Osa dezagun gure gida sarean
Aldizkarian Ihesi sailak urte luzez egin duen gisa, Interneten ere Euskal Herria bertatik bertara ezagutzeko eta gure txokoez gozatzeko aukera ugari bildu nahi izan ditugu. Tokiko informazio osoa duzu www.ihesi.com helbidean.
Noiz dira Ezpeletako festak? Lizarrara joaten banaiz, non bazkaldu dezaket? Orion zer bisitatu beharko nuke? Denon artean erantzun ahal izango ditugu hau bezalako galderak hemendik aurrera. Euskal Herriko zazpi lurraldeak bere baitan hartzen dituen euskarazko turismo webgunea sortu du Argiak, halakorik ez dagoela ikusita. Makina bat udalerritako informazioa jasotzen eta eskaintzen du webguneak, lurraldeka, zonaldeka nahiz gomendio bidez sailkatuta. Pixkanaka, udalerri guztiak biltzea da helburua.
Herritarren parte-hartzea, hori da gunearen berezitasunik handienetakoa. Izan ere, oinarrizko informazioaren gainean, erabiltzaileek beraiek egiten dituzten proposamenak dira weba elikatzen eta aberasten joango direnak. Hala, erabiltzaileak bere herriko edo ezagutzen dituen lekuetako aukerarik onenak gomendatu ditzake. Gainerakoek emandako boto kopuruaren esku egongo da proposamen bakoitza zerrendan gorago edo beherago agertzea. Zenbat eta leku gehiagotako proposamenak bildu, orduan eta osatuagoa izango da Euskal Herri osoari buruz herritarrak eskura izango duen informazioa. Denborarekin, parte-hartze irekiari esker, webgunea jendearen gomendio interesgarriz jantzitako datu-base erraldoi bihurtzea da asmoa.
Bestalde, publizitatea jartzeko tartea ere izango du edonork. Herri bakoitzean, adibidez, bannerrak jartzeko aukera eskaintzen da, modu berritzailean: zuzenean, “Jarri zure bannerra” atalean sar daiteke nahi duena, eta hor barruan, nahi duen publizitatearen tamaina hautatu dezake, baita zenbat egunez agertzea gustatuko litzaiokeen ere. Automatizatuta dago dena, baita ordainketa ere.
Laburtuz, Euskal Herriko bazterren xehetasun eta bitxikeriak jakin nahi dituenari eta norbere proposamenak gainerakoen esku utzi nahi dituenari zuzendutako gunea da hau, herrietako informazio praktikoa eta aberasgarria eskaintzeko xedez. Euskal Herria elkarri hurbilduz, gure herria hobeto ezagutu dezagun, eta gehiago goza dezagun.
Webgunea ARGIAren taldeko enpresa den Iametza Interaktiboak egin du.
Bagira prozesuaren emaitza, Herri bidea bide-orria izan zen. Bide-orri honetan, abertzaleen helburua herriari boterea itzultzea dela aipatzen da, eta boterea itzultzeko, herriari burujabetza maila maximoa emanen dioten instituzioak herriari eskaintzea adierazten da. Zehazten da... [+]
Nekazaritza eta Elikadura Ekologikoaren Kontseilutik herritarrak animatu dituzte azoketan erostera eta ekoizleak gertutik ezagutzera. Uztailaren 29an Zigoitian izango dira, eta abuztuaren 23an, Zarautzen. Urriaren 27an amaituko dute udako denboraldia, Villabonan.
Hamas, Fatah, Palestina Askatzeko Herri Frontea, Palestinako Jihad Islamikoa eta beste hamar taldek hitzarmena sinatu dute, genozidioa amaitu ostean “Palestinako lurralde guztien” gaineko agintea izateko. “Okupazioaren aurka borrokatzeko” eskubidea dutela... [+]
Euskaltzaleen Topaguneko kideek euskara sustatzeko jarreren inguruko datu kezkagarriak hauteman dituzte. Hori dela eta, Gero eta aldeko gehiago gizartean ikerketaren bidez, herritarrak euskarara hurbiltzeko estrategia berriak landu dituzte. Horretaz mintzatu dira, apirilean,... [+]
1984ko urriaren 23an ETAren garaian Espainiako Barne Ministerioak onartutako aginduan, “arriskugarritasun eta nekagarritasun” kontzeptuengatik “ordainsari” bat zehaztu zuten Espainiako Polizia Nazional eta Guardia Zibilarentzat, “eremu... [+]
Ikusiker Ikus-entzunezkoen Behategiak Euskal Herriko Unibertsitateko (EHU) eta Nafarroako Unibertsitate Publikoko (NUP) 2.800 ikasleri egindako galdetegiaren arabera, plataforma digitaletan gazteek edukiak ez dituzte euskaraz kontsumitzen. Horrekin “arduratuta”... [+]
Ekida Arte Ekimen Sozialistak arte eskola antolatu du Donostian, asteazkenean hasi eta larunbatera bitartean. Paraleloki, lau egunez, bi formakuntza saio egingo dira: muralismoari eta arte bisualei buruzkoa bata; eta antzerkiari eta arte eszenikoei loturikoa bestea. Sarbidea... [+]
Arkaiako erromatarren eremu termalean San Tomas ibaiari loturiko azpiegitura hidrauliko handi bat aurkitu dute, baita lur azpian 3.000 metro koadroko eraikin bat ere, garai hartako etxalde batenak izan daitezkeen arrastoekin.
Lakuak bere eskumenei muzin egin die berriro langile publikoen dekretua Madrilen onartu aurretik??Hiru urtean, EAEko langile publikoek erosahalmena %6 galdu dute, sindikatuaren aburuz.
"Kereilatuei –Chorche Tricas eta Iker González kazetariak– egotzi eta iraingarritzat jotzen zaizkien artikuluak "adierazpen- eta informazio-askatasunaren barruan daude", eta Zaragoza en Común-eko zinegotzi Suso Domínguezen kasuan... [+]
Dimako Udalaren atzen osoko bilkuran, garagarrilaren 17an, Dimener Dimako Energia Barriztagarrien Komunitatearen estatutuak onartu eta Udala alkartearen kide laguntzaile izatea eztabaidatu eta onartu zen.
Palestinar errefuxiatuen kanpalekuen ondoko ur zikinetan Poliomielitis birusaren kontzentrazio altuak topatu dituzte. UNICEFek ohartarazi du “hondamendia” gertatzeko aukera asko daudela.