Poligrafoen narkotrafikoa
Poligrafoaren bitartez, horrelaxe okurritu zait nire bi ttakunkideen azken artikuluak, hau da, Beñaten Salvame pixka bat eta Uxueren Boligrafo bat adibide, biak nire ttakun berrian lotzea. Ez dit buru-kolpeak Pentsamenduaren arloko Argia Saria ekarriko, baina, tira, bigarren erreskate plana desblokeatu aurretik, nik ere murrizketa neurriak aplikatuko ditudala erakutsi behar dut, alegia nire irudimena apalduko duen austeritate plan baten alde egingo dudala hemendik aurrera. Poligrafoa edo gezur-detektagailua pertsonaren zenbait parametro fisiologikoren aldaketak erregistratzen dituen aparatua da. Benetako errealitatea hil egin da, poligrafoaren garaia jaio da. Poligrafoaren menpe dagoenak botatzen duen izerdiaren, arnasteko egiten dituen mugimenduen, bihotzeko taupaden eta odoleko tentsioaren arabera, pertsona hori gezurra ala egia esaten ari den erabakitzen da. Orain urte batzuk, konpetentzia handia sortu zen telebista kate desberdinetan poligrafoa erabiltzeko orduan, baina Tele5ek makina horren erabilera areagotu egin du berriro, “famatuen” erantzunak egia edo gezurra diren jakiteko. Ez du oso normala ematen gezurrak asmatu eta kontatzea negozio den telebista saioetan gezur-detektagailu bat sartu beharra, baina dibertsioen etxolak ez du aterik. Egia gezurretik bereizi nahi dutela? Bai zera! Tentelkeria litzateke hainbeste lan hartzea. Telebista saio gehienak gezurretan bizi dira, ez dudarik egin; orduan, gezur-detektagailua sartu eta gezurrari zerbitzatu, hori egiten dute. Gezurrak, poligrafoaren azpiegitura horrekin guztiarekin, itzelezko egiazkotasunaren itxura hartzen du. Zer egiten du Espainiako Gobernuak, onartu duen lan-erreformaren izenean, epe laburrean lanpostu berrien sorrera aldarrikatuz? Politikariek politika herriaren izenean egiten dutela esaten digute, baina Europan nabarmen ugaritu egin diren xomorro xantaiagile horien negozioa narkotikorik kaltegarrienaren salmenta da: gezurra poligrafoarekin pikatua. Poligrafoarekin pikatutako gezurra egiaren labelaren sari guztiekin eta esplikazio handirik eman beharrik gabe barreiatzen baita. Alferrik da kontra egitea. Ez sinestu nahi baduzu, horrek ere ez du askorik inporta. Horrek ez du ezertan aldatuko narkotikoaren eragina, mundua lo dagoen bitartean. AEBetan, poligrafoa dezente erabiltzen da, baita lanpostu baterako hautagaien hitzen egiazkotasuna neurtzeko ere, psikologoek eta psikiatrek ere erabiltzen dute beraien ikerketetan, eta Europar Batzordeak merkatu beltzean ziren poligrafo guztiak erosi ditu lan-erreforma norabide zuzenean doala lan handirik gabe esateko. Poligrafoen narkotrafikoak Europako Gobernuen konplizitatearekin funtzionatzen du. Europako Gobernuetako alprojak lagun min dituzten bankariek saldutako poligrafoen esanetara jarri dira, eta krisia entretenitzeko erakusten diguten poligrafoaren xantaia eta egia onartu dituzte. Bizio hutsa. Eta, noski, egi ahulenen edo ahulenen egien kontra hasi dira beren munstro guztiekin poligrafo zaleak. Luxuzko gezurren erosleek ez dute egia finantzatzeko arazorik eta horrek mantentzen du merkatua martxan. Egoera ekonomiko okerrenean, merkeena aberatsa izatea baita. Poligrafo zaleek ongi baino hobeto dakite egia sinesteak gezurra sinestea baino lan gehiago duela. Errealitatea makilatu beharrik ere ez dute, beste bat asmatu, eta kito.
