Hurrengo helmuga, kale gorria?
“Espazio guttiagorekin, zuen herrialdeak berdin-berdin presente izanen dira gurean!” erran digute.
Hedabideetan, batez ere prentsa idatzian eta telebista publikoetan krisia dela kausa, iragarkiak ttipitzen direlako, informazio kontsumoa aldatzen delako, neurriak hartu behar dira. Eta noski, edonon, goiz ala berant, kazetarien eta teknikarien kopuruen murrizketei buruzko zurrumurruak hedatzen dira kasu “hoberenetan”. Aipatzen dira, hasiera batean behintzat, erredakzioetatik borondatezko abiatze plan sozialak. Eta epe motzetan, kobertura mediatikoen “arintzea” proposatzen da ere bai.
Interesgarria da urriaren 14ko El Paisen, irakurleen arartekoaren artikulua. Galiziari buruzko ordura arte eskaintzen zen eguneroko koadernoaren desagerpenaren inguruan sorturiko irakurleen kezkak aipatzen ditu, orain eskatzen diren bi orrialdeen truke. Lasai izan daitezen galiziarrak! “Irakurleekiko egunkariaren konpromisoa ez da aldatzen. Tratamendu editoriala ttipiagoa izanen da, baina Galizian, gure lanaren espiritua mantenduko dugu” dio arartekoak.
Bada, hau irakurri eta, France 3ko zuzendariek El Paiseko management eskola berdina egin dutela pentsatu dut. Ezen, gurean, Omiasaindu eta Eguberriko oporren kari, frantses kate publiko erregionalaren “Hego mendebaldea” deitu eremuan, France 3 Euskal Herri bezalako beste hamabi albistegi lokalak suspendituko baitituzte.
Krisia! Baina lasai! Akitanian, bertako herrialdetxoak (Biarno, Ipar Euskal Herria, Perigords) ez omen dira entzule-ikusleen egunerokotik desagertuko! Bordeleko berri sailetan ikuspenik izango dute! Hau da, Parisko zuzendaritzatik oso kezkatuta dauden zinegotziei (senatari, diputatu, kontseilu orokor, auzapez...) eman izan zaien erantzuna.
El Paisenaren antzekoa! Ipar Euskal Herriko eskuinetik ezkerrera, zentristak, berdeak eta abertzaleak barne, eremu politiko nolaz sindikatu eta mugimendu herrikoien sostengu zabala adierazia izan arren, ezer ez dute aldatuko: hiru asteotan bertako informatiboak etengo dira. Informazioak oporretan izango dira! Hau notizia! Eta ororen buru, berzentralizazio prozesu bat sumatzen da. Periferien baztertzea. Hau ez bada, zergatik bertako albistegiak kaltetu? Nola erran daiteke herrialdeekiko konpromisoa atxikitzen dela baldin eta eguneroko zazpi minutu eta 40 segundoetako albistegi laburra 90 segundoetako erreportaje batez trukatzen bada? Bertako hizkuntzen presentzia ttipia erregio mailan (albistegi lokaletan ez bezala) ziurtatzen ez delarik?
Eta zer izango da hurrengo helmuga? Kale gorria?!
Bidali zure iritzi artikuluak iritzia@argia.eus helbide elektronikora
ARGIAk ez du zertan bat etorri artikuluen edukiarekin. Idatzien gehienezko luzera 4.500 karakterekoa da (espazioak barne). Idazkera aldetik gutxieneko zuzentasun bat beharrezkoa da: batetik, ARGIAk ezin du hartu zuzenketa sakona egiteko lanik; bestetik, egitekotan edukia nahi gabe aldatzeko arriskua dago. ARGIAk azaleko zuzenketak edo moldaketak egingo dizkie artikuluei, behar izanez gero.
