Garai guztiak dira erabakigarriak. Joandakoa, oraingoa eta datorrena. Aurrera egin behar dugu, noski, baina kontua da datorren garaia non oinarritzen den edo nora begira eraikitzen dugun.
Nik ez nuke erantzun bakarra emango. Hartzen dugun ikuspuntuaren arabera izango da. Edota, hobeto esanda, hartzen dugun arloarena.
Esango nuke herritar guztion kezkak eta nahiak, egun, hiru arlotan zehaztu ditzakegula: bakegintza, normalizazio politikoa, lan harremanak eta ongizatea. Ez dut gaur beste esparru soziopolitiko garrantzizkorik ikusten.
Arlo horietan zer balio du iraganak? Guztiz baztertu behar dugu ala guztiz berreskuratu eta sendotu? Zer egiten ari gara?
Krisi ekonomikoa dela eta, lan harremanak eta ongizatea dira bere ondoriorik nabarmenenak. Arlo honetan argi dago atzera pausoak ematen ari garela –direla–, ez dakitela aurrera egiten. Edozein arazo dela eta hartzen diren lehendabiziko neurriak iraganera itzultzeko dira: lan harremanak desregularizatzea, lan baldintzak murriztea, babes sozialak txikiagotzea... Iraganak, beraz, badu balio berezia: etorkizunari begiratu beharrean, joandako garaia aldarrikatzen eta miresten ari dira politikan eta ekonomian agintzen dutenak. Etorkizun eskasa beraz, eta hausnarketarik eza. Ez badugu bide berririk asmatzen, sistema iraultzen, iragana ikuspegi kritikotik irakurtzen eta beste neurririk hartzen, bide honetatik jarraituz gero, hemendik hogei urtetara egoera berberean aurkituko gara eta berriro ere iraganera itzuliko gara, baina, martxa honetan, orduko iragana XIX. mendea izango da.
Normalizazio politikoaren arloan atzera begiratzeak ez digu aurrerapenik ekarriko. Zergatik? Iraganean –eta egun– Espainiarekin izan dugun lotura ez delako inoiz normalizatua izan. Osasun oneko gizarte batean harreman pertsonal, sozial eta politikoak borondatezkoak direlako, noski. Borondaterik gabe ez baitago askatasunik. Eta askatasunik gabe ez dagoelako sendotasunik. Noiz arte iragana izango da ispilu? Noiz arte iragana izango da harresi gaindiezina etorkizunarentzat?
Zergatik ezin da etorkizun berri bat eraiki, herritarron borondate askean oinarrituta? Nik apustu hori egiten dut; ez diot inori kalterik egiten eta inoiz egin ez didaten oinarrizko galderari erantzun egin nahi diot. Zein dira horren aurka azalduko diren “arrazoiak”? Zein oztopoak? Orain arte entzundakoak araudia aldarrikatzen du eta, beraz, iragan tristea eta iluna.
Bakegintzak, aldiz, iragana behar beharrezkoa du. Zergatik? Gure sufrimendua, gure jendea eta gure sentimenduak bertan daudelako. Eta gure jarduera politikoa ere bai. Norberarena. Nola eraiki talde sozial aske eta osasuntsua jasan dugun sufrimendua ahaztuz? Nola egin aurrera gertatu den guztia aztertu eta arbuiatu gabe? Nola eta zergatik onartu beharko genuke pairatu dugun mina hainbat helburu politikoak lortzeko zilegia zela entzun izana?
Denona da iragana, bai, eta denok eraman beharko dugu zama hau. Baina ezingo dugu karga hau bidean baztertu, nahiz eta horrela “erosoago” egin dezakegun aurrera. Ni prest nago motxila hori gainean eramaten jarraitzeko, baina jende gehiago bagara, denok bagara eta lepo berriak badaude, zama arinagoa izango da, eta bere banaketa, justuagoa. Honela, seguruenik, batzuek zamarik gabe egin ahal izango dute aurrera, nahiz eta bihotza oraindik negar batean eduki.
Tuteran 30 urteko gizon bati 23 urteko bikotekideari erasotzea leporatu diote, eta Ondarroan 31 urteko gizon bati lankide bati ukituak egitea, herriko osasun etxean. Bilboko jaietan bi sexu eraso salatu dituzte, eta Donostian 20 urteko gizon bat atxilotu dute, hiriaren... [+]
Mehatxu larriak egitea egotzi diote, eta behin-behinean aske utzi dute urruntze agindua ezarrita.
Nahiz eta Nafarroako hainbat udalerrietako udaltzaingoek taserrak dituzten, ez dago armen araudian jasota. Azkoienen lau aldiz erabili dute, eta Iruñean aurtengo ekainean erabili zuten lehen aldiz.
Palestinarekin Elkartasuna plataformak deituta, bi hiriburuetako jaietan "Palestina presente" egoteko aldarria luzatu dute. Ostiralez Bilbon, eta larunbatez Donostian.
Testu hau goizeko ordu txikitan izaten diren hausnarketa batekin hasi da, Araba galduko herri batean zoruan jarrita, ortzimugan eguzkia ateratzen dela ikusirik. Zelai hori eta nabarren artean hegan egiten duten txoriei so eginez, mendietan dauden basoetan pentsamenduak galduta... [+]
ARGIAko erredakzioaren eskutik, sei ikus-entzunezko proposamen.
Amazonen hodeia da AWS, eta funtsezko faktorea izaten ari da Israelen operazio militarretan.
Mundu mailan erregistratutako urterik beroena izan zen, eta Europako bigarren beroena, ISGlobalek egindako azterlanaren arabera. Europa hegoaldeko estatuak dira heriotza-tasa handienak dituztenak. Parisko Akordioan zehaztutako helburuak ez dira betetzen ari.
Berrerarabili, zaharberritu, konpondu, eraldatu… Behar duguna baina gehiagorekin bizi garelako agian…
"Gure bizitzak haienak baino garrantzitsuagoak dira", esan dio Israelgo armadako soldadu batek Israelgo komunikabide bati.
Joan den uztailean, hilabete batez, 127 gaztek 400 kilometroko espedizioa oinez egin dute Euskal Herrian gaindi. Abenturazale haiek Jzioquitarrak deitzen dira eta 30 egunez, 27 herri bisitatu eta hainbat euskal eragile ezagutu dituzte. Aurten, EuskarAbenturako helburuak aise... [+]
EAEko hiru hiriburuetan udako jaiak ospatzearekin batera, etorri dira, berriz ere, ostalaritzako patronalaren kexuak jai herrikoien aurka. Gipuzkoako Ostalaritzaren elkarteak Gipuzkoako Foru Aldundiari eskatu dio Arabakoaren bidea jarraitzeko, eta txosnei eta kale saltzaileei... [+]