Reggaea, rapa, eta gozatzera!
EGILEA ::diskoa
Bonberenea ekintzak, 2012
iraupena ::2´19´´
prezioa ::8€
Doinuak eta erritmoak ederki lotzen dituzte, gehiegizko apaindurarik gabe eta soberan egon litezkeen xehetasunetan galdu gabe. Taldekideen etorria handia baita. Emanaldietan eroso aritzen dira, umorez, eta kantuak jotzen ederki pasatzen ari direla transmititzen dute. Gozatzera ateratzen direla nabarmena da.
CD eta LP euskarrietan kaleratu dute beren lehen disko luzea. Zazpi abestiz osaturik dago. Reggaea eta rapa nagusi dira kantuetan, eta dancehall, raggamuffin eta roots ukituak ere suma daitezke. «Azal zuridun beltzak» baitira Glaukomako partaideak, haien hitzetan: «Reggaea da erregina eta rapa erregea». Besteak beste, Damian Marley, Alborosie eta Bad Sound System taldeak atsegin dituzte, Glaukomakoek beraiek aitortuta.
Euskaraz, ingelesez eta gazteleraz mintzatzen dira kantuetan. Hiru hizkuntzak erraz nahasten dituzte hitzetan eta errimetan, naturaltasunez. Aldarria transmititzen dute kantu batzuetan, eta beste batzuetan haien barrura begiratu eta kezketan, sentipenetan eta emozioetan murgiltzen dira. «Zerbait baliagarria» esaten saiatzen dira, «txorakeriarik» esan gabe. Tradizioak, sexuen arteko desberdintasunak, marihuana, komunikabideak eta beste hainbat gairen inguruan mintzo dira.
Tolosan (Gipuzkoa) sortu eta garatzen ari den taldea da Glaukoma. 2010eko maiatzaren 15ean egin zuten beren lehen jendaurreko saioa, Tolosako Otsabi elkartean. Vol.1 diskoa kaleratu aurretik, hainbat jendaurreko emanaldi egin dituzte, eta baita grabazio batzuk ere: Tolosako Izaskun auzoko festetako abestia, eta Sputnik 11 bildumako bi kantu.
Tolosakoak, Donostiakoak eta Irungoak dira Glaukoma taldeko kideak. Gazteak, hogeita gutxi urte besterik ez baitituzte. Pablo Rubio (bateria) irundarra da, Jokin Albisua eta Iker Pando gitarra jotzaileak donostiarrak dira, eta Asier Arandia (baxua) eta Juantxo Arakama (ahotsa) tolosarrak.
Bi gitarra, baxu bat, bateria bat eta ahotsa besterik ez dute behar kantuak ederki jotzeko, nahiz eta hainbat saiotan Ibarrako (Gipuzkoa) lagun bat, Jon Altuna (Lain, Dolce & Tangana) haiekin aritzen den teklatuak jotzen. Jon Altuna bera diskoaren grabazioan aritu da, eta Glaukomakoen beste hainbat lagun ere bai: Roman Goenaga (ahotsa), Aitzol Moreno (tronboia), Ander Altuna (tronpeta), Xabier Beldarrain (perkusioa), Miguel Telleria (ahotsa), Xabier Garcia (txilibitua) eta Stepi Selektah (Not paradise kantuaren musika konposatzen lagundu die).
Karlos Osinaga arduratu da grabazioaz, nahasketez eta masterizazioaz, eta oso lan txukuna egin du, kantuak garbi, ozen eta gozo-gozo entzuten baitira.
Harritu nau –zentzu onean– proiektu berri honek. Adiera edo zentzu asko ditu hitzak eta Bergaran Aitor Aldanondok harri baten inguruan sortutako honek baditu hainbat. Urteetan hartutakoa –bizitakoa– nolabait atera nahi izan du lan honetan.
Ibilbide... [+]
Eñaut Elorrietaren inguruko dokumental bat egin zutela-eta, Tabakalerara gonbidatu ninduten orain bizpahiru aste. Gustuz hartu nuen lagunarteko estreinaldirako gonbita, baina zinema aretora hurbiltzean jende asko hasi nintzen topatzen; hor Paul eta Itziar, hor Sarri, hor... [+]
Batzuetan elementu asko elkartu behar dira aurreikusi ez duzun emaitza bat ateratzeko. Hori gertatu da nolabait Gernika eta Bermeo artean sortutako Feline taldearekin. Primeros Auxilios punk taldeko Iñaki Baini-k etxean elektronikarekin jolasteari ekin eta maketa batzuk... [+]
"Hemen, errebelazio bat bezala, espazioa eta denbora argiago ikusten dira". Miren Narbaiza bueltan da berriz, eta eskerrak. Eszenak eman duen kantugilerik berezienetako bat da Narbaiza. Kanta berriak nola gobernatzen dituen ikustea besterik ez dago.
