1972tik aurrera, hamar urtean behin, Nazio Batuen Erakundeak (NBE) Ingurumen Konferentziak antolatu ditu (1972-Estokolmon, 1982-Nairobin, 1992-Río de Janeiron, 2002-Johannesburgon, eta 2012an Río de Janeiron berriz, horregatik Rio+20). Azken gailur honen emaitzak hor daude: dokumentu ziztrin bat, Garapen Sostengarriaren Helburuak 2015erako atzeraturik eta finantziazioa eta Ingurumen Mundu Agentzia sine die.
NBE krisian dago aspalditik eta Rio+20 prozesuak egoera kritiko hori agerian jarri du. AEBek markatutako bidea mantentzen da: akordio global lotesleen aurka, estatu bakoitzak bere etxean ahal/nahi duena egitea, hobe. Paradogikoki, oso desberdina izan da, astebete aurretik Mexikon bildutako G20an erabakitakoa. Kapitalismoaren finantza-krisiak eskatzen badu 465.000 milioi dolar Europako bankuak altxarazteko, arazorik ez. Aldiz, Rio+20 akordioan 30.000 milioi (ia hamasei aldiz gutxiago) eskatzen baziren planetaren sostengarritasun politikak martxan jartzeko, hori ez zen zuzena. Hor ez dago dirua itzultzerik, beraz, ez da negoziorik egiten eta Rio+20 dokumentutik ezabatu beharra zegoen.
Europako Batasunak dioenez, Rio+20an ez bada ezer lortu ez da bere errua, hori G-77 (Hegoaldeko herrialdeak) eta batez ere BRICS (Brasil, Errusia, India, Txina eta Hegoafrika) taldearen erantzukizuna da. Herrialde horiek ekonomikoki sendoak eta hazkorrak dira eta ez dute ingurumen politiketan dirua ipini nahi, euren industriak ez direlako herrialde garatuetakoak bezain errudunak argudiatuz.
Bestalde, garrantzitsua izan da Brasilgo Gobernu anfitrioiaren jokamoldea. Desadostasun guztiak banan-banan eta buruz buru estatu bakoitzarekin negoziatzea testu onargarri bat lortu arte. Emaitza kaxkarrak eman ditu jokabide horrek. Vatikanoak berak inposatu du “emakumeen birsortze eskubideak” bertan behera gelditzea. Eta horrek Dilma Rousseff gobernuburuaren irudia nabarmen kaltetu du eta NBEren legitimitatea ere. Testu bat onarturik dago baina ez da inoren gustukoa. NBE enpatearen bila joan da eta galdu egin du. Zergatik?
Bada, konferentziaren hasieran, Gobernuz Kanpoko Erakundeen zein talde ekologisten arteko banaketa argi zegoen. Batzuek (erradikalak) ez genuen onartzen Kapitalismo Berdearen bidea eta beste batzuentzat (posibilistak) aukera bat zen kapitalismo marroi edo zikinetik alde egiteko. Bukaeran, emaitzak ikusirik, ez dago politika berririk, berba hutsak baizik eta horretan gizarte zibil globalaren aktore gehienak ados gaude: ez da berba egiteko unea, hitzak eta promesak soberan daude. Ekintzak eta aldaketak behar ditugu. hogei urte pasa dira eta egoera sozio-ekologikoa okerrera doa, beraz, batzeko unea da analisi eta alternatiba komunekin, Herrien Gailurrean gertatu den moduan.
Ez du zentzu handirik Ekonomia Berdea edo Garapen Sostengarria zer den eztabaidatzen jarraitzeak, ikus dezagun zertan ari diren gobernuak eta enpresak (lokalak, erregionalak, nazionalak ala internazionalak) egiten eta horren arabera egin dezagun kritika eta antola ditzagun ekintzak. Brasilen ikusi dugunez, Txinan eta Indian bezala, txiro askorekin batera, multimilionarioak daude. Eta, Europan gero eta pobretutako jende gehiago ere. Beraz, ahantz ditzagun herrialde kategoria horiek eta batu ditzagun indarrak bestelako mundu sostengarri baten alde.
