I
Galto pare bat badüt
zoriontarzünaz:
ezberdin dea gaüaz,
ezberdin egünaz?
Jiten dea ments zenaz
edo badügünaz?
Lüzatzen ote zaigü
haren oihartzünaz?
Guiaz ai(0) gira edo
lürralde hürrünaz?

 IV
Gero haüteskundeak
ta aitzin auziak,
ilegal izatetik
emanik jauziak,
«faxismoaren kontra
kolore biziak»
gainditüko dütügü
holaxe krisiak,
irabaztez gozoa
goxo dü biziak.

II
Kanpokoa txestatzen
hasi beiniz jada,
besteen irriñoa
harrigarria da,
bena ez niz ütsützen,
guian(1) ere bada
zoriontsü izateko
behar den parada
onartzen dügülarik
haren besarkada.

V
Ene galto güzier
ezin ihardetsi,
berriz pentsatüko düt
hau güzia(r)i etzi,
boztarioarekin
ez düt nahi etsi,
nahi nüke badüan
zükü oroz jetsi
nahiz posible denik
ezin den sinetsi.
 

III
Presontegi zigorra
gogorra, garratza,
lehenik penak eta
gero esperantza,
ez düt orai erranen
hau dügünik xantza,
bena ospakizünez
egin günin(2) dantza
azkenean askatü
züelarik Gatza.