Musuen paradisua

  • MAIDER GARCIA DE VICUÑA eta IRATXE PORRAS ::Sexualitatean xirikatuz

    Erein

    orrialdeak ::350

    prezioa ::24€

Sexualitatean xirikatuz
Sexualitatean xirikatuz liburuaren azala
Liburu bat gustatu zaigunaren seinalea, irakurritakoan norbaiti oparitzea edota gomendatzea izaten da. Irakurri berri dudan liburua oparitzeko eta gomendatzeko ezin interesgarriagoa da. Badut iloba bat 16 urtekoa eta iruditzen zait sexualitate marjinatuez, prostituzioaz, pornografiaz eta erotismoaz, transexualitateaz, homosexualitateaz nahiz trabestismoaz edo transgeneroaz ikasteko oso ondo etorriko zaiola. Liburu honek kontzeptu esparru oso aberatsa du. Kapitulu bakoitza, informazio kapsula bat da. Gustura irakurtzen dena eta luzeran tamaina aproposa duena. Hamar minutu irakurri eta hurrengo egunerako mesanotxean utzi. Hartara, beste liburu bat tartekatzeko aukera ere eskaintzen du.

Hain interesgarria iruditu zait, euskaltegietako irakasleei ere, testu tipologia lantzeko edota irakurmena jorratzeko aproposa begitandu zaidala eta gomendatu diedala. Are gehiago, esparru didaktikoan lana egiten duten lankideei ere, pedagogiaz, generoaz, eta sexualitateaz euskaraz ikasteko nahiz irakasteko oso interesgarria dela aipatu diet. Pedagogikoa, didaktikoa eta gainera komunikatiboa da liburu hau. Gaiak, berriz, lehen esandakoaz gain, modu erakargarrian landu dira, jakintza handiarekin alegia. Laranja Erdiaren teoria azaltzeko Aristofanesenganaino jo dute edota Elizak emakumea baztertu duela esateko Maria Magdalenaren bazterketa proposatu dute. Jesus eta Maria Magdalena bikote izan ziren susmoa ikerlarien artean gero eta hedatuago dago. “Gutxienez seme bat izan zutela, Judah izenekoa” eta egileek, horren harira, James Cameroren The lost tomb of Jesus (Kristoren Hilobi Galdua) dokumentala ikustea aholkatzen dute.

Sorginak ere ez dira falta historiari egindako behatu honetan. “Herritarrek begirunez hartzen zituzten emakume horiek, baina agintariek sorgin berritsutzat hartzen zituzten, eta zientzia jakin batzuk indarra hartzen hasi zirenean (medikuntza, kimika, fisika, farmakologia), lan horietan ari ziren gizonek bat egin zuten Estatuarekin eta Elizarekin emakume horiek erditik kendu ahal izateko”.
Zazpi kapitulu dira guztira, eta orain arte esandakoari gehituko nioke, sukalde lanetan aritzeko ere lagungarria suerta daitekeela liburuak dakarren afrodisiakoen zerrenda: dela baratxuria, dela zainzuria, azafraia, ginsenga, jenjinbrea, mertxika, melokotoia, kalabaza…

Hainbeste gauzen artean nekeza lirudike desioaren misterioa deskubritzea, baina 350 orrialdetan barrena seguru aurkituko duzula, izan ere, sexualitatearen zirrikitu guztiak ondo miatu eta ikertu baitituzte sexologo hauek, Zakil Jainkotik hasi eta Musuen Paradisurainoko bidaian.

Azkenak
2024-12-21 | Iñaki Lasa Nuin
Pagadiak

Barkatu hariztiak, artadiak, zumardiak, lertxundiak, lizardiak, haltzadiak, gaztainadiak, urkidiak, gorostidiak, sagastiak, pinudiak eta zuhaitzen elkarte guztiak, baina, gaur, pagadiak du hitzordua negu-mugako ospakizunak direla eta.

Errazagoa egiten zait negu-mugako... [+]


Elkar mugituz?