Irailetik Venezuelatik alde eginda egon ondotik, eta azken asteotan Hego Ameriketan kanpaina kutsuko bira egin ostean, hauteskundeetara aurkeztu zen Edmundo Gonzálezek hitzemana zuen Caracas hiriburuan agertuko zela Nicolas Madurok kargua hartuko zuen egunean. Bere... [+]
Fiskaltzak hamalau urteko espetxe zigorra eskatu du Mario Lopez saskibaloi entrenatzaile ohiarentzat. Akusazio partikularrak hemezortzi urtekoa eskatu du. Gernika-Lumoko Sare Feministak elkarretaratzea deitu du Bilboko epaitegi aurrean. Lopezi 1998 eta 2001 artean adin txikiko... [+]
Euskadiko Selekzioa lortzea, ezbairik gabe, lorpen historikoa izan da. Baina horretan geratzen bada, euskaldun askorentzat –ni barne, nafarra bainaiz– egunik ilunena eta tristeena izango da. Lehenengo egunetako poza eta berotasuna gozatu ondoren, itzul gaitezen... [+]
Entzumen eta hizkuntza irakasleak (EHI) eta logopedak eskola publikoan zein kontzertatuetan lan egiten duten irakasle espezialistak dira. Horien funtzioen artean hizkuntzan eta komunikazioan zailtasunak dituzten ikasleei arreta zuzena ematea da, baina baita komunikazio sistema... [+]
Inor ez ala denok. Klima larrialdia inork ez pairatzeko aldaketak bideratu ezean, behintzat guztiek pairatu dezagula. Zuk –irakurle–, nik –Jenofa–, haiek –pobreak– eta haiek –aberatsak–. Satisfaziorik ez zidaten eragin Los... [+]
Hamahiru urte beteko dira asteartean, hilaren 14an, Jose Luis Alvarez Enparantza Txillardegi hil zela, eta hura gogoan, ekitaldi jendetsua egin dute Antiguako Gaskonia plazan. Urteroko legez, Txillardegiren senideak, lagunak eta euskaltzaleak elkartu dira bertan, Eta non du... [+]
Itsason (Gipuzkoa) elkarren ondoan dauden bi baserri dira Urteaga eta Urkulegi, duela zenbait urte elkartu eta proiektu bateratua martxan jarri zutenak. “Bi baserriak elkartu eta ekoizpen proiektua abiatu genuen, eta 2011tik dedikazio osoarekin ari naiz honetan”,... [+]
Sudurrak egia dio. Zaila da sudurra engainatzea. Usaimena saihestea ezinezkoa da. Sudurretik garunerako lotura bidearen ikerketa zirraragarria, liluragarria, zoragarria da makina bat ikerlarirentzat. Usainaren eta memoriaren arteko zubia azkarrena ez bada, bizkorrenetakoa bai... [+]
Duela 180 milioi urte Pangea kontinentea zatitu zenerako ikasia zuen aingirak Thetis itsasoa zeharkatzen. Ordudanik kontinenteak mugituz joan dira, eta aingira espezieak ezberdinduz. Jatorrizko arbaso beretik bereizi diren 20 aingira espezieen artean, gurea da, ibai-aingira edo... [+]
Gaizki erabilitako zorionak eta buklean errepikatutako urte berri on guztiak atzean utzita, berriz ere hasi da gurpila martxan –inoiz gelditu al da?– eta gu arnasa hartzen –edo horrelako zer edo zer–. Honetan ere artzaina izatea abantaila da, ardi-lanetan... [+]
Adimen Artifizialarekin egindako disparateen biltegia handitzen ari da. Erabiltzaile arruntok sortutakoak txorakeriak izan daitezke neurri handi batean, baina Interneteko erraldoiak berak ari dira halakoak errepikatzen eta horrek larriagoa dirudi, eragin globala izan... [+]
Negua beti gertatu izan zait malenkoniatsu. Leihotik begira eta oroitzeko garaia, besterik ez. Udazkenaren eta udaberriaren tarteko burokrazia saihestezina, paramentu bertikal batean zuriz margotzea ostera gainean nahi dena islatzeko. Ez da nire kontua bakarrik, elurra bustia... [+]
Urte hasiera honetan ere Bilboko kaleak bete ditu Sare Herritarrak larunbatean Bilbon antolatutako manifestazioa. Presoei ezartzen zaizkien salbuespeneko lege eta tratamenduekin amaitzea eskatu dute amaierako ekitaldian, eta memoria “kolektibo” bat eraikitzea... [+]
PAIk sortutako biktimak ez dira bakarrik PAIren Legeak eragindako egonkortze prozesuari esker funtzionarizatutako irakasleak, baizik askoz gehiago. Batzuei nolabaiteko ikusgarritasun mediatikoa eman zaie Steilasek jarritako errekurtsoaren ondorioz; gehienak, alabaina, ikusezinak... [+]