Zer da nafarra izatea?
Euskal Herriko hainbat tokitako festetan zezen eta bigantxak karrikan goiti eta beheiti hasiak dira, lasterkarien atzetik. Argi dago, beraz, guztia harrapatzen duen krisi zitalak ez duela festa klase hau adarkatu, udalak diruz urri ibiliagatik ezin baitzaio kultur tradizioari traizioa egin, hori besterik ez genuen behar. Diru-partida horiek dira bere horretan dirauten bakarrenetakoak, guztion lasaitasunerako.
ETBren ikusle guztiek ongi dakitenez, Faltzeskoa da Euskal Herriko entzierrorik xelebreenetakoa, bigantxak karriketan ibili beharrean menditik jaisten baitira bidexka harritsuetan barna, herrira heldu arte. Animaliak askatu aurretik, lasterkariek kantuz babesa eskatzen diote birjinari, Iruñean historiarik gabeko San Fermini egiten zaion bezala.
“Nafarra izatea zer da?” galderari erantzutea hitz emana zigun saioaren iragarkia egunkarian ikusi berria, Nafarroa eguraldi mapan ez ezik informazioetan ere lanbrotsu utzi duen ETB2 piztean horixe agertu zitzaidan: Faltzesko entzierroaren inguruko azalpenak eta kantua, dena herriko jatorrenen ahotik.
Gauza jakina da liburu edo filmetan bezala, telebista saioetan ere hasiera funtsezkoa izaten dela datorrenaren interesa, ikuspuntua, seriotasuna eta tonuaz ohartzeko. Zer esanik ez dago: saioak bide beretik jo zuen, oso noizean behin gogoetari lekutxoren bat utzirik, baina azkar demonio sinplekeriaren bide zabalera bueltatzeko. Nafarroaz iritzi kontrajarriak dituzten bi politikariren iritziez gain, entzierroa, harri-jasotzaileak, jotak bertsolariak eta karrikan grabaturiko elkarrizketa sakon horietakoak: “Nafarra izatea zer den? Hori ezin da azaldu”. Hortxe, argi eta garbi, saioaren helburua zenbateraino bete zen, elkarrizketatu batek errana.
Pierre Bordieu soziologoak telebistari buruzko liburu oso interesgarria idatzi zuen: Sur la télévision (1996), gaztelaniaz ere argitaratua. Frantziarrak, bertan, argi eta gordin aletu zituen eragin handiko komunikabidearen gaitzak: sentsazionalismo eta ikuskizunaren aldeko apustuak benetako kazetaritza desagerrarazi du; gogoeta bazterturik, emozioa arrazoiaren gainetik jartzen da, eta edukia ikuskizunaren esanetara makurrarazten.
Bordieuren liburua argitaratu zenetik, egoera nabarmen aldatu da. Txarrerako, jakina. Izan ere, geroztik telebista eskaintza adina handitu baita zabor maila, baita guztiz zokoraturik dauden ustezko kazetaritza-saio serioetan ere.
NASAren Parker zunda 6,1 milioi kilometroko distantziara arte gerturatu da Eguzkiaren azalera, bere misioaren lehen gerturatzean. Hala, Eguzkitik inoizko gertuen egon den objeku artifiziala bilakatu da. 692.000 kilometro orduko abiaduran igaro da, eta jasotako datuak funtsezkoak... [+]
Goldatz talde feministak antolatua, ortziralean, urtarrilaren 3an, Jantzari dokumentala proiektatuko dute Beralandetan (17:30ean) eta biharamunean, urtarrilaren 4an, Berako bestetako tradizioak aztergai izanen dituzte Maggie Bullen antropologoarekin leku berean (10:30).
Kanboko Marienia eremuan etxebizitzak eraikitzeko proiektua badu Bouygues Immobilier agentziak. "Elkarlanaren bidez" zein "indar harremana" mantenduta, proiektua ezeztatzeko borroka eramateko determinazioa plazaratu dute adierazpen bateratu... [+]
Boroa industrialdean hil zen 41 urteko I.P.C langilea, abenduaren 30ean biltegiko inbentarioa egiten ari zenean. ELA eta LAB sindikatuek, eta Jaurlaritzako Segurtasun Sailak eman dute istripuaren berri.
Arrazoi pedagogiko edo metodologikoengatik, historialariok joera dugu iraganeko aldi historikoak zatikatzeko eta epetan banatzeko. Badira den-denok ezagutzen ditugun aro tradizionalak (Historiaurrea, Antzinaroa, Erdia Aroa, Aro Modernoa eta Garaikidea); baina baita horien... [+]
Agintariek ez dute baztertu bi gertaerak elkarren arteko loturarik izatea. New Orleansen, kamioneta baten gisari batek jendetzaren aurka egin du hamabost hildako eta 35 zauritu eraginda. Ordu batzuk geroago, Las Vegasen, Trump International Hotelaren parean auto bat lehertu da,... [+]
Donostian 2024ko martxoan jokatutako futbol partiduaren aurretik Ertzaintzak egindako kargetan, Amaya Zabarte zaleaz gain bigarren pertsona bat zauritu zuten, ustez foam pilota batekin begian jota. Orain, kasu hori ere ikertzeko agindu du Gipuzkoako Lurralde Auzitegiak.
.jpg)
Espainiako Federazioak salatu du ez zaiola parte hartzen utzi iragan asteburuko Nazioarteko Pilota Federazioaren biltzar nagusian, eta hori “bidegabekeria” dela. Biltzar hartan onartu zuten, bozketan, Euskadiko federazioa nazioartekoaren eskubide osoko kide gisa... [+]
"Sedizioa bultzatzen duelako" hartu du Al-Jazeeraren zabalpena eta lana "aldi baterako" debekatzeko erabakia Palestinako Aginte Nazionalak. PAN "Israelekin lerrokatu izana" deitoratu du komunikabideak, argi utzirik "mehatxuen eta intimidazioen... [+]
Gazpromekin zuen kontratua ez du berritu Volodymyr Zelenskyren gobernuak eta, asteazken goizean, Europa ekialdea hornitzeko gasaren fluxua eten du errusiar konpainiak.
Ander Magallon, Mikel Irure eta Xabier Jauregi Metropoli Forala saioan egon dira maskulinitate berrien inguruan mintzatzen.
Merino 2001. urtean atxilotu zuten, eta dispertsioa jasan du, zigorraren zati handi bat Euskal Herritik kanpoko kartzelatan igaro baitzuen baldintza “zailetan”. Orain, askatasuna berreskuratu du.
Urte berriaren hasierarekin, hainbat zerbitzu eta produkturen prezioetan igoerak izango dira. Elikagaietan, energia fakturetan, udal-zergetan eta etxebizitza gastuetan garestitze nabariak atzemango dira.
Euskal Herria nazio dela aldarrikatzeko ekitaldia egingo dute Donostiako Kursaalean. Astebeteko ekitaldi sorta izango da.