Badator Euskaraldia, berriz ere. Urte berriko udaberrian izango da oraingoan, antza. Dagoeneko aurkeztu dute eta, egia esanda, harritu egin nau; ez Euskaraldiak berak, ezpada beraren leloak: Elkar mugituz egingo dugu.

Irakurri edo entzun dudan lehenengoan, burura etorri zait... [+]


Gobernu berriaren aurrekontu neoliberal zaharrak

 Ildo beretik dator Eusko Jaurlaritza berriaren politika. Hitzak bai, baina ekintzak ez dira argi ikusten Pradalesen gobernuak aurkeztutako aurrekontuan.


Israelek hildako 17.000 haur palestinarren izenak irakurriko dituzte Iruñean 30 orduz jarraian

Ekimena abenduaren 28an egingo da Iruñeko Baluarte plazan. Goizeko 11:00etan ipuin irakurketa antolatu du Yalak La diverxa Cris ipuin kontalariarekin eta, ondoren, 12:00etatik aurrera, BDZ (Boikota, Desinbertsioa eta Zigorra) ekimenak antolatuta egingo da irakurketa.


2024-12-20 | Nekane Txapartegi
Izartxoak *, arriskutsuak patriarkatuarentzat

Sistema kolonial kapitalista heteropatriarkala auzitan jartzen eta borrokatzen denean, gupidarik gabe erasotzen du bueltan. Eskura dituen tresna guztiak erabiliz, instituzioak, medioak, justizia, hizkuntza, kultura, indarkeria... boterea berrindartzeko, sendotzeko eta... [+]


Siriako Arabiar Errepublikaren amaiera

Siriako Arabiar Errepublikaren amaierak harridura handia sortu du, gertatu den moduagatik: azkar eta ia erresistentziarik gabe. Halere, ez da hain arraroa herrialdea suntsituta, pobretuta eta zatitua zegoela kontutan hartzen badugu. Aspalditik siriar gehienen ardura ez zen nor... [+]


2024-12-20 | Sonia González
DSBEren ‘humilladeroa’

Betidanik begitandu zait esanguratsuagoa han-hemenka topa daitezkeen guruztokiei gazteleraz esaten zaien modua: humilladero. Ez al da guruztoki edo santutxo izen nahiko light, zuri edo haragoko konnotaziorik gabekoa? Azken batez, bertatik pasatzen zen oro umiliatu behar zen... [+]


2024-12-20 | Hiruki Larroxa
Irribarre egin, murtxikatu eta isildu

Askok, Gabonetan, ilusioa baino alferkeria handiagoa sentitzen dugu familia-otordu eta -topaketetan pentsatzean. Baina aurreratzen dizuegu ez dela otordua bera kolektiboki deseroso sentiarazten gaituena, familia tradizionala definitzen duen normatibitatea baizik. Are gehiago,... [+]


Globo morean

Ztandap
Nork: Mirari Martiarenak eta Idoia Torrealdaik.
Noiz: abenduaren 6an.
Non: Durangoko San Agustin kultur gunean.

------------------------------------------------------

Laugarren pareta hautsi eta zuzenean, zutik eta beldurrik gabe interpelatzen du publikoa stand... [+]


Kongo eta kobaltoa
Zertarako gaude prest konektatuta jarraitzeko?

Balio digu ilunabarrarekin azken erretratu hori ateratzeko. Edo istant batean ordaintzeko barrako zerbitzariari eskatu berri diogun marianitoa. Eta ze arraio, Levi’sak imitatu nahi dituzten praken atzealdeko poltsikoan ezin hobeto datoz. Horretarako ere balio du... [+]


2024-12-20 | Xalba Ramirez
Xabier Badiolaren gitarra: zaharra zena, berri

Xabier Badiola
Xabier Badiola
Gaztelupeko Hotsak, 2023

-------------------------------------------------

Ea, ba. “Gaur egungo musika” musika deitzen zaio erritmo kutxa elektroniko bat duen edozeri, eta, klaro, horrela ezin da. Lerro hauetan saiatu izan gara... [+]


Eguneraketa berriak daude