Edertasunaren bila
Dardarti dabil kalezuloko farola, La Merced ikastetxeko atarian. Pertsona multzoak han eta hemen. Berez, nagusien hezkuntzarako ikastetxea dena, egun batez antzerkirako leku bilakatu da. Atea zabaldu dute eta bagoaz barrura banan-banan. Eszenatokiaren izkin batetik ari gara sartzen eta han dira jada, espazio eszenikoan, Oier, Asier, Ander zitarra jotzen, Idoia marrazten eta Jabi. Gu haiei begira, haiek guri so. Bakoitzak bere eserlekua hartu du.
Poza: Zergatik dantzatzen dute bosniarrek? Metrokoadroka antzerki taldearen lanaren aurrerapena ikusi ahal izan genuen Bilbo Antzerki Dantza (BAD) jaialdiaren baitan. Azken hilabete honetako lanaren emaitza da, izan ere, antzezpen honetarako Bilboeszenako Artistak Egoitzan programaren diru-laguntza jaso dute, eta Santutxun kokatuta dagoen Antzerki Baliabideetarako gune honetan izan dira entseatzen azken bi asteetan, Oier Guillan, Asier Sarasola, Ander Fernandez, Idoia Beratarbide eta Jabi Barandiaran.
Aurrerapen hau prestatzeko denbora eskasa izan badute ere, nahiko lan borobila aurkeztu ziguten. Antzerki joera ezberdinak biltzen dituzte, eta pozaren gaiari lotuta dagoenez, barrerako tartea ere ematen du. Aktoreek ez dute rol zehatzik, norbere buruarena ez bada, baina erabat teatrala da lana, agian bere hasierako urratsen biluzlasunagatik. Ikusteke dago datorren urtean estreinatu nahi duten antzezlanaren azken emaitza.
Work in process hau erakustearen xedeetako bat, publikoarekin egon daitekezkeen hartu-emanak bideratzea da; iritziak jasotzeko egiten da. Antzezlanaren entsegu orokor modukoa dugu, baina publikoa aurrean dela. Izan ere publikoak, ezinbestean publikoak, beste dimentsio bat ematen baitio taularatzen denari. Beraz, antzezpena bukatu eta aurrez aurre jarri ginen, publikoa eta aktoreak. Orduan jakin genuen azken hilabetean Bilboeszenan inprobizazioak lantzen aritu direla, poesiatik heltzen direla antzerkira, eta ez dutela euren burua aktoretzat hartzen, ez behintzat ohiko aktoretzat...
“Edertasuna bilatzen dugu, eta bilaketan, edertasuna ikusteko gai diren begiak badituzu, poza ematen du horrek, edertasuna bilatzea eta aurkitzea”. Izenburua, Oier Guillanek bosniar lagun talde batekin egindako afari batean sortu zen, “euren poza ikusi nuen une batez, eta ederra iruditu zitzaidan. Neurri batean, denok gara bosniarrak”.
EAEn, energia berriztagarriko instalazioak non jarri daitezkeen biltzen du Energia Berriztagarrien Lurralde Plan Sektorialak (LPS). Plana osatuta dago, eta laster onartuko dute. Alabaina, zenbait adituk hutsuneak dituela ohartarazi dute, tartean, Gorbeialdeko Herri... [+]
UEUren 53. Udako Ikastaroak izango dira aurtengo udakoak. Zein jardunaldi eta ikastaro izango diren jakinarazi berri dute. Matrikulazioa aurrerago, maiatzean.
Ane Labaka Mayoz bertsolari eta idazleak ‘Hezur berriak’ (SUSA, 2025) poesia liburua plazaratu berri du. Bertan, amatu aurreko eta ondorengo hilabeteetan bizitako beldurrak, ilusioak, biolentziak, presio sozialak, erruak, pozak eta nekeak bildu ditu.
Irati Aizpurua Alquezar abokatuak zuhurtziaz erantzun ditu ARGIAren galderak, eta testuinguru juridikoa eman digu, Debako udal liburutegian gertatzen denaren inguruan. Elkarrizketa zabal batean berriki kontatu dugunez, 2 urtera arteko haurrek galarazita dute Debako haur... [+]
HAPOn etxebizitza turistikoak arautu eta mugatzeko aldaketa puntual bat egin arte eten egingo da herrian gisa horretako etxe gehiago irekitzeko aukera. Alokabiderekin hitzarmen bat egin duela ere iragarri du udalak, etxe hutsak alokairuan jartzeko.
Palestinako Ilargi Gorria larrialdi zerbitzuak baieztatu du gorpuei eginiko autopsiak erakusten duela soldadu israeldarrek tiro egin zietela medikuei. Hil aurretik osasun langileetako batek soldaduek eraso egin zien unea grabatu zuen mugikorrarekin, eta bideoan ikus daiteke... [+]
Euskal Herriko Agintaritzaren Aldizkariaren bidez ezagutarazi da Cañaveras Solar enpresak egingo duela zentrala. Cañaveras Solar enpresaren zuzendaria Rafael Benjumea da, oligarkiako Benjumea familiako kidea. 15 milioi eurotik gorako kostua izango du proiektuak... [+]
“Etapa berri baten hasiera” eta “historikoa” moduko hitzekin aurkeztu du Eusko Jaurlaritzaren Hezkuntza Sailak Euskal Eskola Publikoa Eraldatzeko I. Plan Estrategikoa, Eusko Legebiltzarrean. Edukiak oraindik ontzeko eta zehazteko daudela, plana hamar... [+]
Bost greba egun deitu dituzte apirilerako, "lanez gainezka" daudela eta giza baliabide eta material "oso murritzak" dituztela argudiatuta. ELA sindikatuaren esanetan, udalak "ez du mugimendurik egin nahi".
Osakidetzan egun, ez dago bermatuta euskarazko zerbitzua. Zerbitzu gehienetan ez dago hizkuntza irizpiderik eta herritar euskaldunek bere burua nabarmendu beharra daukate, egoera oso zaurgarrian, euskarazko zerbitzua jaso ahal izateko.
ELA, LAB, ESK, STEILAS, CGT-LKN, CNT, HIRU, EHNE eta ETXALDE sindikatuak, Sarek abiatutako Gotzon SOS kanpainara batu dira. 2019an antzeman zioten gaixotasun genetiko sendaezina 68 urteko preso politiko bilbotarrari. Sindikatuek gaixotasun larriak dituzten presoak kartzelatik... [+]
.jpg)
Astearteko greba egunak %100eko jarraipena izan du, sindikatuen arabera. Hilaren 11rako eta 15erako deituta daude beste bi lanuzteak. 335 langile kaleratu nahi ditu Japoniako pneumatikoen multinazionalak Basauriko (Bizkaia) plantatik.