Gastua ala inbertsioa?
Presa usaina hartu dute jada gure goizek. Eta irailarekin batera, egunerokotasuna heldu da gure mundu txikira, hezkuntza mundura.
Ikastetxeetako ateak zabaldu direnean, ordea, ikusi dugu krisia –edo krisiaren aitzakia: Geu hortan!–, gure aurretik heldu dela eskolara.
Batean irakasleak falta direla, bestean ordezkapenak ez direla beteko... murrizketak eta murrizketak! Horra hor eskola bazter guztietako kontua. Horren guztiaren aurrean greba eta protesta oihuak zabaldu dira han eta hemen. Eta hasi besterik egin ez den ikasturtearen ibilbide laburrak erakutsi digu ikasturte berria ez dela oso gozo agertu.
Auskalo zer erantzungo lukeen ikasle batek murrizketa hitzak zer iradokitzen dion galdetuz gero. Haiek eta haien etorkizuna izanik ere murrizketek lehenik baldintzatuko dituztenak. Ondoren, hezkuntzako langileen lan baldintzak eta azkenik, eta komeni da hori ere oso gogoan izatea, jendartea eta herri honen etorkizuna.
Eta murrizketa hitzaren esanahiaz gure artean galdetuz gero? Arabako, Bizkaiko eta Gipuzkoako hezkuntzaren ardura nagusia duen Isabel Zelaak egin dituen adierazpenek, guri behintzat, ez digute argibide askorik eman. Izan ere, ez dituztela murrizketak egingo esan eta gero, herrialde horietako eskoletan 9.000 ikasle berri gehiago izango direla esan zuen harro. Eta irakasle kopuruak iazko bera izaten jarraituko du. Pezeten garaiko txiste hura dirudi, gasolina etengabe garestitzen ari zela ohartu ez zen harena, beti 2.000 pezeta botatzen baitzituen deposituan.
Ekonomiak behartutako murrizketak omen. Gastua ala inbertsioa, hezkuntza zer ote den serioski aztertzea eskatzen ari da geroz eta ahots gehiago. Harrigarri da, baina ahots horiekin bat egin dezake baita ere Ekonomia Lankidetza eta Garapenerako Erakundeak (OCDE).
Erakunde horrek, Hezkuntzaren egoera 2011 txostena aurkeztu berri du. Hamaika azterketa eta kalkulu egin dituzte eta datu garrantzitsu bat plazaratu dute: hezkuntzan inbertitzen den euro bakoitzeko 3,9 euroko mozkina erdiesten da. Ondorioa ere atera dute: hezkuntzaren onurak oso handiak dira bai norbanakoarentzat bai jendartearentzat.
Bistan da, interes ekonomikoei begira dagoen erakunde horrek ere ez lituzkeela hezkuntzan murrizketak egingo. Beste hark esango lukeen gisan: egungo ogia, biharko gosea!
Festa egiteko musika eta kontzertu eskaintza ez ezik, erakusketak, hitzaldiak, zine eta antzerki ikuskizunak eta zientoka ekintza kultural antolatu dituzte eragile ugarik Martxoaren 8aren bueltarako. Artikulu honetan, bilduma moduan, zokorrak gisa miatuko ditugu Euskal Herriko... [+]
Soco Lizarraga mediku eta Nafarroako Duintasunez Hiltzeko Eskubidea elkarteko kidearen ustez bizi testamentuak heriotza duin bat eskaini eta familiari gauzak errazten dizkio.
Bilbo Hari Gorria dinamikarekin ekarriko ditu gurera azken 150 urteetako Bilboko efemerideak Etxebarrieta Memoria Elkarteak. Iker Egiraun kideak xehetasunak eskaini dizkigu.
Laudion, Aiaran eta Okondon izango du eragina energia azpiegiturak eta plataformaren aburuz, proiektuak eta ingurumen-inpaktuaren azterketak gabezia garrantzitsuak dituzte.
"Entseatzen gira arnas gune bat sortzen Donibane Lohizunen, hain turistikoa den herri honetan". 250 kiderekin Donibane Lohizuneko Begiraleak kultur elkarteak 90 urte bete ditu aurten. Lau emaztek sortu zuten talde hauetan eramaile izan zen Madeleine de Jauregiberri... [+]
Karmela espazio autogestionastuan egingo ditu, eta Euskal Herriko zein nazioarteko gonbidatuak egongo dira bertan. "Koiuntura analisi orokorretik abiatu eta Euskal Herriko borroka internazionalistaren gakoetarainoko bidea" egingo dutela adierazi du Askapenak... [+]
33/2013 Foru Legeari Xedapen gehigarri bat gehitu zaio datozen aldaketak gauzatu ahal izateko, eta horren bidez ahalbidetzen da “erregimen frankistaren garaipenaren gorespenezkoak gertatzen diren zati sinbolikoak erretiratzea eta kupularen barnealdeko margolanak... [+]
2025 amaitu baino lehen Gernikako Estatutuan jasotzen diren eskumen guztiak izatea espero du Jaurlaritzak. Oraindik 25 eskumen falta dira. Transferentzia Batzordea aurreko astean biltzekoa zen baina "agenda arazoak" zirela eta atzeratu zuten.
Elgarrekin izena du Duplak egin duen aurtengo abestiak eta Senpereko lakuan grabatu zuten bideoklipa. Dantzari, guraso zein umeen artean azaldu ziren Pantxoa eta Peio ere. Bideoklipa laugarrengo saiakeran egin zen.
“Kasu, ez gitxu lo!”. Gure denbora eta manerekin baina heldu gira.
Azaroaren 25ean Baionako elgarretaratzera joan ez joan eta autoak nola partekatu pentsatzetik (joan-jina bi oren), bat-batean Lartzabalen elgarretaratze bat antolatu genuen, eta 47 emazte bildu!... [+]
Alemaniako Poliziak asteleheneko gertakariaren arrazoiak "politikoak" zirela baztertu duen arren, 35 urteko Alexander Scheuermann Ring Bund talde neonaziko kide zen. Bi hildako eta hamar zauritu utzi dituen atentatuaren egileak sare sozialetan "gorroto mezuak"... [+]
“Bi pertsona mota daude munduan: euskaldunak, batetik, eta euskaldunak izan nahiko luketenak, bestetik”. Gaztea zela, Mary Kim Laragan-Urangak maiz entzuten omen zuen horrelako zerbait, Idahon (AEBak), hain zuzen. Ameriketan jaio, hazi, hezi eta bizi izandakoak 70... [+]
Martxoaren 8a, Emakumeen Nazioarteko Eguna, munduan zehar milioika emakumeontzat berdintasuna, eskubideak eta justizia eskatzeko borroka eguna da. Hala ere, gerrek, gatazkek eta politika militaristen hazkundeak markatutako testuinguru global batean, inoiz baino premiazkoagoa da... [+]
Geroa Baiko lehendakari eta Nafarroako lehendakariorde izandakoa enpresa bati 2,6 milioi euroko diru-laguntzak ustez modu irregularrean emateagatik zegoen auzipetuta, Davalor auzia deiturikoan. Nafarroako Probintzia Auzitegiak erabaki du auzia behin betiko artxibatzea, legalki... [+]
Nahiz eta Nazio Batuen Erakundeak (NBE) 1977an nazioarteko egun bat bezala deklaratu zuen eta haren jatorriaren hipotesi ezberdinak diren, Martxoaren 8aren iturria berez emazte langileen mugimenduari lotua da.