Bestelako Olentzerori bestelako gutuna
Badakizue Olentzero bat baino gehiago izan ditugula, betiere gure nahi eta ametsek sorraraziak, eta, jakina, haurrek ez ezik helduok ere ezinbestekoak ditugu Olentzeroak, gure pausoak nahi eta amets horietara bidera ditzagun, bidean etsi gabe.
Zuetako askok bezalatsu, Olentzerori esaten diot Otegik kalean behar duela atzotik, eta preso politikoek irtenbide duina gaurtik, denak pixkanaka kalean izan daitezen, bihar baino gaur hobe. Horrekin batean salbuespeneko legeria guztia eraistea, eta tortura erauztea.
Olentzero, ez al dugu behar euskal herritarrok Espainiako eta Frantziako botere faktikoek ezartzen dizkiguten mendekotasun askotarikoetatik aske, geure burua hobeki goberna dezagun? Besteak beste, oso luze doan krisi honek gehien kolpatzen dituztenendako eta, oro har, guztiondako politika bidezkoagoak abian jartzeko, langabezia murrizteko eta ongizatean sakontzeko?
Palestinako herria, sahararrak, tibetarrak, uigurrak, txetxeniarrak eta kurduak eta beste hainbat herri zapaldu eta ustiatu ere ez ditzazula ahaztu Olentzero, unibertsoko lur planeta ñimiño hau guztiok bertan egokiago bizitzeko modukoa egin dezagun.
Lehenago ere esan dut, Olentzero bereziari ari natzaiola asmo eta amets onak agertzen, gure baitako Olentzerori, denok, zuk, irakurle, eta nik neuk partekatzen dugun Olentzerori, eta ildo horretatik, beste asmo bereziago batzuk ere agertu nahi nizkizuke; ez dira ez zehazki niri neuri edo nire familiari dagozkionak ez, baizik ere euskal komunitatea osatzen dugunoi dagozkigunak.
Zenbat eskertuko nizukeen euskaldun jendea, oro har, gutxi irakurtzera baina bereziki euskaraz gutxi irakurtzera emana den euskaldun jendea, erdal prentsatik askatu eta eskuarki euskal prentsa irakurtzera etor dadin, gero eta gehiago euskal liburuak irakurtzera, euskara egun baino debekatuago zegoen garaietan –egun ere Nafarroaren zati handi batean kasik debekatua eta zigortua dela, eta Iparraldean arras gutxietsia beti– banaka batzuen artean sortu zen euskal egarria susper eta heda dadin lau haizeetara eta zazpi lurraldeetara, geroz sutsu eta kartsuago.
Behar-beharrezkoak ditugun asmo eta ametsak Olentzero, denok geure baitan dugun gogoz eta indarrez aurrera eraman ditzakegunak, zinez haiek aintzat hartuak eta lagunduak izatera. Iragan urtea ez dakit nola joan zaizuen, heldu dena hobea izan dezagula opa dizuet!
Argentinako Abokatuen Gremioa erakundean egiten du lan Laura Taffetanik (Buenos Aires, Argentina, 1963). Gobernuaren errepresioa pairatu duten maputxe ugarirekin lan egin du azken urteetan, eta Askapena antolakundeak antolatutako topaketa antiinperialisten barnean izan da Euskal... [+]
Iragarrita zegoen moduan, Bilboko Errekalde auzoko Etxarri II gaztetxea hustu du Ertzaintzak 9.00etan abiarazi duen operazioarekin. Arratsaldean protesta manifestazioa egingo dute auzoan, 19:00etan Amezolako tren geltokitik abiatuta.
Ezbeharra ostegunean gertatu da eta SOS Nafarroak 16:00 orduak jotzear zirela jaso du haren berri. Medikua, anbulantzia et Foruzaingoa bertarako dira, baina ezin izan dute gizona suspertu eta bertan hil da.
Aurtengo berritasuna da. Ahobizi eta belarriprest rolen artean aukeratzeaz gain, herritarrek Euskaraldia Hikan parte hartzeko aukera izango dute. Hitanoa erabiltzen ez den herrietan, toka eta noka, bien erabilera bultzatuko da, eta hitanoa bizirik dagoen herrietan nokaren... [+]
Interview. Urez eta hondarrez
Egileak: Telmo Irureta eta Mireia Gabilondo.
Aktoreak: Telmo Irureta eta Dorleta Urretabizkaia.
Zuzendaria: Mireia Gabilondo.
Konpainia: Tentazioa.
Noiz: apirilaren 2an.
Non: Victoria Eugenia Klub Aretoan,... [+]
Ezagutzen duzue Kneecap filma? Oscar sarietarako hautatu zuten. Belfasteko hirukote baten istorioa da. Kneecap Hip Hop talde ezaguna da gaur egun, eta hizkuntzaren aldeko jarrera (gaelikoa) argia dute, IRAren osteko belaunaldiaren gorabeherak kontatzen ditu filmak; drogak eta... [+]
Galdera batzuen aurrean, behin eta berriz helduok ume sentitzen garela dio Iñigo Martinezek, “bizitza zulo existentzialez beterik” dagoelako. Galderaz galdera "behin-behineko erantzunen bila" aritzeko asmoa du irakasle eta filosofoak. ARGIA... [+]
Euskal Herriko Laborantza Ganberak hogei urte bete ditu. 2005ean sorturik, bataila anitzetatik pasa da Ainiza-Monjoloseko erakundea. Epaiketak, sustengu kanpainak edota Lurramaren sortzea, gorabehera ainitz izan ditu hogei urtez.
Giza-katea antolatu du Subflubiala ez! plataformak eta hitzordua Artaza-Romo Institutuan jarri du gaurko 18:00etan. Bizkaiko Foru Aldundiak Ingurumen Inpaktuaren Adierazpena (IIA) aldatzea du helburu eta horrelakorik ez du onartzen plataformak.
Europan kutsadura maila aztertzen aritzen den Toxicowatch erakundeak egindako ikerketaren emaitzak dira. Erraustegia martxan jarri aurretik egin zituzten lehen azterketak, eta ondoren 2024ra arteko laginak aztertu dituzte. Iazko laginen emaitzak dira honakoak.
Elkarteko Andoni Burguetek nabarmendu du espetxean dauden presoek egindako delitu gehienek behar sozioekonomikoekin lotura dutela.
Gergely Gulyas Hungariako Presidentetza ministroak eman du erabakiaren berri, Hagako auzitegiak atxilotze agindua ezarrita dion Benjamin Netanyahu Israelgo lehen ministroa herrialdera heldu den egun berean. Israelgo armadak Gazako eremu gehiago hartzeko asmoa duela... [+]