I
Koloretako ametsak
egi bihurtzeraino,
iritsi zarete Pirritx,
Porrotx eta Marimo,
ederragorik ez dago
pozez jantzi goraino
eta norbaiti irri bat
sorraraztea baino!

IV
Euskara muxuen gisan
doala ahoz aho,
elkartasunak egiten
gaituela oparo,
denok garela berezi,
inor ez dela arraro...
Zuekin ikasi dugu
guzti hau ta gehiago!

II
Liluratzen dituzue
ume eta guraso,
sudur gorrien magia
izango da akaso!
BECen neskatila batek
eskuak gora jaso
eta esan zuen: “Aita,
izan nahi dut pailazo!”.

V
Pupu eta Lorerentzat
dator garai berria;
izan dadin koloretsu
eta zoragarria,
jaso piraten bandera,
jantzi sudur gorria,
eta kantatu dezagun
gora Euskal Irria!

III
Ekitaldiak bukatu
ondoren alai-alai,
umeak egoten dira
zuen muxu baten zai.
Umore onez pizteko
ilusioa nonahi,
magia egiten duzue
baina lana ere bai.

VI
Zuen mezuak hamaika
bihotz txiki bete du,
apaltasunez zarete
guzti ho(r)ien eredu.
Pirritx, Porrotx, Marimotots,
oso pozik gaude gu!
Ta horregatik banan-banan
esan nahi dizuegu: