Doinua: ai hori begi ederra

Hizkuntza berdintasuna
euskarak lehentasuna
Gipuzkoatik entzuna.
Mingain gaiztoak saltatu dira
amorruzko erantzuna
Urkullu ere ze suma
hauxe mendekutasuna
ta burugabetasuna.

Ni nekatu naiz gurutzez
beti auzokoak gurtzez
argitze usteko iluntzez.
Bi ortzemuga, El caso vasco
ta El tiempo de las luces
gogoeta sakon luzez
euskal jalgiaren gauzez…
Cervantesen berba hutsez.

Ez da berdin giltzapea
ta unibertsitatea
kaiola eta atea.
Argi baskoa baldin baletor
nik nahiago itzalpea.
Muga zein den esatea
da nire borondatea:
Sinesgarri izatea.