Ajuria Enea
Euzko Alderdi Jeltzalearen (EAJ) xede nagusia izan da joan deneko hogeita hamar urte honetan. Eta erdietsi du, luzaro. EAJren ekinbide guztiaren jomuga nagusia Eusko Autonomia Erkidegoa izan baita; han egin du lana, han bildu du uzta. Nafarroaz ahaztu egin zen. Ez zuen indar handiegirik, eta iragan mendeko 83an, gainera, jende gehiena alderditik bota egin zuen. Besteak beste, horrexek eragin zuen EAren sorrera; harez geroztik, jeltzaleen alderdian inor gutxi gelditu zen Nafarroan eta noraezean ibili da. Franco hil ondoren, Araban ere ez zegoen jeltzale asko, baina Nafarroan ez bezala, han bai, han EAJk alimaleko ahalegina egin zuen, eta horrek emaitza onak eman zizkion. Garai hartako jeltzale buruek ez dute sekulan azaldu zergatik jokatu zuten horren desberdin bi herrialdeetan. Urkulluren alderdiarentzat, zer erranik ez, Ajuria Eneak helburu nagusia izaten jarraitzen du, eta Nafarroari dagokionez, Geroa Bairen aldeko apustua ongi atera zaio. EAJk, dena den, aski ongi daki (edo jakin beharko luke), bere kabuz aurkeztuz gero, ez duela nafar Parlamentuan ere ordezkaritzarik lortuko, eta Geroa Baiko boto-emaile gehien-gehienak ez direla inola ere jeltzaleak. Koalizio berriaren helburu nagusia, bitartean, behar adinako indarra metatzea da, Nafarroan aldaketa eragiteko. Zer gerta ere, egitura zabaldu eta sendotzeari emanak daude eta, udaberrirako, batzar irekia antolatuko dute, ahalik eta talde gehienen iritziak jasotzeko, baita koalizioaren inguruan dabilen jende afiliatu gabeari Geroa Baiko kide izateko aukera emateko ere. Handik eta hemendik iritsi zaizkio boto-emaileak; ez gutxi, Alderdi Sozialistakoak, eta PSN zer ateka gaiztotan malkorturik dagoen ikusita (UPNren morrontzapean, elkarri labankadaka), ez litzateke harritzekoa izanen giro horretako jende gehiago biltzea.
Ajuria Enea, bitartean, ez da Ezker Abertzalearen xede nagusia izan azken 30 urte honetan. Orain, bai, ordea. Gasteizko eraikinean pausatua dute begirada. Ezker Abertzaleko hango eta hemengo buruzagiek ez darabilte beste hitzik: Ajuria Enea. Eraikin horri omen darion lilurak ederki xoraturik dabiltza, EAJ betidanik liluraturik ibili den bezala. Zilegi bekio Ezker Abertzaleari aurkikuntza hori, baina, Nafarroari dagokionez, espero dezagun ez jokatzea duela 30 urte EAJk jokatu zuen bezala; hau da, Nafarroaz ahaztea. Baina, kasu, tamainako hanka sartzea litzateke Nafarroan hogeita hamar urtez izan duten jokamolde antzuari eustea. Indar handisko hura alferrik xahutu ondoren, eta udaletan euskararen alde egindako apustu zintzoa gorabehera, ez diote inolako etekinik atera, ez baitira gauza izan ETAren estrategia bidegabeari aski errateko. Ondorioz, bertzelako Nafarroa nahi duen jendea izan da galtzailea; haiek barne. Orain, azalez behintzat, itxuraldaturik itzuli dira, baina nekez eginen dute aitzinera Aralarren eta EAren ekarpenak zokoratzen badituzte. Izan bedi Ajuria Enea, beraz, Ezker Abertzalearen xede nagusia; baina, aldi berean, izan bedi egiazki Nafarroako Diputazioaren Jauregia, azken eraikin hori ere Geroa Bairen jomugan dagoen bezala. Nor bere zokotik zentzuz eta irekitasunez lan eginez eta beste indar batzuekin elkarlanean soilik etorriko baita Nafarroako gobernua aldatzeko aukera.
Aitor Esteban izango da EAJko EBBko hurrengo lehendakaria eta jeltzaleek salduko dute horrela, zuzendaritza berrituta, buruzagitza berria prest dagoela alderdiaren berrikuntza prozesuarekin jarraitzeko.
Donostiako Udalak 2024ko irailean helegitea jarri zuen, urte bereko urtarrilean epaileek bi udaltzainen B2 hizkuntza eskakizuna baliogabetu zutelako. EAEko Auzitegi Nagusiak helegitea ez du tramitera ere bideratuko, “kasaziorako interes objektiborik” ez dagoelako... [+]
Gasteizko EHUko Farmazia Fakultateko irakasle batek sare sozialetan “mezu faxistak” zabaltzen dituela salatu du Ikama ikasle taldeak. Joan den irailean, EHUk Leioako Campuseko irakasle bat kanporatu zuen sare sozialetan zabaltzen zituen mezuengatik.
Belako, Chill Mafia, Eñaut Elorrieta, Fermin Muguruza, Ibil Bedi, J Martina, ØDEI, Olaia Inziarte, Nøgen eta Tatxers daude sinatzaileen artean. 237 musikariren zerrenda argitaratu dute.
Itzal(iko) bagina
Taldea: Lokatz Loreak.
Aktoreak: Araitz Katarain, Janire Arrizabalaga eta Izaro Bilbao.
Zuzendaria: Iraitz Lizarraga.
Noiz: otsailaren 2an.
Non: Usurbilgo Sutegi aretoan.
Eraso faxistak, xenofoboak edo homofoboak gero eta ugariagoak dira Euskal Herrian ere, eta kezka barreiatu da han-hemenka. Behe Bidasoa da eraso horiek pairatzen dituen eremuetakoa, eta hor, zehazki, eraso edota ekintza gehienak Devenir Europeo (Europaren bilakaera) izeneko... [+]
Donostiako eta Gipuzkoako beste udalerrietako irudiak ikus daitezke unibertsitatearen webgunean.
Komunikabideko hainbat langile eta bazkide bertaratu ziren duela astebete Amurrioko Udaleko plenora, dirulaguntza bigarren urtez ezabatu dela salatzeko. Txerra Molinuevo alkateak ez zuen inolako erantzunik eman.
PSN, EH Bildu eta Geroa Bai talde parlamentarien sinadurarekin aurkeztu da gaur eta onartua izateko babesa izango du.
Iruñerriko IAk azaldu duenez, irakasle horrek ikasleak sexualizatu eta bortxaketak justifikatu zituen. Aurreko ostiralean eserialdi bat egin zuten eta sinadura bilketa bat izan dute martxan, irakaslea botatzeko.
Lauzpabost pertsonak osatutako talde batek jo egin zituzten baita irain homofoboak egin ere.
Le Tampographe Sardon enpresak salgai ezarria du 24 laidoko zigilu-kutxa. Sarean eskuragarri da. Ximun Fuchs aktoreak du hautaketa lana egin, irainak "lan tresna" baitira beretzat.
Aktibisten ezinegonak bildu, eta horiek kolektiboki lantzeko gida bat sortu dute zenbait aktibistek. Besteak beste, estresa, beldurra, frustrazioa eta nekea landu dituzte.