20 N-a
Azaroaren 20a gero eta hurbilago dugun honetan, Espainiako Gorteetarako hauteskunde eta balizko emaitzetatik harago doazen aldaketak bizitzen ari gara. Adierazpen, akordio eta eszenifikazioen urtea izan dugu eta zenbaiten oinetakoen zoletan nabaritzen hasia den manifestazio andana. Aldaketena eta aurrepausoena ere, bazetozenak, baina azken hilabeteotan bizkortu direnak eta zenbaitek hauteskunde urgentziaren baitan kokatu dituztenak.
Urriaren 20an jaso dugu ETAren “azken” agiria eta ez dakit komunikatuaren inguruan zenbaitek eginiko espekulazio ariketak bukatutzat eman ditzakegun. Kontuak kontu, egunotan diskrezio eskaseko joko hauek zeinen mesedetan aritu diren pentsatzen egon naiz. Data ere ipini zioten, 20Naren aurretik izan behar zela, bai ala bai, PSOE Madrilen gobernuan den bitartean. Eta horrela izan den arren, sorpresarik ezean, PP izango da gatazka armatuaren ondorioak kudeatu beharko dituena. Eta orduan gogoratzen didate Zapateroren azken karta izan daitekeela, eta berriro lorontzitik kanpo nagoela ohartzen naiz, eta nire duda-mudak espainiar iritzi publikoak PSOEri saritu baino, zigortu egin diezaiokenaren inguruan. Inkestei begiratzea besterik ez dugu.
Espainiako Gorteetarako hauteskundeak izateko, oraingoan euskal alderdiak, batzuk aspaldian ez bezala, dena ematen ari dira. Ezker abertzaleak azkenaldian zabalduriko ildoaren baitan hauteskunde estrategiak ere birmoldatu ditu. Madrilgo bidea alboraturik izan du urtetan, eta EAJk bertako ordezkaritzaz eta gobernu ezberdinen ahultasunez baliaturik Euskal Autonomia Erkidegoarentzat lorturiko transferentziak gutxietsi ditu. Ibarretxeren proposamenari Gasteizko legebiltzarrean emandako hiru boto estrategikoak ere hor daude, agerian utziz Madrilgo horma gaindiezina zela. Baina oraingo testuinguru politikoan, Madrilgo Kongresuan talde parlamentario propioa izateari bestelako garrantzia ematen hasi zaio eta abstentzioaren aldeko argudioak ahaztu dira. Garai berrietarako bitarteko berriak, bakar batzuk aldaketaren egiazkotasuna asumitu ezinean badabiltza ere. Errealitate berriek taula politikoan birkokatze prozesua dakarte.
20Na pasako da, eta udal eta foru hauteskundeetako emaitzak zenbatetan errepikatu diren ikusiko dugu, eta urrun bada ere, 2013ra begira jarriko denik izango da. Bitartean, hemen, aro berriaren oinarriak ipintzen hasiak direla ikusten dugu. Orain etxea eraikitzea dagokio euskal gizarteari. Hori bai desafioa.
Iragan asteko ostegun eta ostiralean burutu zen ‘Nondik eta zeri ari gatzaizkio bertsotan?’ ikastaroa; 50 lagun elkartu dira jardunaldietan bertsoaren inguruko gaiez gogoeta egiten.
Toki-administrazioek zalantzan jarri dute ingurumen-inpaktuaren azterketa, eta ohartarazi dute ingurumenean eragin larria izango duela eta baterako azterketa egin beharko dela etorkizuneko proiektuetarako.
Lokalaren jabeak eta Ertzaintzak desalojatu eta hesitu egin dute Jardun Koordinadorak maiatzaren 1ean okupatu zuen Kantauri espazioa. Jauregi Jenerala kalean dago lokal hori, eta bi hilabetez egon dira Jardun Koordinadorako kideak bertan, hainbat gorabehera izan badituzte ere.