Zeren, sortzaile... [+]
Asko poztu nintzen Artza anaiek diskoetxe berria abiaraztearekin bat Barrakos-en maketa –non erosiko nuen, Boga tabernan?– berreskuratu eta biniloan ateratzeko asmoa zutela jakitean. Izan ere, aipatutako maketa –1990koa– gure musika historian oharkabean... [+]
Ez dago beste biderik, gustuko ez duzuna aldatu eta beste zerbait sortzeko apurtu egin behar da: apurtu eta zerotik hasi. Hori izan zen punkaren oinarria; eta horixe bera da Leire Led Infiernok (ahotsa) eta Txerra Bolinagak (bateria) erabaki zutena Piztupunk taldea zena nahita... [+]
Interneten musika entzuten duzunetakoa bazara, ia seguru ezagutzen duzula Kokoroko. Agian uste duzu ezetz, baina hartu segundo bat eta bilatu Abusey Junction. Oscar Jeromeren gitarra riff malenkoniatsua ezaguna egin da Spotify eta YouTube gisako plataformetako algoritmoaren... [+]
Neomak taldeak tradizioaren perkusioa dakar, molde elektroniko zainduarekin. Arrasateko Leire Etxezarreta, Amets Ormaetxea eta Irati Gutierrez, Asteasuko Garazi Otaegi, Zarauzko Eneritz Aulesti, Zizurkilgo Maria Lasa eta Debako Alaitz Eskudero dira zazpi kideak. Denak dira... [+]
1988an, Euskal Herrian gazteria punkean eta RRVan buru-belarri murgilduta zegoen garaian, Bilbo eta Santurtzi artean La Secta taldea sortu zuten ozeanoz bestaldeko –antipodak barne– musikari so egiten zioten lau gazte ausartek; haietako bat zen La Herencia de los... [+]
Searching for sugar man bezalako istoriorik ez du emango Euskal Herriak. Gutxitu eta gutxietsiak, zer egingo diogu. Baina herri txiki –eta infernu handi– honek eman ditu hainbat mito, itzaletatik agertu eta itzaletara itzultzen direnak.
1980ko hamarkadan eduki... [+]
Arrasateko Perlata taldea ez da, bada, ia inorekin ezkontzekoa. Haien bide propioa egiten dihardute 2015etik, inguruan zer egiten den begiratuta bai, baina norabide eta erritmo propioan, eta ez lasaian, hain justu. Disko eta kilometro dezente daramate bizkarrean. Harritu nau,... [+]
Krisi pandemikoa ere izan da birsortzeko aukera berri bat, halaxe erakutsi du Usurbilgo Odolaren Mintzoa taldeak. Normaltasunari iseka egiten dion lana, su txikian ondu dute Hauskor Andoaingo Garate estudioetan. Kaki Arkarazoren laguntzarekin findu diren 8 kanta biltzen... [+]
Gutako edozein, gutako bakoitza isla bat gara ezinbestez, mehatxuz, aukeraz eta bestelako bizidun ugariz inguratutako itsaso erraldoian igeri egiten. Lan ederra daukagu gure flotazio-marra propioa kudeatzen, alboetatik etortzen zaizkigun olatu, uhin eta bestelakoen artean zer... [+]
Azkenean egin du. Azkenean, urtetako ibilbidearen ostean, Odei Barroso bertsolariak atera du bere bakarkako lehen lana. Tira, bertsolaria ez. Raplaria baita bertsolari izan aurretik. Baina bertsoaren jakintza ondo baliatuta dator, esatekoak zituenak errimaz esateko eta... [+]
Trantzerako musika ekarri du Lapurditik Mäirük. Musika elektronikoak eta tribalak, edo tradiziozkoak, errepikapena dute oinarri. Ez duzu kanta ezagutu behar dantzan hasteko. Bigarren bueltatik aurrera norberak badaki zer egin behar duen.
Lau urteko bilaketa egin du... [+]