1. Def. Formak, tamainak eta kokalekuek bat egiten ez dutenean. 2. Gerr. Gerrak asimetrikoak dira. Jakina da politikaren jarraipena dela gerra, beste bitartekari batzuk erabiliz. Inoiz izan den gerrarik laburrena Britainia Handia eta Zanzibarren artean eman zen, 38 minutukoa. 3. Etn. Amaginarreba terminoan arreba agertzeak asimetria bat sortzen du, eta hori argitu beharrak hainbat buruhauste eman die ikertzaileei. 4. Hizk. Asimetrian bizi gara, gizarte elebidun asimetriko bat, eta asimetria hori bai geografikoa eta baita funtzionala izango da ere, beraz politikoa. 5. Har. Harremanak asimetrikoak dira. Batek esan zion besteari: badakit gure adiskidetasuna asimetrikoa dela, eta ez dugula zereginik nik zuri zuk niri baino gehiago behar zaitudalako. 6. Mus. Neneh Cherryren tunika beltza eta lepoko asimetrikoak haizearekin mugitzen ziren Trinitate Plazako kontzertuan joan den uztailean.

Honaino, datorren uztaila bitartean idatziko dudan glosarioa, hurrenez hurren, honelako hitzekin osatuko da, aldaketa asimetrikoak tarteko: dramaturgia, epikoa, fade out, mamua, natura, eta abar, hamaika hitz osatu artean