Zoriontsu sentitu beharko genuke!
Bizitzak mila aldaketa jasaten dituela soberan dakigu denok, baina aldaketa horienganako jarrera egokia zein den ez dugu horren argi ikusten. Bi gizarte zeharo ezberdinetan sortu eta hazia naiz, horrek ikuspegi erabateko ezberdina ere ematen didala uste dut. Kasu honetan Euskal Herria eta Mendebaldeko Sahara, amankomuneko historia duten arren, oso bestelakoak ere badiren herrialde guztiz zoragarriak dira.
Azken urteek Euskal Herrian mina egin dute, langabezia, zailtasun ekonomikoak, oztopo politikoak... Eta txarra dirudien arren irakurketa ona atera beharko genioke honi guztiari. Bizitzako zailtasunetatik ikasi egiten dugu, edo beharko genuke, eta egoera ezberdinetara moldatzen ikastea ez da txarra. Zenbait kasutan galdera bera datorkit burura, nola da posible denok gizakiak izanda horren ezberdin jokatzea? Zenbait familia bizitzen ari diren egoera oso kezkagarria da, baina beste kasu batzuetan ez ote ditugu arazoak direna baino handiago egiten?
Saharan izan ditudan bizipenek pentsarazten didate, agian, oso negatibo jokatzen ari garela Euskal Herri maitean. Oso aberats sentitu beharko genuke, familia eta lagunak bezalako altxorrak ditugulako. Ezin ahaztu diru zikina, eta berarekiko dugun menpekotasuna. Benetan beharrezkoa da, edo guk egiten dugu ezinbesteko?
Batzuetan burura datozkit txikiak garenean izaten ditugun panpinak eta beraien “akzesorioak”, ez ote garen horiek bezalakoak bihurtzen ari. Barbie eskiatzailea...
Denbora aurrera doan heinean geroz eta garbiago ikusten dut bizitzak, bestela ere, nahiko kolpe ematen digula eta guk ez diogula horretan lagundu behar. Nire Saharako amonak beti esaten dit gauzak lasai hartu behar ditudala, eta kostatzen bazait ere, saiatzen naiz. Askorentzako lasaitasun hori gehiegizkoa da, bereziki hemengo kulturatik ikusita. Non dago oreka? Zein da patxada eta histeriaren arteko muga?
Ene ustean elkarrengandik zer ikasia badugu, hemen arazoak behar direna baina handiago ez egiten eta han, agian, bizitzako egoerak errealago ikusten.
Ni nire aldetik baikorragoa izaten saiatzen naiz egunero, eta sinestu egiten dut botila erdi hutsik edo erdi beterik norberaren ikuspegiaren arabera dagoela. Beharbada benetako egoera gogor bat bizitakoan gauza bakoitzari duen garrantzia emanen diogu. Betiere gora bihotzak!
, Nafarroako parlamentuan..jpeg)
Bizikidetasunaren eta Nazioarteko Elkartasunaren batzordeak Munduko Medikuak erakundearen eskaera onetsi du, PSNk aurka bozkatu duen arren. Irailean zehar 40 bat lagunek Mendebaldeko Saharatik Madrilera bidaiatu zuten nazioarteko babes eske eta dagoeneko haietatik hamasei... [+]
Emmanuel Macron Frantziako presidenteak Marokoko Mohamed VI erregeari gutuna bidali dio babesa adierazteko.
Ostiral arratsaldean deportatu behar zuten, baina hegaldiaren komandanteak ez zuen sahararraren bidaia ahalbidetu, hegaldia segurua ez zela izango argudiatu zuelako, EFEk jaso duenez. Bilboko Guardia Epaitegiak larunbat goizaldean gaztearen “askatasun-gabezia... [+]
Ostiral arratsaldeko 15:00etan deportatuko dute Bilbotik Tangerrera doan hegaldi batean, EITBk informatu duenez. Espainiako Auzitegi Nazionalaren arabera, “gaur egun ez dago demandatzailearen bizitzarako edo osotasun fisikorako berehalako arrisku edo arrisku... [+]
Gizona Marokotik zetorren hegaldi batetik iritsi zen eta asiloa eskatu zuen, jazarritako ekintzaile politikoa zelako. Ukatu egin zioten eta gaur deportatu behar zuten, baina atzeratu egin dute. Abokatuek Auzitegi Nazionalaren aurrean aurkezturiko “erreguzko... [+]
Arnas luzeko kazetaritza maite du Kristina Berasainek. Kazetaritza pausatua. Haimaz haima ibili da sahararrekin hizketan, kontakizunak eta testigantzak bilduz, gero horiek guztiak liburu eder batean harilkatzeko. Pasioz eta pazientziaz, ia 50 urte erresistentzian daraman saharar... [+]
Sahara, herri bat erresistentzian liburua argitaratu du Kristina Berasainek. Urte luzez jarraitu du Mendebaldeko Saharako gatazka, 2005ean BERRIA egunkariko kazetari gisa lurralde okupatuetara lehen aldiz bidaia egin zuenetik.
Mendebaldeko Sahararen alde egingo dute kontzertua hilaren 22an, Kursaalean. Bertan izango dira Oreka TX, Eñaut Elorrieta, Mikel Urdangarin, edo Minatu Embarek, Nayat Hosseinek eta Hayuh Ramsik artista sahararrak, besteak beste. Sahararrak gerran daudela ez dela ahaztu... [+]
Mendebaldeko Saharako Smara hirian urriaren 29an jaurtigaiekin izandako eraso ezezagun batek gorenean jarri du Fronte Polisarioaren eta Marokoko armadaren arteko gerra. Gaza bezala, harresi luze batez inguratuta dago herrialde osoa, eta Israelek palestinarrekin egin bezala,... [+]
Benjamin Netanyahu Israelgo lehen ministroak gutun bat bidali dio Marokoko Mohamed VI.a erregeari, "harremanak sendotzeko" pausoa emateko. Astelehenean baieztatu du asmoa dutela okupatutako Mendebaldeko Saharako Dakhla hirian kontsulatua irekitzeko.
Espainiako Kanpo Arazoetarako ministroak ukatu egin du Espainia Mendebaldeko Sahararen potentzia administratzailea dela. Baina bada.
Urteetan, Espainiak Sahararen gaian neutrala zela zioen, nahiz eta gezurra izan: partziala zen, oso. Marokoren alde. Palestinako Aginte... [+]
Marokok 2020an ia hiru hamarkadatako su etena hautsi zuenetik, gerra berrabiarazi dute Rabatek eta Mendebaldeko Saharako askapen mugimendu nazionalak. Polisarioa XVI. Kongresua egiten ari da egunotan, eta estrategia berria eztabaidatzen ari dira. Buruzagitzan Brahim Galik... [+]
Azaroko igande eguzkitsu bat da eta Hernaniko Kulturarteko Plaza Feministara joan naiz, erresistentzia istorioen Hariak zinemaldia antolatu dutela eta. Bertan parte hartu du, besteak beste, Loueila Sid Ahmed Ndiaye abokatua sahararrak, zeina Kanaria Uharteetan bizi baita... [+]