Argentinako Abokatuen Gremioa erakundean egiten du lan Laura Taffetanik (Buenos Aires, Argentina, 1963). Gobernuaren errepresioa pairatu duten maputxe ugarirekin lan egin du azken urteetan, eta Askapena antolakundeak antolatutako topaketa antiinperialisten barnean izan da Euskal... [+]
Iragarrita zegoen moduan, Bilboko Errekalde auzoko Etxarri II gaztetxea hustu du Ertzaintzak 9.00etan abiarazi duen operazioarekin. Arratsaldean protesta manifestazioa egingo dute auzoan, 19:00etan Amezolako tren geltokitik abiatuta.
Ezbeharra ostegunean gertatu da eta SOS Nafarroak 16:00 orduak jotzear zirela jaso du haren berri. Medikua, anbulantzia et Foruzaingoa bertarako dira, baina ezin izan dute gizona suspertu eta bertan hil da.
Aurtengo berritasuna da. Ahobizi eta belarriprest rolen artean aukeratzeaz gain, herritarrek Euskaraldia Hikan parte hartzeko aukera izango dute. Hitanoa erabiltzen ez den herrietan, toka eta noka, bien erabilera bultzatuko da, eta hitanoa bizirik dagoen herrietan nokaren... [+]
Interview. Urez eta hondarrez
Egileak: Telmo Irureta eta Mireia Gabilondo.
Aktoreak: Telmo Irureta eta Dorleta Urretabizkaia.
Zuzendaria: Mireia Gabilondo.
Konpainia: Tentazioa.
Noiz: apirilaren 2an.
Non: Victoria Eugenia Klub Aretoan,... [+]
Ezagutzen duzue Kneecap filma? Oscar sarietarako hautatu zuten. Belfasteko hirukote baten istorioa da. Kneecap Hip Hop talde ezaguna da gaur egun, eta hizkuntzaren aldeko jarrera (gaelikoa) argia dute, IRAren osteko belaunaldiaren gorabeherak kontatzen ditu filmak; drogak eta... [+]
Galdera batzuen aurrean, behin eta berriz helduok ume sentitzen garela dio Iñigo Martinezek, “bizitza zulo existentzialez beterik” dagoelako. Galderaz galdera "behin-behineko erantzunen bila" aritzeko asmoa du irakasle eta filosofoak. ARGIA... [+]
Euskal Herriko Laborantza Ganberak hogei urte bete ditu. 2005ean sorturik, bataila anitzetatik pasa da Ainiza-Monjoloseko erakundea. Epaiketak, sustengu kanpainak edota Lurramaren sortzea, gorabehera ainitz izan ditu hogei urtez.
Giza-katea antolatu du Subflubiala ez! plataformak eta hitzordua Artaza-Romo Institutuan jarri du gaurko 18:00etan. Bizkaiko Foru Aldundiak Ingurumen Inpaktuaren Adierazpena (IIA) aldatzea du helburu eta horrelakorik ez du onartzen plataformak.
Europan kutsadura maila aztertzen aritzen den Toxicowatch erakundeak egindako ikerketaren emaitzak dira. Erraustegia martxan jarri aurretik egin zituzten lehen azterketak, eta ondoren 2024ra arteko laginak aztertu dituzte. Iazko laginen emaitzak dira honakoak.
Elkarteko Andoni Burguetek nabarmendu du espetxean dauden presoek egindako delitu gehienek behar sozioekonomikoekin lotura dutela.
Gergely Gulyas Hungariako Presidentetza ministroak eman du erabakiaren berri, Hagako auzitegiak atxilotze agindua ezarrita dion Benjamin Netanyahu Israelgo lehen ministroa herrialdera heldu den egun berean. Israelgo armadak Gazako eremu gehiago hartzeko asmoa duela... [+]