Herritarrek sortzen dugun zaborraren gestioa garrantzi handiko gai bihurtu da udaletan eta aldundietan. Gipuzkoan berebiziko intentsitatea izan du eztabaida horrek, batez ere Txingudin errauste planta egiteko proiektua hasi zenetik eta Gipuzkoako Aldundiak ere bere hondakinen planean errausketa aurreikusten duenetik.
Gipuzkoan 2002an onartu zen hondakinen plana (PIGRUG). Europako zuzentarauetan nagusi den definizioarekin bat egiten du plan horrek, eta hondakinak energetikoki balioztatu daitezkeen gai gisa hartzen ditu, besteak beste, intzinerazioaren bidez. Bilketa selektiboaren arloan ere sakontzen du. Esaterako, 2008an, plana berrikusi zenean, hondakin organikoa biltzeko proiekzioa handitu zen, “bosgarren kontenedorea” deiturikoa hedatu ahala. Dena den, zaborren bereizketa herritarren borondatearen eta ohituren esku uzten du sistema horrek, eta ondorioz, birziklapen maila apala izan da martxan jarri den herrietan. Plan eta sistema horren aldeko dira Batzar Nagusietako EAJko, PSEko, PPko eta H1!-eko taldeak –gaur egun gehiengo dira–, udaletan ere nagusiki bilketa eta tratamendu sistema hori defendatzen dute alderdi horietako zinegotziek.
Erraustegi proiektuek berehalako oposizioa sortu zuten Gipuzkoan. Baina alternatibak ere jarri dira praktikan legealdi honetan, Zubietan egitekoa diren plantari aurre egiteko hain zuzen. Italia eta Kataluniako adibideak eredu hartuta, hainbat udalerritan zaborrak atez ate biltzen hasi dira (Usurbilen, Hernanin, Oiartzunen eta Antzuolan) eta beste zenbait herritan sistema bera jartzeko asmoa agertu dute. %80tik gorako birziklatze maila dakar zaborra anonimotasunik gabe biltzeak eta erraustegia bideraezin bihurtzen du, “zero zabor” ideiarekin bat eginez.
2010ean alderdi politiko, sindikatu eta gizarte eragile ugarik Usurbilgo Ituna sinatu zuten, errausketaren kontra eta atez ateko bilketaren alde. Erraustegia ez eraikitzeko moratoria eskatu zioten Aldundiari eta “zero zabor” programa bat has zezala. Itun horretan kokatzen dira honako indar politikoak: Ezker abertzalea, Alternatiba, EB, Berdeak, Aralar, EA eta Zutik. Moratoriaren eskaera izango da, zalantzarik gabe, datorren legealdiko eztabaidagai nagusienetakoa eta erakunde publikoetako korrelazio politikoak. baldintzatu ditzake.
Hondakinak gestionatzeko eskumena udalena bada ere, auziak bete-betean harrapatu ditu mankomunitateak, sistema bat edo beste bultzatzeko ahalmena baitute. Udal bakoitzak erabakitzen du mankomunitateetan zein ordezkaritza eduki eta negoziaketek eta paktuek egundoko garrantzia dute. Horren adibide da, esaterako, San Marko Mankomunitatean izandako norabide aldaketa, legealdiaren amaieran PIGRUGaren aldekoak egin baitziren zuzendaritzako jabe.
Eskumenen kontua korapilatsua da ordea. Udalen autonomia zalantzan jarri izan dute errausketa defendatzen dutenek, hondakinak biltzeko eta tratatzeko ardura udalen gainetik dauden erakundeen esku utziz. Zentzu horretan, 2007an Gipuzkoako Hondakinen Partzuergoa sortu zuten Aldundiak eta mankomunitateek. Partzuergo hori ari da Zubietako plantako proiektuaren gurditik tiraka.
Kontuak horrela, hainbat fronte daude zabalik, eta gauza asko jokoan: konpostatze planta berriak eraikitzea; erraustegia finantzatzeko bankuekin sinatutako akordioaren baldintzak argitzea; atez atekoa sistema edo bosgarren kontenedorea ezartzea; mankomunitateen eta Partzuergoaren kontrola zeinen esku geratuko den... eta jakina, erraustegia eraiki edo moratoria onartuko den. Zubietako plantak 580 milioi euro kostako du, 260.000 tona zabor erretzeko gaitasuna izango du, eta bi kilometroko erradioan 25.000 lagun baino gehiago bizi da. n
Tuteran 30 urteko gizon bati 23 urteko bikotekideari erasotzea leporatu diote, eta Ondarroan 31 urteko gizon bati lankide bati ukituak egitea, herriko osasun etxean. Bilboko jaietan bi sexu eraso salatu dituzte, eta Donostian 20 urteko gizon bat atxilotu dute, hiriaren... [+]
Mehatxu larriak egitea egotzi diote, eta behin-behinean aske utzi dute urruntze agindua ezarrita.
Nahiz eta Nafarroako hainbat udalerrietako udaltzaingoek taserrak dituzten, ez dago armen araudian jasota. Azkoienen lau aldiz erabili dute, eta Iruñean aurtengo ekainean erabili zuten lehen aldiz.
Palestinarekin Elkartasuna plataformak deituta, bi hiriburuetako jaietan "Palestina presente" egoteko aldarria luzatu dute. Ostiralez Bilbon, eta larunbatez Donostian.
Testu hau goizeko ordu txikitan izaten diren hausnarketa batekin hasi da, Araba galduko herri batean zoruan jarrita, ortzimugan eguzkia ateratzen dela ikusirik. Zelai hori eta nabarren artean hegan egiten duten txoriei so eginez, mendietan dauden basoetan pentsamenduak galduta... [+]
ARGIAko erredakzioaren eskutik, sei ikus-entzunezko proposamen.
Amazonen hodeia da AWS, eta funtsezko faktorea izaten ari da Israelen operazio militarretan.
Mundu mailan erregistratutako urterik beroena izan zen, eta Europako bigarren beroena, ISGlobalek egindako azterlanaren arabera. Europa hegoaldeko estatuak dira heriotza-tasa handienak dituztenak. Parisko Akordioan zehaztutako helburuak ez dira betetzen ari.
Berrerarabili, zaharberritu, konpondu, eraldatu… Behar duguna baina gehiagorekin bizi garelako agian…
"Gure bizitzak haienak baino garrantzitsuagoak dira", esan dio Israelgo armadako soldadu batek Israelgo komunikabide bati.
Joan den uztailean, hilabete batez, 127 gaztek 400 kilometroko espedizioa oinez egin dute Euskal Herrian gaindi. Abenturazale haiek Jzioquitarrak deitzen dira eta 30 egunez, 27 herri bisitatu eta hainbat euskal eragile ezagutu dituzte. Aurten, EuskarAbenturako helburuak aise... [+]
EAEko hiru hiriburuetan udako jaiak ospatzearekin batera, etorri dira, berriz ere, ostalaritzako patronalaren kexuak jai herrikoien aurka. Gipuzkoako Ostalaritzaren elkarteak Gipuzkoako Foru Aldundiari eskatu dio Arabakoaren bidea jarraitzeko, eta txosnei eta kale saltzaileei... [+]