EHUko Campusa aldizkarian irakurri berri dudan elkarrizketa batean behin eta berriro lotzen da irakasle lana (haurrekin, kasu horretan) sentimenduekin. Izugarrizko garrantzia ematen zaio harreman ona izateari gelan, giro egokia izateari, denok gustura egoteari... eta egia esan niri ere nahiko garrantzitsua iruditzen zait kontu hori.
Elkarrizketan, tamalez, ez zen beste hainbat konturi buruz hitz egiten. Esaterako, irakaslearen formazioaz, ikasleak hezi beharraz, gelakoen artean baten ardura besteak heztea dela, irakasle lanak eskatzen dituen ikasketez, metodologiez, eduki zientifikoez eta abarrez oso gutxi aipatzen zen.
Antzeko zerbait gertatu zen Gasteizko Irakasle Eskolako azken promozioaren ekitaldian. Diskurtso gehienak sentimenduei buruzkoak izan ziren, zer garrantzitsua zen enpatia, harreman ona izatea ikasleekin eta antzeko kontuak.
Nik klasean, ordea, urtero esan ohi diet nire ikasleei ni ez naizela haien “kolega”, ez naiz adiskide bat, irakaslea baizik. Eta irakaslearen ardura, betebeharra, askoz ere zabalagoa da; garrantzitsua da gelan giro ona izatea, garrantzitsua da komunikazioa egotea eta askatasuna norberak bere iritziak azaldu ahal izateko; baina inola ere ez da irakasle baten lana ikasleen nahia egitea, ikasleei zailtasunak eragoztea, ikasleen gustuetara mugatzea. Literatura irakasleak, esaterako, irakurzaletasuna bultzatzea baino askoz gehiago egin behar du; irakurketak eskaini, irakurtzeko moduak azaldu, ikaslea prestatu edozein testuren aurrean gaitasunak izateko... eta hori egitean, zenbaitetan, esfortzua, lana, eskatuko dio ikasleari. Baina ikasle horrek, pertsona horrek, etorkizunean hainbat tresna izango ditu testu ezberdinak irakurri ahal izateko, testuekin gozatzeko, Sarrionandiak zioen bezala idazle izateko irakurtzen duelako.
Gure gizarte honetan, baina, gero eta sarriago ikusi ahal dugu arduren utzikeria. Lasaitasunagatik, arazoei aurre ez egitearren, gero eta gehiagotan ikusten dugu “giro ona” bilatzen duten... gurasoak, esaterako. Etxean umeei nahi dutena egiten uzten dieten gurasoak, nahi dutena jaten ematen dietenak, “eskolan irakasten diote eta hemen, total, astean bi egunetan bakarrik egonda berdin da zer jaten duten”, “bi egunegatik ez dut eztabaidatuko”; izan ere irakasleak bezala, gurasoak ere ez dira seme-alaben adiskide hutsak, ez dira kolegak.
Euskalgintzaren Kontseiluak Zaintza eta euskara. Sareak eraikitzen jardunaldiak egin ditu irailaren 26an, Donostian. Idurre Eskisabelek, Kontseiluaren idazkari nagusiak, lehen hitzaldian adierazi du “urgentziazkoa” dela gaiari heltzea. Jardunaldien helburua ez da... [+]
"Segurtasun gehiago, inmigrazio gutxiago". Bruno Retailleau barne ministro frantsesa argi mintzatu da, kargua hartu berritan. Etorkinen gaineko kontrola azkartu nahi du Michel Barnier lehen ministro eskuindar-kontserbadorearen gobernuak, eta jada Retailleauk aitzinatu... [+]
Antena3 telebista kate espainiarreko Espejo Público saioak erreportaje sentsazionalista bat eman zuen asteazkenean, Donostiako ustezko segurtasun faltaren inguruan eta fokua gazte magrebtarretan jarriz. Erreportajea publikoki salatu du Kaleko Afari Solidarioak (KAS)... [+]
Premiazko txostena eskatu dio Nafarroako Kontseiluari. Behin betiko onartzeko aurretiazko urratsa da, Nafarroako Justizia Auzitegi Nagusiak aurreko dekretuaren zati batzuk baliogabetu eta bost urtera.
Egun osoko egitarauarekin elkartuko dira, eta Euskal Herria feministaranzko bidean, nondik, nora eta nola trantsitatu nahi duten zehazten jarraitzeko konpromisoa berretsi nahi dute.
ABRA Arabako Errioxako Upategien Elkarteko upategiek ekoitzitako ardo botilek bereizgarri propioa izango dute uzta honetatik aurrera. Markaren sustapen kanpaina ere egingo dute Araba, Bizkaia eta Gipuzkoako hiriburuetan. Kontsumitzaileei lagundu nahi diete Arabako ardoak eta... [+]
Artikoari begira jarri eta XXI. mendeko erronka eta arazo handienez hitz egiten bukatzen dugu aski fite: geopolitika, edo hobeki erran gerlak eta klima larrialdia. Horretaz kontziente, Artikoko Batzarraren baitan egin ahala eraikitzaile eta bakezale izateko jarrera izan dute... [+]
Orain dela hogei bat urte izandako mehatxuak datoz Gipuzkoako mendietara berriro ere, eta ez nolanahiko neurrian, gainera; tamaina eta kantitate handiagoan baizik. Proiektuok –bakarren bat jadanik eraikia; Zubietako erraustegia, kasu– landa-eremuan edota mendian dute... [+]
Urriaren 10 eta 11n Gasteizko Europa Jauregian egingo dira Euskalgintzaren Kontseiluak eta Eusko Jaurlaritzaren Hizkuntza Politikarako Sailburuordetzak lankidetzan urtero antolatzen dituzten jardunaldiak.
Iturramako taberna herritarrari eraso egin zioten egunean bertan Iruñean ziren arren, salatutakoan parte hartu zutenik ezin dela frogatu dio epaileak. 2022ko azaroan Ezpala taberna txikitu eta bertan ziren bezeroak jipoitu zituzten Bartzelonako ultrek.
Realeko futbol taldeko entrenatzaile Imanol Alguacilek, Nizan, Europako Ligako partiduaren aurretik eskainitako prentsaurrekoan euskarazko hedabideei euskaraz erantzuten ari zela, hainbat kazetariren kexa entzun behar izan du. Duela astebete antzeko egoera gertatu zen... [+]
Osakidetzako lan eskaintza publikoen eredua "berrikustea" eta kontsolidazio prozesuak "bukatzea" galdatzen duen ekimen parlamentarioa adostu dute hiru alderdiek.