Anai-arrebak?
Basagoitik PSEri emaniko babesaren amaieraren berri eman orduko, hauteskunde aurreratuen inguruko ezbaia berpiztu da. Hurrengo autonomia hauteskundeetan lehian izan ahal diren jokalari guztiak, itxuraz behintzat, pozik utzi zituen. Azkenean, alderdi abertzaleek behin eta berriro kritikaturiko gobernua hautsi da, baina, benetan, nork nahi du hauteskundeen aurrerapena? Batetik, EAJ eta polo subiranistaren izenean aurkez daitekeen koalizioa hautagai gabe harrapatu zituen hausturak, Sorturen inguruko epai eza ahantzi gabe. Bestetik, konfiantza mozioa eskatzea zilegi bezain alferrikakoa da, lehendakariak berak proposatu beharko bailuke Legebiltzarrean, eta bere buruari harriak borondatez botako ez dizkionaren dudarik ez du ia inork izango. Azkenean zalaparta asko, baina sorpresarik ezean, PPk babestutako PSEren gobernuaren iraunkortasunaz mesfidati azaldu ginenak, hauteskundeak zertxobait aurreratuz ere, ia legegintzaldi osoa beteko dutela onartzea besterik ez zaigu geratzen.
Eta berriro kanpainan murgilduak gara, hauteskunde aurreko inkestak martxan dira. Nerbioak ere bai, hori diote behintzat, alderdi eta medioen berriketa-lekuetan. Ingurumari honetan, berria ez den abertzaleen arteko akordio baten beharra mahaigaineratu da. Zenbaitek balizko bateratze hau hauteskunde lehiatik kanpo kokatu nahi dute eta autodeterminazio eskubidearen errekonozimenduaren baitako elkarlanaren beharra azpimarratu dute. Erabakitze eskubidearen inguruko ekimen komun bat ez dut ezinezko ikusten, bestelakoa litzateke ze helburuekin eta ze bitartekorekin eta hortik haratago naziogintza hain ezberdin praktikatzen duten abertzaletasunaren bi arimen arteko elkarlan sendoagorik posible litzatekeen. Bateratze honen aldekoek abertzale oro anai-arreba direla adierazi dute eta gai honetan behintzat bidaia batera egitearen beharra azaldu dute. Nik neure dudak ditut aldarrikapen batetik haratago, une hauetan beste elkarlanik izan daitekeen. Hauteskundeak gerturatzea oztopotzat jotzen dut akuilutzat baino, eta ez dut 2009ko gobernuaren ondoren bi arimen senidetzea ekarriko zuenaren ideia partekatzen. Partida, epe motzean behintzat, batzuek familia barruan kokatzen dituzten bi arimen artean ikusten dut. Hori bai, lehian bigarren geratzen denak, abertzaleak, anai-arrebak, garaile atera direla esango du seguruenik, abertzaleak gehiengoak diren herrietako egunerokotasunean jokaerak bestelakoak izan arren.
Laura Macayaren liburua ekarri du euskarara Katakrakek. Amaia Astobizak itzuli du, feminismoaren baitako eztabaidak ireki eta beste begirada batzuetatik ekiteko helburuarekin.
Palestinaren aldeko manifestazioetan parte hartzen duten atzerriko ikasleak kanporatzea baimentzen duen dekretua izenpetu zuen urtarrilaren 30ean AEBetako presidente berriak. Orduz geroztik ikasleen bisen baliogabetzeak errepikatzen dabiltza.
Helena Taberna zinegileak jasoko du aurten Donostiako Giza Eskubideen Zinemaldiaren Saria. Sariaren entrega ostiralean, apirilak 11, 20:00etan Viktoria Eugenia Antzokian ospatuko den bukaera emanaldian izango da.
Eritasunaren kontrako protokoloa salatzeko eta prefeturarekin hitzordu bat lortzeko asmoz, bideratu dute okupazioa ehun bat laborarik. Tuberkulosia kasu batzuk agerturik Zuberoan, eritasunaren kontrako neurri sanitarioak segitu beharrean dira inguru horietako 280 etxalde... [+]
Eneko Mendiluze Plaza psikologoak gaueko beldurren inguruko zenbait gako eman ditu. Nabarmendu du guraso bakoitzak ikusi behar duela zer datorkion hobeto umeari.
Hamaika eraso Uztaritzeko (Lapurdi) San Frantses Xabierko ikastetxe katolikoan gertatu ziren, beste biak Domintxaineko (Zuberoa) ikastetxe katolikoan eta Angeluko (Lapurdi) San Josepe ikastetxe publikoan. Uztaritzeko ikastetxean ikasitako bost gizonek beren testigantzak eman... [+]
Carli Pup (Udine -friuleraz Udin-, 1973) Friuli [friuleraz, Friûl] herriaren ekintzaile kultural garrantzitsuenetako bat da. Bere hizkuntza gutxituaren idazle, hizkuntzalari eta bere herriaren historialari bihurtu da.
Gaur egun, Informazione Friulana kooperatibako... [+]
Hezkuntza publikoko irakasleok hamabost urtetan berriztu gabeko lan-hitzarmena eguneratzeko eta hobetzeko beharra eta eskubidea dugu. Horretarako, benetako negoziazio batean murgilduta egon beharko genuke, baina errealitatea negargarria da. Negoziazio batean, alde oro ados... [+]
Martxoaren 27an aurkeztu zuen ARGIAk Bizi Baratzea Orria, lurrari begiratzen dion urtarokako aldizkari berria. Martxoaren hasieran zabaldu zen kide egin eta formatu oso berezia duen orri handia etxean jasotzeko aukera. Erantzun oso beroa izan du. Kide hauen profila ezagutu nahi?
Jaitsiera AEBen muga zergen igoerari erantzun ez dieten eta negoziatzeko prest azaldu diren herrialdeei aplikatu diela argudiatu du Donald Trumpek, Europar Batasuna barne. Txina eta AEBen arteko lehia komertzialak gora egiten jarraitzen du.
Hirugarren greba zikloa iragarri dute Steilas, ELA, LAB eta CCOO sindikatuek maiatzaren 12tik 16ra bitartean, hezkuntza publikoa indartzearen alde. Azaldu dute Hezkuntza Sailak helarazitako azken proposamenak ez diela euren aldarrikapenei erantzun egokirik ematen.
Sarriguren, Tafalla, Noain, Buztintxuri eta Gares herrietako D-PAI ereduko ikastetxeetako familiak kalera aterako dira Hezkuntza Departamentuak foru lege bidez ingeleseko orduak handitu nahi dituela salatzera. Euskarazko murgiltze ereduaren kontrako erabakia dela iruditzen... [+]
Nafarroako funtzio publikoan 30.000 langile zeuden grebara deituta asteazken honetan. Deialdiak jarraipen desberdina izan du sektorearen arabera, eta sindikatuek salatu dute foru gobernuak "abusuzko" gutxieneko zerbitzuak ezarri dituela nahita.
Iazko abuztuan, Irundik gertu, ertzainek atxilotzean izan zuen bihotzekoa gizon batek. Eneko Valdésen heriotzaren ikerketan, Polizia errugabetu zuten.
Bekat’uros LGBTQIA+ euskal besta hirugarren urtekoz iraganen da Atharratzen. Apirilaren 12an egun osoko egitaraua antolatu du Prefosta elkarteak, usaiako karrika inguruarekin, kontzertuekin eta ikusgarriekin.