabazioak orain plazaratzeko arrazoiei dagokienez hainbat “hipotesi” dituzte buruan. Ezker Abertzaleko militantearen alabaren ustez, baliteke etekin ekonomikoen bila ibiltzea, edo PPren interesen mesedetan, foku mediatikoa haiengandik desbideratzeko asmoz.
Nahiz eta familiak dudarik ez duen Amedok esandakoan, ez diote sinesgarritasunik eman nahi. Ez dira haiek izango “bizia ematen diotenak” eta ez dute haren “erritmoan dantza egiteko asmorik”. Morcillok, Amedok eta Masak, besteak beste, Brouarden heriotzan parte hartze zuzena izan zutela badakitela diote senideek, baina jokoan ez erortzearren haiek ez direla mugituko. Epaileek auzia abiatzeko erabakia hartzen badute, akusazio gisa egongo direla aurreratu dute, “guztia azken muturreraino” eraman nahi dutelako.
Lehen itzulitik bigarrenera, auzapezgotzara jauzi egin zuen Ramuntxo Labat-Aramendi abertzalearen zerrendak. Erdiespena "xinaurri lanari esker" egin zela uste du Labat-Aramendik. Ahetzen zerrendak bozen %44,39 lortu zuen urtarrilaren 12an eginiko behin betiko bozketan... [+]
Modu horretan, euskara eta euskal kultura hiriaren bihotzera eraman duen proiektuari egonkortasuna eta sendotasuna emanen diote.
Ehundaka langile elkartu ostegunean Bilbon egin den giza katean “Lan baldintzak hobetu, hemen eta orain erabakita” lelopean.
52 urteko altsasuar bat hil da ostegunean Arbizun lan istripua izan ostean, Nafarroako Foruzaingoak jakinarazi duenez. Urtea hasi zenetik Euskal Herrian lan istripu batean hildako laugarren langilea da. Ezbeharra herriko erdigunean dagoen etxebizitza bat zaharberritzeko lanetan... [+]
.jpg)
Ikasturtea hasi denetik hirugarren greba eguna izan da ostegunekoa Nafarroako Hezkuntza Publikoan eta goizeko mobilizazioen ondoren, LAB, Steilas, ELA eta CCOO –protestaren deitzaileak– pozik agertu dira. Euri jasak eta hotzak lagundu ditu etengabe irakasleak... [+]
Urtarrilaren 30 honetan abian jarri du Israelek Jerusalem ekialderako UNRWA Palestinar Iheslarientzako Laguntza eta Lan Bulegoaren debekua. Urtarrilaren 15ean adosturiko su-etenari segi, bahituen eta presoen hirugarren trukea dute ostegun honetan.
Joaquin Beltran eta Alberto Sololuze gogoratzeko eta hondamendiaren erantzukizunak eskatzeko elkarretaratzea egingo dute igandean Zaldibarko Eitzaga auzoan. Luizia “enpresarien diru goseak” eragin zuela, eta Eusko Jaurlaritzak “ardura txikiena ere ez duela... [+]
EAEko Auzitegi Nagusiaren epaiak ez duela "zirrikiturik utzi" dio SOS Talaimendi plataformak, eta "oraindik merezi duten legezko zehapena jaso ez duten zenbait erabaki arbitrario eta ia delituzko" geratzen direla adierazi du. Besteak beste, Zarauzko Udalak... [+]
.jpg)
Osasun Publikoaren Aldeko Herri Plataformak (OPA) manifestazioak deitu ditu otsailaren 1erako. Mobilizatzeko deia egin dute osasunaren pribatizazioari aurre egiteko, lehen arreta indartzeko, osasun arloko langileen baldintzak hobetzeko, prekaritateari aurre egiteko eta kudeaketa... [+]
Genero-indarkeriaren biktima den emakume bat eta haren bost seme-alabak, horietatik hiru hemezortzi urte beherakoak, etxetik bota nahi izan dituzte ostegunean. Erabakia aurrera eramateko baldintzarik ez zegoela argudiatuta ez dute kaleratzea burutu, baina beste data bat... [+]
Eusko Jaurlaritzak isunak kendu dizkie ertzainei euskaraz hitz egiteagatik zigortuak izan ziren Donostiako herritarrei. Manex Ralla eta Amaia Abendaño dira herritar horiek, isunak kendu dizkietela baieztatu diote hedabide honi.
.jpg)
EITBko Euskara Batzordeak gaitzespena adierazi du azken hilabeteetan egindako zuzendaritza postuetarako hautaketa prozesuak direla eta. Salatu dutenez, euskarazko C1 maila ez duten hiru pertsona hautatu dituzte postu garrantzitsuetarako: EITB Mediaren zuzendaritzarako, Social... [+]
AHT Geldituk Nafarroako Abiadura Handiko Trenaren obretan lan esklabotza egoerak daudela salatzen duen lekukotza eskandalagarria jaso ondoren, obra horiek sustatzen dituen Adif sozietateak publikoki erantzun behar izan du: "Gezurra dira".
Ostegun honetako Udal Osoko Bilkuran eztabaidatu eta bozkatuko dira Amurrioko Udaleko 2025erako aurrekontuak eta, beste behin ere, Udal Gobernuak uko egin dio Aiaraldea Komunikabidearen hitzarmen eta dirulaguntza berrezartzeari.