EAEko ikasleen erdiak baino gehiagok eskola partikularrak jasotzen dituela eta jatorri migratzaileko ikasleak gehien segregatzen dituen Espainiako Estatuko bigarren erkidegoa EAE dela ere adierazi du Esade EcPol erakundeko Lucas Gortazarrek, EHUren udako ikastaroetan.
Gazteen artean teknologia libreen ezagutza zabaltzeko “Digitalizazio arduratsua” proiektua prestatzen ari dira Baionako Etxepare Lizeoa eta Iametza. Gipuzkoako Foru Aldundiaren “Ideiak2024” aurrekontu parte-hartzaileetara aurkeztu dute egitasmoa. Gaur da
Sanferminetako lehen bi egunetan gutxienez bederatzi eraso sexista salatu dituzte, horietako hiru intentsitate handiko sexu erasoak, Mugimendu Feministak gaitzetsi duenez. Foruzaingoak erasoei lotutako gizonak atxilotu ditu, eta gertakariak ikertzen ari da. Erasoei erantzuteko... [+]
2022an baino 12 milioi ordainketa gehiago egin ziren, eta inoizko datu hoberenak lortu ditu 2023an. Gipuzkoan bizi diren emakumeak izan ziren Mugi sistema gehien erabili zutenak, eta gehienbat hiri-autobusen erabilera gailendu zen. Pasaiako txalupako eta Loiuko aireporturako... [+]
Ostegunetik aitzina egingo da festibala Bilbon, Kobetamendin. Behin baino gehiagotan salatu da bertako langileek baldintza negargarrietan egiten dutela lan, eta ostegunerako protesta deitu du Laneko Autodefentsa Sareak, 19:00etan, EiTBren egoitzaren aurrean. Langileentzako gida... [+]
Europar Batasunaren txandakako presidentetza beretu eta astebeteren buruan Viktor Orban hungariar lehen ministroak egin duen ezusteko blitz-ak azalpen serioa eskatzen du. Gaiaren neurrikoa.
"Zaila da, baina beharrezkoa". Hala azaldu du The Lancet zientzia aldizkariak Gazako hildakoak kontatzeko hartu duen lanaren berri. Hildakoen kopurua, gaixotasunak eta bestelako zeharkako faktoreak kontuan hartuta, gutxienez 186.000 pertsona hil dituztela kalkulatu... [+]
Netanyahuk baldintza bezala jarri du Israelek ofentsiba berrabiarazi ahal izatea “gerraren helburuak bete arte”. Iturri batzuen arabera, Hamasek onartu du su-eten iraunkorra negoziaketen lehen fasean adostea, aurrebaldintza izan beharrean.
Espainiako Auzitegi Nazionaleko apelazio aretoak astelehen arratsean esan du baliogabetu egin behar direla Tsunami auzi judizialaren ikerketako azken hiru urteak, "ilegalki" luzatu zelako. Erabaki hori behin betiko bihurtzean Carles Puigdemont eta Marta Rovira kasutik... [+]
Otsailean atxilotu zuten Iturmendiko pertsona bat, eta bi urte eta erdiko espetxe-zigorra eskatzen dute bere kontra, sare sozialetako zenbait mezu direla-eta. Uztailaren 16an epaituko du Espainiako Auzitegi Nazionalak.
Frente Herritarrak irabazi ditu hauteskunde legegileak Pirinio Atlantikoetako seigarren hautesbarrutian, Peio Dufau izanen delarik diputatu heldu diren urteetan. Bozen %36,28 bildurik, 27 117 bozekin, historiako lehen diputatu ezkertiar abertzalea izanen da. Haren gibeletik,... [+]
Euskara eta euskal literatura, programaketatik ikasgelara jardunaldia antolatu dute elkarlanean Seaskak eta UEUk Baionan, Udako Ikastaroen barruan, eta bertan parte hartuko du Katixa Dolhare Zaldunbidek. Ezpeletan sortu zen 1982an, Lapurdin, eta familiarekin Nafarroa Beherean... [+]