Goizean jaiki orduko hasten dira desegokitasunak. Beharbada lotarako erabili duzun lastaira ere ez zen egokiena. Baina, ezin ba idatzi desegoki sentiarazten nauten guztiez. Horregatik, udaberriko ekinozioa –egunaren eta gauaren arteko oreka– dela eta, oraindik ere,... [+]
Ez da gauza berria politikari profesionalak gizarteko arazoak estaltzeko ahaleginetan ibiltzea. Azkenaldian Denis Itxaso -EAEko Etxebizitza sailburua- entzun dugu etxegabetzeei garrantzia kenduz eta aditzera emanez gurean bazterreko fenomenoa direla; eta Begoña Alfaro... [+]
Antropozentrismoaren aldaera traketsena eurozentrismoa izan zen. Europako mendebaldea, geografikoki, Kontinente Euroasiarraren penintsula txiki bat besterik ez da, baina lau mende luzez gertaera demografiko, teknologiko eta ideologiko batzuk zirela medio, bazter horretako... [+]
Badakizuenok badakizue, beste gauza asko bezala, euskararen aldeko borrokan ere politikoek, eragile batzuek eta hedabideek beraien antzezlana saldu nahi digutela, benetakoa balitz bezala.
Lehen urtean pozik jaso nuen, "Euskaraldi" hau. Zer edo zer zen, ezer ez zegoela... [+]
Euskarak, mendez mende, zapalkuntza sistematikoa jasan du, eta oraindik ere borrokan dabil egunerokoan bere leku duina aldarrikatzeko. Hizkuntza baten desagerpena ez da inoiz berez gertatzen; planifikazio politiko eta sozialak eragiten du zuzenean. Euskaldunoi ukatu egin izan... [+]
Oldarraldia ari du EAEko administrazioa euskalduntzeko erabakien aurka, berriz ere, enegarren aldiz. Oraingoan berrikuntza eta guzti, espainiar epaitegiak eta alderdi eta sindikatu antieuskaldunak elkarlanean ari baitira. Ez dira izan akats tekniko-juridikoak zuzentzeko asmoz... [+]
Igande gaua. Umearen gelako atea itxi du, ez guztiz. Ordenagailu aurrean esertzeko momentua atzeratu nahi du. Ordu asko aurretik. Zazpietan jaiki da, eta, bihar ere, astelehena, hala jaikiko da. Pentsatu gabe ekiten badio, lortu dezake gauak pisu existentzialik ez izatea. Akats... [+]
Naomiren etxeko eskailerak igotzen ari dela datorkion usainak egiten dio memorian tiro. "Ez da sen ona, memoriaren eta emozioaren arteko lotura da. Baldintzapen klasikoa", pentsatzen du Peterrek bere golkorako Intermezzo-n, Sally Rooney irlandarraren azken eleberrian... [+]
Joan den urte hondarrean atera da L'affaire Ange Soleil, le dépeceur d'Aubervilliers (Ange Soleil afera, Aubervilliers-ko puskatzailea) eleberria, Christelle Lozère-k idatzia. Lozère da artearen historiako irakasle bakarra Antilletako... [+]
Aspaldi pertsona oso zatar bat ezagutu nuen, urrun izatea komeni den pertsona horietako bat. Bere genero bereko pertsonengana zuzentzeko, gizonezkoengana, “bro” hitza erabili ohi zuen. Edozein zapaltzeko prest zegoen, bere helburuak lortzeko. Garai hartatik hitz... [+]
2020. urteko udaberrian lorategigintzak eta ortugintzak hartutako balioa gogoan, aisialdi aktibitate eta ingurune naturalarekin lotura gisa. Terraza eta etxeko loreontzietan hasitako ekintzak hiriko ortuen nekazaritzan jarraitu du, behin itxialdia bareturik. Historian zehar... [+]
Hurrengo ariketa egin ezazu zure lantokian, euskaltegian edo gimnasioan:
Altxa eskua Minneapoliseko George Floyd nor den dakizuenok.
Altxa eskua Madrilgo Mame Mbaye nor den dakizuenok.
Altxa eskua Barakaldoko X nor den dakizuenok.
Mame Mbaye manteroa duela zazpi urte... [+]
2022ko ekainaren 7an, Directa-k serie luze bateko lehen polizia infiltratuaren kasua argitaratu zuen. Martxoaren 5ean, Belen Hammad fikziozko izena erreta geratu zen, polizia-argotean dioten bezala. Jada hamar dira Directa, El Salto eta El Diario-k azken hiru urteetan argitara... [+]
Horra Libération egunkariak berriki argitaratu duen idazkia:
“Bayonne” bukatu da, Libérationek “Baiona” idatziko du
Hiri baten izenaren erabilpena ohiturazkoa delarik, egunkari batean izen horren erabilpena aldatzea zaila da. Alta, irakurleen... [+]