Nafarroan atzera goaz
Krisiaren aitzaki erraza erabiliz, euskaraz lan egiten dugun hedabide bakanon egunerokoa oztopatzeko eta gure animoa mikazteko hainbat erabaki politiko hartu ditu UPNren gobernuak azken urteotan. Gure diru laguntzak erabat desagerraraztea izan da oraingoz azkena. Euskarabidea-Instituto Navarro del Vascuenceren aurrekontuetan 2012tik aitzinera ez da gehiago diru laguntzarik izanen “Nafarroako hedabideetan euskararen erabilera sustatzeko”. Aurretik Topagunean biltzen garen hedabideok lau urte emanak genituen Euskarabidearekin harremanetan gaia onbideratzeko. Alferrik. Mahai gaineran jarritako proposamen eta argudio guztiek ez zuten deusetarako balio izan.
Baina UPNren gobernuak aipatzen duen krisiaren ondorioa ez da bera hedabide guztientzat. Iaz arte, gaztelaniaz ziharduten hiru telebista pribatuek (Canal 4, Canal 6 eta Popular Televisión) 3 milioi euro inguru jasotzen zuten hiruren artean. Gobernuko publizitate iragarkien eta bertzelako zerbitzu prestazioen bitartez jasotzen dutena kontatu gabe, aurten bertan, otsailaren 29an, Nafarroako Gobernuaren prentsa ohar batean jakinarazi zen Canal 6 eta Popular Televisión-i 2 milioi euro eman zaizkiela “lurraldeko ikus-entzunezko programazioa bermatzeko”. Hara, euskarazko komunikabideok sekula ez dugu “programazioa bermatzeko” diru laguntzarik izan. Dirua jaso dugun urteetan (240.000 euro urterik onenean 21 hedabideren artean banatzeko) “komunikabideetan euskararen erabilera sustatzeko” izan da, Euskararen Legeak hala aginduta, eta betiere erdarazko medioekin (Diario de Navarra, Diario de Noticias...) konpartituta. Kontzeptuen nondik norakoa hutsala dela iritziko dio norbaitek. Nik ez dut uste.
Uneotan euskarazko komunikabideok 50 lanpostu inguru ditugu sortuak, Navarra Televisión maiatzean sortu aitzinetik Canal 6 eta Popular Televisión-ek zuten adina lanpostu. Ez dakit kate bakarrean daudenetik lanpostu kopuruari eutsi ote dioten. Argi dagoena da gainerakook bai murriztu behar izan dugula, halabeharrez, lanpostu kopurua eta baita ekoizpena ere. Ttipi-Ttapa Telebista 2009an itzali zen, Xaloa Telebista enplegu-erregulazioko espedientearekin dago 2011z geroztik, Esan-Erran eta Beleixe irratiak ia erabat mututu dira aurten. Lanpostuak galtzen ari gara baina jakin badakigu gobernuaren aldetik bertze politika batekin, lanpostu horiek egonkortu eta handitzeko aukera izan badugula. Horretarako zera eskatzen dugu: diru laguntzak doitzea eta duintzea batetik eta publizitate instituzionala sartzea bestetik.
Bidali zure iritzi artikuluak iritzia@argia.eus helbide elektronikora
ARGIAk ez du zertan bat etorri artikuluen edukiarekin. Idatzien gehienezko luzera 4.500 karakterekoa da (espazioak barne). Idazkera aldetik gutxieneko zuzentasun bat beharrezkoa da: batetik, ARGIAk ezin du hartu zuzenketa sakona egiteko lanik; bestetik, egitekotan edukia nahi gabe aldatzeko arriskua dago. ARGIAk azaleko zuzenketak edo moldaketak egingo dizkie artikuluei, behar izanez gero.
Bagira prozesuaren emaitza, Herri bidea bide-orria izan zen. Bide-orri honetan, abertzaleen helburua herriari boterea itzultzea dela aipatzen da, eta boterea itzultzeko, herriari burujabetza maila maximoa emanen dioten instituzioak herriari eskaintzea adierazten da. Zehazten da... [+]
Hizpidea jarri zuen Pello Salaburuk sare sozialetan, aipatuta hemendik hamabost urtera etorkinen pisua Bizkaian biderkatu egingo zela, biztanle guztien %22 izateraino, eta hori badela “zinez euskararen mehatxua”. Jakina, horrela botata, beste zehaztasunik gabe, azkar... [+]
Laugarrenez altxatu da eguzkia Baionako besten eremu setiatuan eta uste dut, septentrioko Euskal Herri honetan, hatsa hobekiago hartzen dugula, batez ere gure hiru diputatuak Fronte Herritar Berrikoak direlako eta olde beltz-kakia hirugarren postura zokoratu dugulako. Bi gauza,... [+]
Joseba Diez Antxustegi EAJk Eusko Legebiltzarrean duen bozeramaile berriaren iritziz, Imanol Pradales lehendakariak "esperientzia handiko emakumez eta gizonez osatutako gobernua osatu du, sektore profesionaletan errespetatuak eta Euskadirekin konpromisoa hartu... [+]
Pedrosa andere agurgarria:
Zorionak, Hezkuntza sailburu izendatu zaituztelako. Ez da ardura berria zure gainean izango duzuna aurrerantzean. Ederto ezagutu behar duzu Hezkuntza Saila, lau urte sailburuorde eman ostean. Ikasturtea bukatuta, kontu batzuk gogoratu nahi nizkizuke... [+]
Joe Bidenen narriadura kognitiboaren eztabaidak bi urte inguru ditu. Batzuetan portaera bitxia zuen, beste batzuetan ez zitzaion ondo ulertzen edo egiak ez ziren gauzak esaten zituen, semea Iraken hil zitzaiola, adibidez. Halere, establishment liberalak bere egoera kognitiboari... [+]
Ilarei buruzko artikulu bat irakurri nuen duela bizpahiru egun, Guillem Martinezena, eta ez dakit ondo ulertu nuen. Kontatzen zuen etxe azpian ezer berezirik ez zuen izozki denda bat daukala, eta azken aldian ireki orduko izaten duela jendea, bata bestearen atzean ordenatuta,... [+]
Ez dut oso argi gure bizitzak gidatzeko, banaka, botere nahikoa dugun, baina saiatzen jarraitu behar dugula bai. Taldean gauza asko egin badaitezke ere, egunero gure buruarekin borroka bakartia dugu aurrera egiteko. Gizaki gehienok, bizitzea den norabide bakarreko ur... [+]