Iruñea Digitala 2013
Profesional mailako eskupilotan nagusi diren enpresek zor handia diote Nafarroari. Garai beltz hauetan Labritek eutsi die txapelketei. Larunbatero ikusle ugari esertzen da pilotaren historiaz gainezka dagoen Labrit zaharreko harmailetan. Giro bikaina gehienetan, zaletasuna sortzeko giro aproposa.
Orain, Nafarroako Gobernuaren parte den Kirol Institutuko zuzendariak, Miguel Pozuetak, eskaera egin dio ASPE eta ASEGARCE biltzen dituen EPELi 2013ko buruz buruko pilota finala Iruñeko pilotaleku berrian joka dadin.
Okerrik ez dela, Erreinu Zaharreko hiriburuko pilotaleku berriak udaberri inguruan zabalduko ditu ateak. Sadar inguruan eraiki dute eta pilota partidez gain beste hamaika ekitaldi hartzeko prestaturik izango da. Hiru mila lagunetik gora eserita eroso hartzeko aukera eskainiko du. Leku aproposa, beraz, horrelako finala jokatzeko, edukiera handieneko pilotalekua litzatekeelako eta historiaren pisua alde duelako.
1940an nolabait txapeldunen buruz buruko zerrenda osatzen hasi zenetik espainiar batek, Barberitok, Lapurdin sortutako batek, Xalak, arabar batek, Ogetak, birritan, hiru bizkaitarrek bederatzi aldiz eta sei gipuzkoarrek hamahiru bider lortu dituzte txapelik preziatuenak. Gainontzeko berrogeita bat ediziotan txapela Nafarroara joan da. Joan, jakina, bertan ez delako horrelako finalik jokatu.
Beraz, EPELek final hori zor dio Nafarroako pilotazaleari. Hala ere, azkenean finala Iruñean jokatzen bada egoera barregarria eta negargarria, biak batera, sor daiteke. Finala pilotaleku berrian. ETBko kamerak bertan gertatzen dena eskaintzeko prest eta Nafarroan bertan pilotazaleek finala LTD bidez (Lurreko Telebista Digitala) ikusi ezin, inork ulertzen ez dituen arrazoi politikoak direla medio. Beno, batzuek ulertzen dituzte eta horregatik gaude gauden egoeran. Turkian edo Errusian bai, Afrikako zoko ezkutuenean edo Alaskako hotzetan bai, baina Nafarroan bertan ez. Eta horrek erakusten digu berriro ere politikarien eta herritarren artean dagoen basamortu antzua. Hamaika pilotazale nafarrek metaforikoki gustura jarriko lituzke hainbat politikari frontisean itsatsirik partida jokatzen ari den bitartean. Ea ihes egindako pilotakadaren batek ideiak argitzen dizkien. Eta, bide batez, azpialdea belztu.
Amorratuak gara hanka-sartze historikoak egiten, baina horrek ez du esan nahi derrigorrez beti horrela ibili behar dugunik.
Garai berriak askoz gehiago merezi du.
Ingurumena kaltetzen duten proiektuen aurrean laguntza tekniko, juridiko eta administratiboa eskaintzen du Sustrai Erakuntza fundazioak Nafarroan. Urteetako ibilbidea dute eta hamaika helegite eta informe osatu dituzte hainbat proiekturi aurka egiteko: AHT, harrobiak, zentral... [+]
“Etsaien nagusitasunaren eguna” Euskal Herriko langileriarentzat “borroka eguna" izatea eskatu du Jarkik. Borrokatzera eta kalera ateratzera animatu dituzte herritarrak, “burgesiaren interes eta jabetza erregimenaren” aurrean.
Geltokiko kafetegi bateko kristalak garbitzen ari zela, hiru metroko altueratik erorita zendu da 55 urteko gizona. Aurten Euskal Herrian lan istrupuengatik hil den 54. langilea izan da.
Mundu mailako inperioaren urbs estatubatuarra –eta haren periferiako lurbira osoa– Donald Trumpen bigarren agintaldirako kontuak ateratzen ahalegintzen ari garenean, tentsioak gorabidean jarraitzen du datozen lau urteetan, zalantzarik gabe, arreta-gune nagusietakoa... [+]
Urtarrilaren 1etik aurrera pentsioak %0,9 handituko ditu Frantziako Gobernuak, hasiera batean iragarri baino lehenago, 2025eko uztailera arte ez baitzuen asmorik pentsioak igotzeko, 4.000 milioi aurreztea helburu.
Azken hamarkadotan euskalgintzan jardun izan dut, dela helduen euskalduntzean AEKn, dela hizkuntza-eskubideen defentsan Behatokian, dela euskararen normalizazioaren alde Euskalgintzaren Kontseiluan. Den-denetan egokitu zait euskalgintza edota herrigintza auzitan jartzen zutenen... [+]
Pasa den urriaren 30ean, Portugaleteko Sastraka Gaztetxeko bederatzi lagun auzipetu zituzten. Handik egun batzuetara Portugaleteko kaleak hartu zituzten hainbat lagunek gaztetxearen defentsan. Bi egun geroago, fiskalak karguak kendu zituen.
Anbulantzien zerbitzua enpresa batetik bestera aldatzeak ez duela egiturazko arazoa konponduko eta “orain arteko pribatizazioaren bidean atzera egin eta anbulantzia zerbitzuaren publifikazioari” ekiteko eskatu diote langileek Eusko Jaurlaritzari, LABek antolaturiko... [+]
Modu iraingarri eta mespretxagarrian, komunismoari loturiko ustezko atxikipen-politikoak egozten zizkion, besteak beste, Guillermo Quindós egungo errektoreordeak eta Eva Ferreiraren hautagaitza zerrendan dagoen kideak hauteskundeetara aurkeztuko den beste taldeari,... [+]
Mailegu enpresa batek emakumeari "iruzur" egin diola salatu du Uribe Kostako Etxebizitza Sindikatu Sozialistak, eta mobilizatzeko deia egin du Astrabuduako etxegabetzea gelditzeko. 10:30ean agertu dira segizio judiziala eta Ertzaintza etxegabetzea gauzatzeko,... [+]
Erreforma fiskalak jaso dituen neurriak aurkeztu dituzte Araba, Bizkaia eta Gipuzkoako foru aldundiek. EAJk eta PSE-EEk adostutako testuari, gainerako alderdiek zuzenketak egiteko epea ireki da orain.
