"Gauzak dauden bezala, ia hobeto “Vaya semanita” etxetik ikustea"
Barkua erabat hondoratu baino lehen jaitsi da kapitaina.
Aizu...
Gauzatxo bat: ez nintzen kapitaina, baina jaitsarazi naute, bai, ni eta beste lagun asko. Barkuaren popatik gainera. Eta barkua hondoratzear dagoen ikusteko dago oraindik.
Zazpi urte luzez Vaya Semanita-ko burua izan zarela esango dut hortaz.
Burua bai, baina ez ikuspegi hierarkiko edo anatomiko batetik: estetikotik baizik. Nire irudia saioaren markarekin lotua zegoen nolabait. Inongo aginterik gabe, ordea.
Arraroa egiten zait: dekapitazio bat saioaren birmoldaketa hutsagatik...
Baita niri ere, ez zara arraroa egiten zaion bakarra. Are gehiago, ez dut ulertzen eta ez nator bat hartutako erabakiarekin.
Presioak izan dira azken garaiotan, umore zuriagoa egiteko, adibidez?
Ez nik dakidala. Benetako kapitainei galdetu beharko genieke agian. Gainera, saioaren ezinbesteko baldintza izan da mundu guztia zirikatzea hasieratik. Oreka galduz gero, akabo.
Transgresioa deitu dio norbaitek horri...
Zalantzarik gabe, baina ez gara ez bakarrak, ez lehenak. Izan dira beste batzuk, beste neurri batean horretan aritu direnak. Eta datozela gehiago!
ETA inaktibo dagoenetik saioari audientziak apaldu egin zaizkio nabarmen...
Ez dut uste erlaziorik duenik. Hori bai, pena eman dit Vaya Semanita-n ez egoteak ETAk bere ekintzak bertan behera uzteko erabakia hartu zuenean.
Akaso izango da politikariak barregarri uzteko politikariak baino hoberik ez dagoela...
Beste egia borobil bat. Baina askotan ez gara horretaz konturatzen eta eskertzekoa izaten da errealitate hori umorez erakusten saiatzea.
Antzarak metro batzuk egiten ditu bururik gabe. Iraungo al du saio berrituak?
Batek daki. Erronka handia dute: audientzia baxua, aktore gehienen aldaketa, saioaren estrukturaren aldaketa osoa, emisio egun aldaketa... Gauzak dauden bezala, ia hobeto etxetik ikustea!
ETB2 inoizko daturik eskasenetan dabil.
Eta garai oparo batetik zetorrenez jauzia handiagoa izaten ari da. Audientzia txikia duenez, diru gutxi jasotzen du, eta dirurik ez duenez, telebista inguruan lan egiten duten asko langabezian daude...
ETB publiko, lehiakor eta kalitatezkoa nahi badugu, zer egin?
Hasteko, ez legoke gaizki gu kalera botatzeko izan duten begirune eskasa, okerreko erabakiak hartzen dituztenak botatzeko erabiliko balute.
Goizez Nafarroako zubirik esanguratsuenak jendez beteko ditu Sorionekuak dinamikak. Arratsalderako mobilizazio herritarra deitu dute Iruñeko Kostarapea parketik Alde Zaharreko Takonera parkeraino.
EAEko udal legearen euskararen arloko zenbait artikuluren aurkako epaia eman zuen Justizia Auzitegi Nagusiak 2023an, eta orain Gorenak berretsi du. Eusko Jaurlaritzak ez du garaiz aurkeztu epaiaren aurka egin zezakeen helegitea.
Lekeitioko Udalak jakinarazi du bandako zuzendariak tratu txarrak eman izana jaso dutela, hainbat testigantzaren bidez. Udalak azaldu du, Eusko Jaurlaritzaren aholkuak jarraituta, hainbat pauso eman dituztela, besteak beste, zuzendariarekin hitz egin, eta testigantzak jaso... [+]
Zibilentzat antolatutako txangoak igande honetatik aurrera egin ahal izango dira, printzipioz astebetez, eta egunero bi ateraldi antolatu dira. Sarrerak berehala agortu dira.
Orain arte uste izan dugu Erdi Aroan eta inprenta zabaldu baino lehen liburuak kopiatzeaz arduratu zirenak gizonezkoak zirela, zehazki, monasterioetako monjeak.
Baina Bergengo (Norvegia) unibertsitateko ikerlari talde batek ondorioztatu du emakumeak ere kopista... [+]
Florentzia, 1886. Carlo Collodi Le avventure de Pinocchio eleberri ezagunaren egileak zera idatzi zuen pizzari buruz: “Labean txigortutako ogi orea, gainean eskura dagoen edozer gauzaz egindako saltsa duena”. Pizza hark “zikinkeria konplexu tankera” zuela... [+]
Ospitaletik irten eta berehala prentsaurrekoa eman du Iker Aranak, Errekaldeko gaztetxearen aurrean. Gaztetxearen desalojoan ertzainek "neurrigabeko indarkeria" erabili zutela salatu du, eta salaketa hurrengo egunetan aurkeztuko du.
Aposapo + Mäte + Daño Dolor
Noiz: apirilaren 5ean.
Non: Markina-Xemeingo Akerbeltz Gaztetxean.
---------------------------------------------------------
Erosketetarako orgatxoa barazkiz beteta egin dut gaztetxerako bidea, eta haiek mozten eman dugu iluntzea... [+]
Gipuzkoako Euskal Pilota Federazioak 100 urte betetzen ditu aurten. Ospatzeko antolatu dituen ekitaldien artean dago apirilaren 12an Zumarragan egingo den bertso saio berezia. Pilotari bat arituko da gai-jartzen, eta pilotarekin harremana duten Gipuzkoako lau bertsolari kantuan... [+]
Laura Macayaren liburua ekarri du euskarara Katakrakek. Amaia Astobizak itzuli du, feminismoaren baitako eztabaidak ireki eta beste begirada batzuetatik ekiteko helburuarekin.
Palestinaren aldeko manifestazioetan parte hartzen duten atzerriko ikasleak kanporatzea baimentzen duen dekretua izenpetu zuen urtarrilaren 30ean AEBetako presidente berriak. Orduz geroztik ikasleen bisen baliogabetzeak errepikatzen dabiltza.
Helena Taberna zinegileak jasoko du aurten Donostiako Giza Eskubideen Zinemaldiaren Saria. Sariaren entrega ostiralean, apirilak 11, 20:00etan Viktoria Eugenia Antzokian ospatuko den bukaera emanaldian izango da.
Eritasunaren kontrako protokoloa salatzeko eta prefeturarekin hitzordu bat lortzeko asmoz, bideratu dute okupazioa ehun bat laborarik. Tuberkulosia kasu batzuk agerturik Zuberoan, eritasunaren kontrako neurri sanitarioak segitu beharrean dira inguru horietako 280 etxalde... [+]