Bizi puta hau
Things that grandchildren should know. Mark Oliver Everett. Little, Brown and Company, 2008.
Autobiografikoak ez balira, liburu honetan kontatzen diren gauza asko ez nituen sinetsiko. Egiantzekotasuna eta errealitatea bi kontzeptu desberdin dira eta batzuetan harremana duten arren, ez daude ezkonduta. Aurrenekoa oso inportantea da fikzioan eta Mark Oliver Everetten bizitzak ez zuen galbahea pasako. Gauza gehiegi. Gauza txar gehiegi. Aitarekin –Hugh Everett III, fisikaria– ia harremanik ez zeukala kontatzen du. 51 urterekin ohean hilda aurkitu zuenean eta suspertzen saiatu zenean, gizon hura ukitzea arraroa egin omen zitzaion. Drogek eta problema psikologikoek arreba bere buruaz beste egiten saiatzera eraman zuten. Eta azkenean, saiatzearen saiatzez, lortu ere egin zuen. Ama geroago ikusi zuen desagertzen, biriketako minbiziak astiro murtxikatuta. Neskekin gorabeherak nerabezarora iritsi aurretik. Eta gero, zer esanik ez. Drogak, delinkuentzia, gehiegikeria. Eta musika, bizitzaren zauriak kauterizatzeko.
Zeren, orain arte esan ez dugun arren, Mark Oliver Everett musikaria da, Eels taldeko burua. Eta talde horren musika oso konbentzionala ez den gisa berean, liburu hau ere ez da musikari baten autobiografia konbentzionala. Ez dago norberaren ibilbideko beltzak zuritzeko asmorik; ez du ezer ezkutatzen –neskaren baten izena salbu, eta betiere inor estualdiren batean ez sartzeko asmoz–. Everettek historia bat zeukan kontatzeko eta ahalik eta modu zintzoenean egin zuen, girlandarik gabeko estiloa erabiliz.
Liburuaren lehen partea abentura-nobela gisa sailka liteke; edo biziraupen-gida bezala. Zergatik ez, inori laguntzeko asmorik gabe idatzitako auto-laguntza liburua duzu hau. Egia da bukaerako kapituluak ez direla hain “entretenigarriak”. Drama familiarra amaitzen doan neurrian –kide gehiago ezin ziren hil, izan ere–, musikari batek disko-industriarekin dauzkan gorabeherek hartzen dute protagonismoa. Irakurri bat merezi duen lana, dena den. Honen ostean burua galarazten dizuten problema horiek ez zaizkizu hainbesterako irudituko. Eta hala ez bada, behintzat Eelsen kantak hobeto ulertzeko baliagarria izango zaizu.
Goizez Nafarroako zubirik esanguratsuenak jendez beteko ditu Sorionekuak dinamikak. Arratsalderako mobilizazio herritarra deitu dute Iruñeko Kostarapea parketik Alde Zaharreko Takonera parkeraino.
EAEko udal legearen euskararen arloko zenbait artikuluren aurkako epaia eman zuen Justizia Auzitegi Nagusiak 2023an, eta orain Gorenak berretsi du. Eusko Jaurlaritzak ez du garaiz aurkeztu epaiaren aurka egin zezakeen helegitea.
Lekeitioko Udalak jakinarazi du bandako zuzendariak tratu txarrak eman izana jaso dutela, hainbat testigantzaren bidez. Udalak azaldu du, Eusko Jaurlaritzaren aholkuak jarraituta, hainbat pauso eman dituztela, besteak beste, zuzendariarekin hitz egin, eta testigantzak jaso... [+]
Zibilentzat antolatutako txangoak igande honetatik aurrera egin ahal izango dira, printzipioz astebetez, eta egunero bi ateraldi antolatu dira. Sarrerak berehala agortu dira.
Orain arte uste izan dugu Erdi Aroan eta inprenta zabaldu baino lehen liburuak kopiatzeaz arduratu zirenak gizonezkoak zirela, zehazki, monasterioetako monjeak.
Baina Bergengo (Norvegia) unibertsitateko ikerlari talde batek ondorioztatu du emakumeak ere kopista... [+]
Florentzia, 1886. Carlo Collodi Le avventure de Pinocchio eleberri ezagunaren egileak zera idatzi zuen pizzari buruz: “Labean txigortutako ogi orea, gainean eskura dagoen edozer gauzaz egindako saltsa duena”. Pizza hark “zikinkeria konplexu tankera” zuela... [+]
Ospitaletik irten eta berehala prentsaurrekoa eman du Iker Aranak, Errekaldeko gaztetxearen aurrean. Gaztetxearen desalojoan ertzainek "neurrigabeko indarkeria" erabili zutela salatu du, eta salaketa hurrengo egunetan aurkeztuko du.
Aposapo + Mäte + Daño Dolor
Noiz: apirilaren 5ean.
Non: Markina-Xemeingo Akerbeltz Gaztetxean.
---------------------------------------------------------
Erosketetarako orgatxoa barazkiz beteta egin dut gaztetxerako bidea, eta haiek mozten eman dugu iluntzea... [+]
Gipuzkoako Euskal Pilota Federazioak 100 urte betetzen ditu aurten. Ospatzeko antolatu dituen ekitaldien artean dago apirilaren 12an Zumarragan egingo den bertso saio berezia. Pilotari bat arituko da gai-jartzen, eta pilotarekin harremana duten Gipuzkoako lau bertsolari kantuan... [+]
Laura Macayaren liburua ekarri du euskarara Katakrakek. Amaia Astobizak itzuli du, feminismoaren baitako eztabaidak ireki eta beste begirada batzuetatik ekiteko helburuarekin.
Palestinaren aldeko manifestazioetan parte hartzen duten atzerriko ikasleak kanporatzea baimentzen duen dekretua izenpetu zuen urtarrilaren 30ean AEBetako presidente berriak. Orduz geroztik ikasleen bisen baliogabetzeak errepikatzen dabiltza.
Helena Taberna zinegileak jasoko du aurten Donostiako Giza Eskubideen Zinemaldiaren Saria. Sariaren entrega ostiralean, apirilak 11, 20:00etan Viktoria Eugenia Antzokian ospatuko den bukaera emanaldian izango da.